Найруулагч Владимир Меншовын 1975 онд бүтээгдсэн уг кино өдгөө ч утга учираа алдаагүй хэвээр л байна. 1981 онд Оскарын Шилдэг гадаадын кино (Best Foreign Language Film) шагналыг хүртсэн уг кинонд гурван найз бүсгүйн өөр өөр амьдралыг өгүүлдгийг хэн бүхэн андахгүй сайн мэдэх учраас би дахин дурдаад байх нь илүүц биз.
Уг киног кино шүүмжлэгчид маш их шүүмжлэдэг гэдэг. Учир нь уг кино тухайн үеийн нийгмийн сэтгэлзүйд асар ихээр нөлөөлсөн бөгөөд нөхрөөсөө салж өрх толгойлсон эмэгтэйчүүдийн бүхэл бүтэн "армийг" бий болгосон гээд бодохоор уг кино тэр чигээрээ бодит амьдралыг тусгаж, өгүүлж буй санаа нь ямаршуу жинтэй байсныг гэрчлэх бизээ.
Тийм ч болохоор энэ кинонд би ч мөн адил маш их дуртай, сэтгэл санаа тиймхэн ч юм уу амьдралдаа сэтгэл ханамжгүй болсон үедээ байс хийгээд л үздэг юм. Ялангуяа эхний ангийн төгсгөл хэсэг дэхь Катягийн хүүхэдтэй болж үлдэж буй, дараагийн анги дахь Гоша Катя хоёрын вагонд танилцдаг, бас тэр Гоша Александрагийн найз залууг өмөөрч хэдэн залуустай зодолддог, Гошагийн найзуудтай салхинд гарч шорлог хийдэг хэсэг гээд л дуртай дуртай...
Амьдрал 40 хүрч байж дөнгөж эхлэдэг гэсэн үгийг харуулсан, хүнд хэцүү амьдралаас тэмцэн байж гарч ирсэн Катягийн, жинхэнэ эр хүн гэж ямар хүн байдгыг илтгэдэг Гоша хоёрын дүрд хайртай байдаг юм.
Тиймээс ч сүүлийн үед "кайф авах төдий" гэмээр ч юмуу Холливудын хийсвэр кинонуудын шуурганд дарагдаад буй үед энэ киног бас үзэж байгаарай гэж бяцхан сануулах үүднээс энэхүү ядмаг бичлэгийг бичиж байна л даа.
Тиймээ, амьдрал хэзээд нулимсанд дургүй. Амьдрал зөвхөн тэмцэгчдэд, ялагчдад л дуртай байдаг.
www.on-air.mn/cinema/ (Эх хэлээр)
www.on-air.mn/cinema/ (Эх хэлээр)
IMDB
4 Comments:
Wooow, ene kino bol mash gaihamshigtai kino, soundtrack n bas lag te. Duug n sonsoh tutam minii baga nas sanaand ordog yum. Ter ued hiigdej baisan oros kinonuud bol unen tasarhai shuu tee. Ugaasaa minii huvid ter hollywood iin alaan hyadaan tsus nojtei kinond durgui. Haren france russian kinonuud mash taalagddag. Za amjilt husey! Ushuu olon zuils bicheeerei
Кино урлаг өөрөө үзэгчдэд өөр хэн нэгний амьдралыг харуулдаг болохоор сайн киног үзэхээс буцдаггүй шүү :D Ойрд харин үнэхээр сэтгэлд хүрсэн сайхан кино үзээгүйм байна.
Hi. Bi bas huuchnii oros kinonuudad ih durtai . Neeree l kinonii duu ni yavahaar neg l goy ter ueiin taivan amgalan huuhed nas bodogddog yum. amidral nulimsand durgui bas Iim negen yavdal geed l goy oo goy. Orosuud ene huuchnii kinonuudaa DVD bolgoj gargasan chin ih saihan zuil bolson.Avaad haaya uzej baihad neg hesegtee l sergemeer saihan baidag yum.
hey naizaa iim negen yavdal kinonyhoo neriig orosoor ni heleed ogooch!
Bayarlalaa,
Post a Comment