Sunday, January 24, 2010

Gump is Dump

Өчигдөр Боловсрол суваг үзээд үнэхээр их эгдүүцэв. Онцлог нийтлэлч гэдгээр нөгөөх хараал идсэн Гамп хэмээгчийг гаргав. Царайг нь гаргасангүй л дээ, яагаад гэдгийг нь гадарлаж л байна. Надаас өгсүүлээд "баруун гарын шанаа" өгчих хүн захаас аваад замаар нэг бий гэдэгт итгэлтэй байна.

Уул нь Гампын бичиж буй болон хөндөж байгаа санаа, ёгтлол таалагддаг л даа. Гол нь тэр хар ярианы хэлээр бичиж, монгол хэлзүйг террор хийж байгаа нь таалагдахгүйгээр барах уу, түүнийг нь бүүр үзэн яддаг болохоор "шанаа" өгөхөөс буцахгүй болоод байгаа юм. Ядаж байхад нэр нь хүртэл хайртай киноны Гамп шүү. Блог нийтлэлч буюу иргэний сэтгүүлзүй нь хэвлэл, мэдээллийн оронзайд хүч түрэн орж ирнээ, энэ бол шинэ давалгаа гэж хэдэн жилийн өмнөөс л бичиж, өгүүлж байсан. Одоо бол Гампаар өвчилсөн, Гампыг дууриасан террорист блоггчид олон гарч. Муу үг модон улаачтай гээд үг байна л даа, тайлбарлавал муу үг, муу үлгэр дууриал модоор хийгдсэн мэт эцэж ядардаггүй улаач, буухиачтай адил хол тархдаг гэсэн санаа л даа. Гамп нэг баталгаа нь...

Уул нь миний эрх чөлөө, бусдыг эрх чөлөөг хөндөхгүйгээр хязгаарлагдах ёстой, миний бодлоор Гамп эрх чөлөөгөө хэтрүүлэн эдлээд байгаа мэт. Өөрөө хэлж байна л даа, монгол хэлзүйд террор хийж байгаа нь өөрийгөө маркетинг хийж байгаа "ядарсан арга" гэнэ, одоо бол "задарсан арга" болчихоод буй мэт.

Кино нь дээрх Гамп тэнэг юм шиг гүйгээд л байдаг, гүйгээд л байдаг. Юуны төлөө яах гэж гүйж байгааг нь мэдэхгүй бусад хүмүүс басхүү дагаад гүйгээд л байдаг, гүйгээд л байдаг. Гэнэт нэг өдөр зогтусч зогсчихно. Харин монголын энэ Гамп зогсох болов уу, одоо бол араас нь дагаж гүйж байгаа хүмүүс олон болчихож.

Нэг өдөр сонин хэвлэлүүдээр Гамп шиг дамп болсон өгүүлбэрзүйн хэв шинжтэй нийтлэл гарч ирвэл би л лав гайхахгүй ээ.
Миний эгдүүцэл зарим хүмүүст таалагдахгүй байх л даа. Гадарлаж байна. Гэхдээ л хувь хүн бүр, тэр дундаа болсон болоогүй блог "халтартуулдаг" нийтлэлч бүр монгол хэлзүй, монгол соёлоо хүндэлж дээдлэхгүй бол өөр хэн ч дээдлэхэв дээ.

Юу гэнээ, чи өөрөө тэгээд алдаагүй сайхан бичдэг үү гэж үү? Мөхөс би хааяа санаандгүй алдаатай бичдэг нь үнээн, гэхдээ санаандгүй үйлдэх нүгэлээс, санаатайгаар үйлдэх нүгэл бүүр хүнд гэдгийг ч хэлээд илүүц биз ээ

5 Comments:

GansukhB said...

Тантай санал нэг байна аа.
Эх хэлээ эвдэж, хүүхэд залууст ч буруу үлгэр дууриалал болж байгаа блогчин, нийтлэлч нар байна ааа. Гамп, Артаг гээд л.

Cаарал said...

Sanaa niilev.

Үлмэдэх said...

яадаг ч байсан сайн муугаараа тэр аль хэдийнэ хүмүүст танигдчихсан шүүдэ. Одоо хэв маягаа эвдүүл бүүр инээдэм болох бизз, гэхдээ арай л дэндүүлцэн байдаг. "Хар цагаан 2 зэрэгцэж байж гэмээнэ саарал ертөнц бий болдог гэлтэй"

1000 захиа said...

iPhone 4-iig endees hyamd avaarai.
www.1000zahia.com

Anonymous said...

Өөрөө нэг их монгол хэлээ мэддэгтээ монгол хэлзүйг террор хийж энэ тэр гэж хуцаад байгаамуу. Тэр Гамп чинь аягүй бол чамаас дутахгүй албан бичиг бичээд сууж байдаг аятайхан хүн байдаг ч юм билүү.