Хэсэг онигоонууд

Сурсан занг сураар боож болохгүй
Монголд олон улсын хүмүүнлэгийн шугмаар тав зургаан жил ажилласан япон залуу нутагтаа буцжээ. Очсон эхний сардаа мань хүн нилээд олон замын хөдөлгөөний дүрэм зөрчөөд нэг хэсэгтээ л торгуулиас салаагүй гэнэ. Учир нь монголд байхдаа улаан гэрлээр гарц өнгөрөх, явган зорчигчын замаар хөдлөн гүйх гээд нилээд зүйлс сурчихаж л дээ.

Эмээ нарын онигоонооос:
Нэг эмгэн явган хүний гарц дээр зогсоод хажуу дахь залуугаас тусламж хүсэв:
-Хүүе хүүхээ, эмээгээ зам хөндлөн гаргаад өгөөч гэтэл залуу их л уриалгахнаар:
-За тэгье, Эмээ тэгэхээр одоо улаан гэрэл асаж байгаа биз. Энэний дараа ногоон гэрэл асна. Тэгэхээр хоёулаа зам гарна гэсэн үг ш дээ гэтэл эмгэн лаг эгдүүцснээ:
-Хммм, ногоон гэрлээр гарах юм бол эмээ нь өөрөө гарч дөнгөнө ш дээ гэсэн гэсэн :))

Автобусанд нэг залуу эмээгийн хөл дээр гишгилээд хажуугаар нь өнгөрснөө гэнэт сандран арагшаа харж:
-Өө уучлаарай эмээ, таны хөл дээр гишгээд явчихаж гэтэл эмгэн:
-Зүгээрээ зүгээр, эмээ нь сая араас чинь нулимчихсан л даа гэсэн гэсэн

Нэг шинэков жолооч гудамжинд хурдаа тааруулж чадахгүй явж байгаад нэгэн эмгэнийг дайрч орхив. Тэгэнгүүтээ бүүр сандраад ухартал арай гэж машины араас босч ирсэн эмгэнийг дахиад л дайрчээ. Залуу бууж ирээд тонгойгоод хартал эмгэн машин доороос:
-Хөөе, хүүхээ чи намайг тэр чигт нь гүйцээх гээд байгаа юм уу гэж уурлав.

Цагдаагийн ёс суртахуун
Японд монголын гурван оюутан цэцэрлэгт хүрээлэн дотор нь жоохон ууж л дээ. Тэгтэл нэг найз нь түрүүлээд "тас" явчихаж. Нөгөө хоёр нь найзыгаа жоохон шоглох гээд мод түшүүлж орхиод алсаас нууцаар ажиглаж зогстол 2 япон цагдаа ирээд нэг нь нөгөө оюутаны халаасыг ухаж хамаг бичиг баримт, мөнгө эдлэл зэргийг гаргаж, нөгөө нь бүртгэж авч байснаа тэлээг нь тайлж аваад гэдсээр нь сайтар гэгч нь бүсэлж өгөөд цамцных нь дээгүүр бүх бичиг баримт эд зүйлсийг нь цувуулж хийгээд дахин нөгөөх модыг түшүүлж орхиод зугтааж орхив гэнэ. Уул нь бол уг хүний гэрийнх нь хаягаар хүргэж өгөх ёстой байтал мань 2 цагдаа залхуурсан нь тэр гэнээ.

Ойрд нилээд ажил хөөцөлдөөд гадуур гүйгээд байгаа учраас нэг иймэрхүү онигоо энэ тэр бичиж халтуурдав. Тэгж байгаад Багын дурсамж цувралаа үргэлжлүүлнээ.