Миний эргэн тойрон

Blondie - One way or another ...

2011-02-27T22:03:00.000-08:00

70аад оны үед жинхэнэ ХИТ болж байсан шаргал үст буюу Blondie хамтлагийг жинхэнэ хөгжим сонирхогчид бол надаас илүү түүхийг нь сайн хэлж өгөх биз ээ. Миний хувьд зүгээр л сонсох дуртай :)

Тэгэхдээ би таалагдсан дуугаа сонсохдоо заавалчгүй өөр хэд хэдэн хувилбарыг сонсож үзэх хоббитой юм. (Дунд сургуульд байхдаа нэг бодлогыг хэд хэдэн аргаар боддог байсан шиг гэх юм уу, хэхэ)

Blondie:

Mandy Moore:

Kristen Bell:

Sophie Ellis Bextor:

Cansei De Ser Sexy:

Melissa Joan Hart:

Blondie - Heart of Glass:

Blondie - Maria:

Blondie - The Tide Is High:

Blondie vs Edison - Heart of Glass Mix:

Blondie - Heart of Glass dmc cut up mix:

Moby ft. Debbie Harry - New York, New York [Remix]:

Lily Allen - Heart of Glass (Blondie cover):

Заза тэгээд эцэст нь юун Лэди Гага :P

Playing Love 2: Морин хуурын чуулга "Би чамд хайртай"

2011-02-27T20:51:00.000-08:00

Морин Хуурын Чуулганы дэлхийн шилдэг киноны хөгжимүүдээс тоглосон "Playing Love" тоглолт маш чанартай сайн болсонг маргах хүн гарахгүй буй заа.
Тэгвэл энэ 3 сарын 5, 6-нд Соёлын Төв Өргөөнөө Морин Хуурын Чуулгынхан кино сонирхогч, хөгжимд хайртай хүмүүст зориулан "Playing Love 2" тоглолтоо хийх гэж байгааг эндээс мэдэв.

Уг тоглолтонд монголын кино урлагийн сор бүтээл болох "Би чамд хайртай" киноны хөгжим тун гайхалтай болжээ.

Дэлгэцнээ мөнхөрсөн эдгээр шилдэг бүтээлүүдийг дахин шинээр амьдруулж байгаад нь талархая!

Өмнөх Playing Love тоглолтын "Ennio Morricone - Playing Love (The Legend of 1900)":

Жанцанноров - Сэцэн Мандухай (Мандухай сэцэн хатан):

Хэд ч үзээд уйддаггүй, үзэх бүртээ шинэ зүйл олдог, "ухаад ухаад" дуусдаггүй, аль ч цаг үед ач холбогдолоо алддагүй бүтээл бол БЧХ байгаа юм. Хэро Баатарын хийсэн БЧХ2 ч дээ, "халтуурны кино" болсонг энд өмнө нь ярьсанг дурдаад ч яахав, миний бодлоор бол өмнөх киноны жүжигчид тоглох хэрэггүй байсан юм.

Эхнэртээ ОУ эмэгтэйчүүдийн баярын бэлэг болгоод 2 тасалбар худалдаж авмаар санагдчихлаа.

Монголын сонгодог хөгжим "Тань руу нүүж явна"

2011-02-14T21:27:00.000-08:00

Энэ киноны хөгжмийг сонсох дуртай. Учир нь сэтгэлийн гүнд буй хөнгөн гунигийг хөгжмийн хэлээр өгүүлж нэг л сайхан санагддаг юм.
Илүү олон үг нуршилгүйгээр хэд хэдэн хувилбараар нь сонсохтүн, бүгд өөрийн гэсэн шинж, өгүүлэмж агуулсан шиг санагддаг юм. Эцэст нь хэлэхэд бусад монгол туургат улсууд дундаас тусгаар тогтносон бидний Монгол улсын соёл урлаг хөгжил илүү юм шигээ ...

Помогите нам 2 Хуваарьгүй нислэг [Шууд үзэх] | [Татах]

2011-01-26T05:34:00.000-08:00

Помогите нам 2 буюу Хуваарьгүй нислэг киног шууд үзэхээр болон татаж авахаар байрлууллаа :) энд дарна уу

Брэнд буюу 9911 яагаад хаданд гарав?

2011-01-05T12:31:00.000-08:00

Гадаадад төгсч ирсэн нэг найзтайгаа хальт санаандгүй ямар брэндийн хувцас хунар сонгодог, яагаад 9911 дугаар хаданд гарав гээд буу халж суутал манай монголчууд сүүлийн үед их брэнд хөөж туйлширдаг болжээ гэв. Угаасаа манайхан нэг тийшээ хэтэрхий туйлширах гээд байдаг талтай ч энэ удаад өөрсдийгөө өмгөөлөөд жоохон маргаваа хөөрхий.

Тэгэхээр яагаад брэнд хөөдөг болсон талаар ярихийн тулд эхлээд бид ямар цаг үеийг туулснаа бодох хэрэг гарав. Миний бодлоор өмнө нь соц нийгэмд үйлдвэр бүр нэг л төрлийн бараа бүтээгдэхүүн үйлдвэрлэж түүнийг нь хүн бүр л авч хэрэглэхээс өөр замгүй байсан буюу өөрөөр хэлбэл зах зээл дээр өрсөлдөөнгүй байсан болохоор брэнд бүтээх шаардлагагүй байж. Тиймээс брэнд гэдгийг саяханаас ардчилсан нийгэмд ороод л танилцсан ш дээ.

Одоо бидэнд ямар нэгэн бараа бүтээгдэхүүн худалдан авч хэрэглэх шаардлага гарахад маш олон адил төрөл, зүйлээс сонгох хэрэгтэй болж байгаа.

Брэнд гэдгийг хувьдаа бүтээгдэхүүний чанар, онцлог буюу нэр хүнд гэж ойлгоод байгаа. Хүн бүрийн хэрэгцээ, хэрэглээ адилгүй учир түүнд таарсан бүтээгдэхүүн, үйлчилгээг ганц брэнд нэрээр л сурталчилж, хэрэглэгчдийн тархинд таниулж, суулгаад байгаа байхаа?

Жишээлбэл гар утасны үйлчилгээ байна. Хэрвээ та оюутан сурагч бол хэрэглээ болон төлбөрийн чадвартаа нийцсэн D20, Be, ID гээд хямд сонголт хийсэн байхад хэн ч гайхахгүй.

Харин бизнес эрхлэгч, албан ажилтан бол байнга цэнэглэгч нэгж хайж гүйхгүй, хэрэглээндээ тааруулж ярианыхаа багцаа сонгоод дараа төлбөрт Mobizone, BusinessClass, Сонгодог багц гээд брэндүүд байгаа.

Манай өөрсдийн үндэсний бүтээгдэхүүн ч брэнд бий болгоод эхлэсэн шүү дээ. Тэгээд тухайн брэнд нэрийг сонсоод л бидэнд тэдгээрийн чанар, онцлог, үнэ зэрэг нь шууд бууж байгаа. Шар айргаар жишээ авая Боргио ба Пүүшин эсвэл Сэнгүр гэхэд 3н өөр төрлийнх, өөр хэрэглээнийх :))

Аа харин 9911 хувьд сүүлийн үед ханш нь огцом өсч байна. 3 жилийн өмнө 500-c 600 мянган төгрөг байсан бол одоо доод тал нь 5 сая гэнэ. Банкинд хийснээс ч илүү өсч байна гэнэ үү, хэхэ. Ө/х 9911 өөрөө маш эрэлттэй ч олдоц нь тун ховор байгаа брэнд болоод байгаа учраас үнэ нь өсөөд байгаа хэрэг шүү дээ. Дахиад өөр үүрэн холбооний оператор ийм брэнд бүтээж чадахгүй, бүр Мобиком өөрөө ч чадахгүй л болов уу, тиймээс нэр хүнд, үнэ нь өсч буй. Өөрөөс хэлбэл монголчуудын бүтээсэн брэндүүд дотроос хамгийн нэр хүндтэй, амжилттай болсон нь гэхэд буруудахгүй болов уу.

Худлаа гэвэл мобиком руу ч юмуу, аль нэг үйлчилгээний газар руу 9911-тэй дугаараас залгаад үзээрэй :P

Язгуур монгол чанар гэж юу вэ гэсэн эрээвэр, хураавар бодрол

2010-11-25T21:35:00.000-08:00

Эхлээд Монгол улс тусгаар тогтнолоо зарлан тунхагласны ойн баярын мэнд хүргэе!

Би гэж хүн зав гарсных гүүгл уншигчаа нээж уншдаг хэдэн блогуудаас сонирхолтой гэж үзсэн хэд хэдэн нийтлэл уншаад янз бүрийн эрээвэр хураавар бодолд автав. Яг юунаас эхлэхээ ч сайн мэдэхгүй сууна.

Гол нь сүүлийн үед биднээс, монголчуудаас ажиглагдах болсон зан чанар, ааш авир, үзэл бодлыг хураан бодохоор өөдтэй зүйл гарах нь ховор боллоо. Нарийн судалгаа хийгээд үзвэл өдөр тутмын нийт мэдээ дундаас бүтэлтэй, гэрэл гэгээ харагдаж буй хэсэг нь цөөхөн л гарах байх. Гэхдээ мэдээж юмыг аль болох өөдрөгөөр, бүтээх босгох талаас нь харах нь угаас зүйтэй.

Монголчууд бид хоорондоо их талцаж, хуваагдаж, хагарч бутрах нь их болж. Тухайлбал хөдөөнийх хотынх, халх дүрвэд, монгол казак, монгол буриад, цэвэр монгол хужаагийн эрлийз, боловсролтой боловсролгүй, эрэгтэй эмэгтэй гээд тоочоод байвал дуусахгүй нь... балай юм. Цагтаа азийн цээжинд хүчирхэг гүрнийг цогцлоод босгоод улмаар тухайн үеийн газарзүйн ойлголтоор бараг дэлхийг бүхэлд захирч нэгтгэж, шинэчлэж байснаа жижиг ханлиг, ванлиг болж өөр хоорондоо муудаж хагарч бутраад Манж Чин улс, дараа нь коммунист Зөвлөлтийн эрхшээлд хэдэн ч жил "зовов" доо. Түүхийн сурвалжаас харахнээ гол шалтгаан нь бие биенийхээ дээр гарах гэсэн дотоодын зөрчил, түүнийг дэвэргэж овжин ашигласан гадныхан л хожсон. Азаар халх монголчууд нь хэдэн мянган хүнээ алдан барин байж одоо тусгаар улс болчихоод өөрийн эрхэнд "зовж" яваа ч, өвөрмонгол буриад тува гээд тал нь одоо ч бусдын эрхэнд "жаргаж" л явна. Гэхдээ энэ бол арай өөр асуудал л даа. Гол нь тусгаар улсаа тунхагласан, халх монголчуудынхаа тухай энд ярьж байна л даа.

Монгол хүн гэж яг ямар хүн байх ёстой юм? Бид бусдаас юугаар өөр юм, юу бидний бахархал юм гэхээр юу гэж хариулдаг вэ?

Чи муу хөдөөнийх, би лаг хотынх, хөдөөнийхөн мал руугаа зайл, зуд болохоор та нар тусламж авдаг, бид яагаад авдаггүй юм гэх мэт яриа гадуур их газар авлаа шүү. Хэвлэлээр ч талцаж байгаад л үзээд байна. Анзаарахнээ, Пентатаник Академийн нөгөө Долгион анх нийтийн дуу, дуучдад дургүйцэж хөдөөний соёл, хотын соёл гэж ялгаварласан ярианаас асуудал дэгдэж эхэлсэн байх. Эсвэл бүүр өмнө Мал дагавал мал болно гээд ч эхэлсэн байж магад. Хөдөөний муу мал гэж нэг нь доромж үзээд байдаг, нөгөө нь болохоор Би жинхэнэ монгол, билэг танхай хөдөөний хүн гээд дуулаад байдаг, хаха. Нэгэнд нь бахархал, нөгөөд нь доромж байх нь ээ? За энэ ч яахав, хүнийг гарал үүслээр нь уул нь ялгаварлан гадуурхаж болохгүй гээд хүний эрх мэрх ярих байх, түр орхиё.

Цаашлаад халх дүрвэд, халх буриад болоод талцаад явчихнаа бас. Дүрвэд хүн хүн биш, дөрвөн хөл шийр биш, Буриад бол үндэстэн биш ястан гээд баахан маргалдаад, муудалцаад унасан. Бас л хүнийг яс угсаа, хэл яриагаар нь гадуурхаж байгаа хэлбэр.

Бүүр цаашлаад асуудал бүүр ноцтой тал руугаа орлоо шүү. Монгол казак болоод үндсэн хооронд болоод явчихсан. Баян-Өлгий дэхь казакуудын тусгаарлагдмал байдлаас эхлээд газар нутаг, яс угсаа, шашин шүтлэг гээд бүс нутгийн хэмжээнд хүрэхнээ хөөе.

За тэгээд аймаг хот, сум дүүрэг, хороо байраараа хуваагдаад талцдаг байсан чинь саяхан бүр төрсөн он жилээрээ хуваагдаад эхлэв шүү, хаха. 90-ээд онд төрсөн залуусын клуб эдэр гэнэ үү. Тэнэгтэлд ямар хязгаар байх биш дээ гээд хатуухан хэлчихмээр санагдаж байгаа байхгүй юу. Гадныхан өнгөн дээрээ монголчууд их ухаалаг ард түмэн гэж хөөргөөд байгаа болохоос цаанаа шогтой шоолж байдаг нь мэдрэгдээд байх шиг санагддаг.

Гол нь дээрх янз бүрийн олон бүлгийн аль нэгэнд хамаарч байгаа ч гэсэн яах аргагүй л та бид тусгаар тогтносон Монгол улсын нэг иргэн, монгол хүн нь үнэн юм. Гэхдээ жинхэнэ монгол хүн ямар байх ёстой вэ? гээд болохоор яг таг бэлэн хариулт нь байна уу, хэхэ... Дуучин Жавхлан шиг хэлхэгэр дээл өмсч гэр шүтснээрээ жинхэнэ монгол болохгүй, Долгион шиг 40мянгатынх гэж цээжээ дэлдээд ч болохгүй байх, зохиолын дуу сонсдог бай хотын хөгжим сонсдог ч бай хэнд хамаатай юм, юугаа сонсч, яаж таалах нь тэр хүний л эрх шүү дээ, хотынх байснаараа хотод төрснөөрөө ч жинхэнэ монгол болохгүй ээ. Миний бодлоор энд жинхэнэ язгуур монгол зан чанар, ёс заншил, хүмүүжилийн тухай л яриа болохоос өнгөн талаасаа биш байхаа.

Япон хүн гэхээр шууд толгойд Самурайн ёс суртахуун, үнэнч шудрага, хариуцлагатай байдал гэж шууд буудаг шиг Монгол хүн гэхэд буух тэр л зүйлийг гаргах гээд чадан ядан түүртээд байна л даа.

Эртнээс монголчуудыг язгуур зан чанараас маань хөндийрүүлж, хүч чадлыг нь мөхөөхөөр шарын шашинд оруулж, манжийн үед бүхий л үүх түүх, ёс заншилыг нь мохоож, социйн үед бичиг үсгийг нь хүртэл хольж сольж бантанг нь хутгаад одоо бүгд овогоо ч мэдэхгүй төөрч будилсаар язгуур монгол чанараа алдчихсан, одоо ардчилалын үед бүх дэлхий даяарчлагдаад барууны болон гадны асар их соёлын дайралтанд хэдэн талаасаа довтлуулаад бүүр ч хэцүүхэн болж байна доо.

Жинхэнэ монгол хүний язгуур чанараа бид өөрсдөө үүх, түүхээсээ, зан заншилаасаа, үндэсний язгуур соёл урлагаасаа, нүүдэлчин ахуйгаасаа л ухаж, хөөж олж авахаас өөр аргагүй.

Одоо бол бараг бүхий л зүйл яг язгуур монгол чанарынхаа эсрэг чиглээд байгаа мэт санагддаг. Өнөө үед монголчууд бидний ихэнхи нь төв сууринд амьдарч, суурьшмал байдлаар иргэншиж байгаагаас бүүр их гээж байгаа. Бахархаж цээжээ дэлддэг зүйл нь дан ганц Чингис хаан, түүний байлдан дагуулалт. Бид их хааны үр сад, бид эгэл биш, би Монголд төрсөн хөх толбот монгол хүн энэ тэр... Тийм л дээ гэхдээ яг язгуур чанар агуулсан жинхэнэ монгол хүн гэхээр л чадахгүй, би ч мөн ялгаагүй. :(

Жишээ нь, Монголчуудын зан заншилаас хүүхдэд цээрлэх 6н зүйл:
Гашуунаар бүү тэтгэ
Амттанаар бүү цатга
Өнгөнд бүү шунуул
Тансагт бүү умбуул
Улайг бүү үзүүл
Нойронд бүү автуул

Басхүү энд монгол хүний индикаторын талаар бичнээс иш татвал:

(...Жинхэнэ монгол хэл, үгсийн урын сан хайчсан вэ ?. Энэ байсан шүү. Ойрдын эрдэмтэн огторгуйн далай, равжамба Зая Бандид Намхайжамц (1599-1663)-ын тод монголд буулгасан бурханы их хөлгөн судар лүү орьё. Хүн бүр уншуулдаг хийморын санд жишээ нь “…тус амгалангийн цог доор өлзий хутаг орших болтугай. …гэгээн гэрлээр сэтгэлийн эрхэт лянхуа цэцэг дэлгэрэх болтугай. …бие, эрхтэн, хийморь улам дээш шинэ саран мэт аривдмой… ум амгалан сайн болтугай .. ” гээд гарна. Ямар уран гоё хэллэг вэ. Ингэхэд ӨЛЗИЙХУТАГ хэмээх үгийн утга, логикийг бидний хүрээлэлд хэдэн хүн мэддэг бол ?. Би лав хэлж мэдэхгүй. Жинхэнэ монгол хэллэг, урын сангаа ингэж бид танихгүй болтол нь гээсэн байна. Өнөөдөр жинхэнэ урын сангаар шүлэг хэлхэж буй яруу найрагч хэд бол ? ...)

мөн энд Монгол эр хүний тухай дурджээ:

(...Монгол эр хүн бүр хүний ёс жудаг, чанар нүнжиг, ариун цагаан сэтгэл, тулх ноён нуруу, чалх чадавхи, эрдэм ухаан, тэнгэрлэг хувь тавилантай байхыг хүсч тэмүүлдэг....
Хулгана, туулай шиг хулчгар, үхэр шиг тэнэг, ноён шиг урваач, нохой шиг шарваач, шаазгай шиг үглээ, бух шиг мунаг, салхи шиг хөнгөн, бэлэн Сэнгээ шиг худалч, илжиг шиг хийморьгүй үлбэгэр муухай араншин, зан чанарыг ёс жудаг, нүнжигтэй сайхан монгол эр хүн үзэн яддаг, үл тэвчдэг билээ. Сайхан монгол эр хүний есөн сайн чанарт ийн өгүүлсэн байдаг.
1. Алсын хараа
2. Холч ухаан
3. Өршөөнгүй сэтгэл
4. Эв эе, хайр дурлал
5. Эрхэм төгөлдөр ноён нуруу
6. Өмөг түшиг тулгуур болох чанар
7. Хатан зоригт тэвчээр хатуужил
8. Ханилах арга ухаан
9. Хүний мөс чанар, ёс жудаг, нүнжиг

Харин муу эрийн есөн шинж гэвэл:

1. Бор дарсанд шунагч
2. Болчимгүй үгэнд автагч
3. Богд Чингэсийн сургаалд тэрслэгч
4. Үйтэн хуарын өнгөнд автагч
5. Үйлийн хэцүүгээс шантрагч
6. Үр хүүхдээ ад үзэгч
7. Үнэнч ханиа гомдоогч
8. Болох, болохгүй хэргийг сэдэгч
9. Мунхаг мунагт автагч гэжээ....

XIII Далай лам Монгол оронд морилоход Чин ван Ханддорж 16 настай хүүгээ түүнд бараа болгон эрдэм ном сургахаар өмнөт хөрш рүү явуулсан байдаг. Далай лам хүүг бараа бологсдынхоо тоонд оруулан Манжийн эзэн хаанд бараалхуулах гэтэл “ёс алдсан” гэдэг шалтгаар үнэндээ монгол амьтай тэрслүү эцэгт нь гэсгээл үзүүлэх зорилгоор хөөрхий хүүг хороосон билээ. Чин ван Ханддорж яаран довтголсоор Бээжинд очиход хайрт хүүгий нь толгойг царанд тавин бүтээгээд үүцээр зочилж буй дүр эсгэн даажигнасан аж. Тэрхүү агшинд вангийн цээж давчдан зүрх нь өмөрч урагдаж байсан ч “Өө энэ чинь та нарын үүц байна. Би андуурч” гээд “Монхор үрээсээ хагацах хичнээн хэцүү ч монголоо алдаагүй цагт болноо хө” гэж шивнээд ордны үүдийг саван гарсан гэдэг. Чин Ван Ханддоржийн энэ эрэлхэг намба төрх, сэтгэлийн хатан хүлээц тэвчээр, төрийн хүний гүйлгээ ухаан, зориг зүрх, хугарашгүй ноён нуруу, нумаршгүй цөлх хатуужил сайхан монгол эр хүний цусанд байдаг...)

гэх мэт монгол үндэстний зан чанар, философи бүгдийг судалж, сурталчилж, омогшуулж, бахархаж явж байж гэмээ нь л жинхэнэ монгол хүн гэж сая хэлэх эрхтэй болох буй за гээд энэ урт бодролоо дуусгая.

Цаг нь болжээ, гарахаар шийдэв

2010-11-15T00:37:00.000-08:00

Удаан хугацаанд эргэцүүлсний үндсэн дээр ийм шийдэлд хүрэв. Цаг нь ч аль хэдийнэ болж.

Би гэдэг хүн анх 2000 онд МТ салбарт хөл тавьж орсноос хойш бараг 10 жилийн турш энэ мэргэжилдээ үнэнчээр монголдоо ажиллав, зүтгэв. Ингэхдээ зун 1 сар бүтэн амралт авч байснаа санахгүй юм. Сүүлийн 2, 3 жилүүдэд л наадам, цагаан сараар гэртээ өнгөрүүлсэн болохоос өмнө нь бол ажлын шаардлагаар баярын өдрүүдэд бүүр их ачаалал, хариуцлагатай ажиллах хэрэгтэй болдог байв.

Нэг төслөөс нөгөө төсөл, нэг ажлаас нөгөө ажил руу завгүй л ажиллаж байтал бараг 10 жил өнгөрчихөж. Янз янзийн л төрлийн төсөл, программ дээр ажиллаж үзэв. Гэхдээ бүгд 100% хүч чадлаа шавхсан ажил байсангүй. Халтуурны мөнгө олох төсөл ч байлаа, хоббигоороо үнэ хөлсгүй хийсэн ч төсөл байлаа, томоохон хэмжээний үнэтэй өртөгтэй төсөл ч байсан. Хэдэн жил хөдөлмөрлөсний эцэст саяхан л өөрийн гэсэн байр савтай болж авав. Энэ бүгдээ өөрийн хүч хөдөлмөр, оюунаа үнэлүүлж олсон юм шүү. Түүнээс тендер булхай хийж өч төчнөөнөөр нь бохир мөнгө хийсэнгүй.

Монголын нийгэмд амьдрах хэцүү л гэдэг, хэцүү бүгдийг туулсаар, давсаар л ирсэн, гэхдээ одоо хангалттай, гарах минь. Өөрийн хувиа бодохоос илүү 2 настай охиныхоо ирээдүйн төлөө арай "цэвэр ардчилалтай", хийж чаддаг ажиллаж чаддгийг нь илүү үнэлдэг газарт ажиллаж, амьдарч үзэе дээ. Монголын хөгжилөө боомилсон, буруу нийгэмд амьдрахаас ч бас залхаж байна гэх үү дээ. Энхбат гишүүн энд нэгхэн жишээ дурдсан байгаа. Санакае гээд блогчин ч энд бичсэн байсан даа. Эртхэн гарч яваагүйдээ одоо харамсах юм. Гэхдээ бас ч оройтоогүй байна.

Хэд хэдэн газарт ажиллахдаа дандаа сайхан хамт олон дунд байж, сайн найз нөхөдтэй олонтой боллоо. Түрүүчээсээ дарга даамал болоод ч эхэлчихэж. Гэхдээ хамгийн гол нь гадагшаа гарч ажиллах болсон шалтгаан маань үнэхээр энэ мэргэжлийг сонгож авсны үр шимийг үзэж, хамаг оюун бололцоогоо туйлд нь хүртэл шавхаж, хийсэн дуусгасан төслөөсөө баяр баясгалан харая гэвэл МТг жинхэнэ үйлдвэрлэж байгаа газарт нь очих хэрэгтэй гэж бодсоных. Өөрөөр хэлбэл, машинаар бол моторын эргэлтээ туйлд нь хүртэл давхимаар санагдсных.

Одоо юуны түрүүнд гадаад хэлний чадавхиа сайжируулах, мэргэшлийн зэрэг бүхий сертификатын шалгалт өгөх, тэр болтол freelancer маягаар ажиллаж л байх шив дээ.

Надаар, нэг программист залуугаар монгол дутахгүй л биз ээ.

Аавын бийд хүнтэй танилц, агтны бийд газар үз гэдэг байх аа? Гарч дэлхий МТ хөгжил дунд хөл нийлүүлэн алхахаар шийдлээ гэж...
Харин хаашаа вэ? АНУ, Австрали, Япон, Солонгос? Аль нь дээр вэ?

Бизнес зөвлөгөө

2010-11-14T20:03:00.000-08:00

Мэдэж аваад хэрэгжүүлээд эхлэчих хэрэгтэй зөвлөгөөнүүд байна шүү! "Хүн хэлэхээс нааш санадаггүй, цаас чичихээс наана цоордоггүй"

Бидний сайн мэддэг хэрнээ өдөр тутам гаргадаг алдаанууд.

Бизнес гэж хожил авчрах боломжтой тоглоом юм. Иймээс бизнес тоглоомонд ялагч болохыг хүсвэл дүрмийг нь сайн мөрд..
Та шатар тоглож сур. / Стратегийн сэтгэхүйд тус болно./
Ажлын байрныхаа дүрмийн жагсаалтийг гаргаж ав.
Өөрөө байнга мөрддөг, маш явцуу хүрээнд ойлгодог 2 дүрмийг бичиж аваарай.
Ямар нэг зүйлийг хийж болох эсэх талаар эргэлзэж байгаа бол ямарч байсан үүнийг хийгээд үз.
Хэрэв таныг шүүмжилбэл, үүнийг битгий өөр дээрээ хүлээж ав. Зүгээр л асуудлын зах хязгаарыг олж хар.
Өөртөө хэдэн мөч ч бүтэн цагийг хий дэмий өнгөрөөхийг битгий зөвшөөр. Хэрэв та ажлын цагийнхаа 5 хувийг бусадтай харьцаа үүсгэх бэхжүүлэхэд зарцуулахгүй байгаа бол ямар нэг зүйлийг буруу хийж байна гэсэн үг.
Өглөө бүр энэ өдөр юу хийх ёстойгоо тэмдэглэж сур.
Өөртөө хамааралгүй жижиг ажлыг шүүрч авахаа боль.
Хүмүүс өөрийнхөө хийх ажлыг танд шилжүүлэхийг оролдож байгаа бол татгалзаж сур.
Хэрвээ та менежер юм уу ахлах менежер бол удирдлагандаа байгаа хүмүүсийн өмнөөс ажлыг нь бүү хий.
Өдрийн төлөвлөгөөгөө гаргахдаа хамтран зүтгэгч нартайгаа ажлын бус сэдвээр ярилцах хэдэн хором үлдээж бай.
Өдрийн цайны цагийг өөртөө ашигтайгаар ашиглаж бай.
Чухал асуудлыг шийдвэрлэхдээ ганцхан ажилтныхаа саналд бүү найд. Найдвартай хэд хэдэн хүнээс зөвлөгөө авч бай.
Хэрэв танд төсөв баталж өгсөн бол юу ч бодолгүйгээр түүнийг бүрэн зарцуулж бай.
Танаас шаардаагүй л бол хэзээ ч мөнгөө зарцуулах зөвшөөрлийг битгий асууж бай.
Офиссийн бодлогод дурын хэлэлцээр шиг хандаж бай. Бусдад юу хэрэгтэй, та юу өгч чадах өөрөө ямар нэг нөхцөл байдалд яаж амжилтанд хүрэх талаар олж мэдэхэд цаг гаргаж бай.
Чи надад , би чамд гэдэг бодлогын мөн чанарыг санаж яваарай. Зүгээр л өгөхийг бүү яар оронд нь өөрөө юу хүсч байгаагаа бод.
Ажлын байр их хурлын индэр биш. Зөв юм хийх, сайн юм хийх ойлголтийг битгий хольж солиорой.
Ядаргаатай тэнэг хүмүүсийг өөртөө саад болохгүй байхыг соёлтой хатуухан гуй.
Хэрэв танд бусдыг бурууг тохож байгаа бол буруутанг нь шууд л зааж өг.
Ажил хэргийн уулзалтын үеэр саналаа хэлэхээс бүү айж бай.
Таны өмнө ажиллаж байсан хүмүүсийн тогтоосон ёс жаягийг бүү тоомсорло.
Өөрийнхөө саналыг хэлж байхдаа түрэмгий санагдахгүйн тулд бусдын саналыг асууж бай.
Өөрийгөө хэрэгтэй хүнтэй танилцуулаад өгөөч гэж гуйхаас бүү нэрэлх.
Танил хүмүүст зөвлөгөө авах зуучлуулах талаах хандаж бай.
Өөртөө итгэсэн хүн бүрийн хэрэгцээг сайн судлаарай.
Эсэргүүцэлтэй тулгарвал даралт үзүүлэхээс зайлсхий .
Бусдаас хамааралгүй ажиллахдаа та юу алдаж болох талаар өөрөөсөө асуу.
Та бүх хүмүүст дандаа таалагдах албагүй.
Заримдаа хүмүүс өөрсдийнхөө хүссэн зүйлийг хийлгэхийн тулд ууртай урам нь хугарсан дүр эсгэдэг. Энэ занганд битгий ороорой.
Таны бусдад таалагдахыг хүсэхгүй, бусдад хайхрамжгүй хандаж байгаа нь бусадтай холбоо тогтооход саад болдог.
Ажил дээрээ хэн нэгэнтэй бүү сээтэгнэ.
Санхүүгийн хувьд бусдаас хараат байхгүйн тулд хадгаламжтай бай.
Өөрөө өмнөөс нь хийх бус ажилтнуудаа ажлаа чанартай хийж сурга.
Хүнд хэцүү том ажлын хийхээсээ өмнө түүнийгээ бүтээлч сэтгэлгээтэй хамтран зүтгэгч нартайгаа заавал хэлэлцэж байгаарай.
Даалгавар авах болгондоо түүнийгээ яаж хурдхан гүйцэтгэх талаар бодож стресст орохгүйг хичээ.
Ажлын байраа өөрийнхөө зочны өрөө шиг гоёхоос татгалз.
Гэрийн авгайн нэр зүүх гээгүй л бол ажлынхаа ширээн дээр хоол гаргаж тавихаасаа өмнө сайн бодоорой.

Эх сурвалж
http://biznetwork.mn/topic/show/282/

Twitter гэж юу вэ? Ямар хэрэгтэй вэ?

2010-11-02T10:33:00.000-07:00

Хаа сайгүй ийм зураг, twitter гэсэн үгтэй таарч байна уу, сүүлийн үед хүмүүс жиргэх, твитрдээд гэж яриад байгаа биз?

Твитр буюу жиргээ нь хүмүүс хоорондийн мэдээллийн харилцааны нэгэн шинэ хэлбэр, хэрэгсэл болоод эхлэчихсэн ба маш эрчимтэйгээр олныг хамарч, хэрэглэгчдийн таашаалыг хүртэж буй social media website (олон нийтийн вебсайт) юм.

140 тэмдэгтэд багтаан мэдээллийг түгээх энэ хэлбэрийг бичил блог буюу microblog гэж нэрлэх болсон. Тэгээд юугаар илүү юм гэж үү, тайлбарлахын тулд интернэт мэдээллийн харилцааны хэлбэрийн үүх түүхийг жоохон сөхөөдөхье.

Email (Yahoo, Hotmail, Gmail):

Интернэттэй анх танилцсан хэн бүхэн цахим шуудангийн хаяг нээж эхэлцгээгээд зайнаас харилцаж эхэлцгээсэн. Гэхдээ нөгөө хүн огт бичихгүй таг болчихвол яах ч арга байхгүй, мөн шууд харилцаа үүсгэж чаддагүй талтай. Гэхдээ одоо ч энэ имэйл идэвхтэйгээр хэрэглэгддэг боловч гол төлөв албан хэргийн шугмаар харилцахад ашиглаж байгаа, учир нь ирсэн, илгээсэн бүх имэйл архив үүсгэдэг тул сүүлд эргэн сөхөж харахад маш тохиромжтой байдаг.

Chat, IRC chat:

90 оны эхэн болон дунд үед ихээхэн дэлгэрч байсан чат буюу чалчих хэрэгсэл нь channel буюу тодорхой нэр, бүлгээр төрөлжсөн нийтийн сувгууд руу хүмүүс нэвтрэн орж бүгдэд ил public болон хувийн private хэлбэрээр текстээр чалчдаг байсан хэлбэр. Алдарт mIRC болон Ганболд (g0mb0) ахын хийсэн java applet бүхий monstudnet.mn санаж байна уу. Хэхэ, тухайн үедээ л мода болж байв. Зүйрлэвэл том зааланд (public chat room) баахан хүмүүс орж гаран ам булаалдан ярина. VIP өрөөнүүдэд (private chat room) зарим нь хувийн яриа өрнүүлнэ. Админ гээд цагдаа маягийн нөхдүүд (admin, operator) дүрэм журам зөрчсөн хүмүүсийг хөөж гаргана (kick, ban). Чатаас найз нөхөдтэй болдог байсан ч nickname сольчиход л түүнийг олохгүй ба урт удаан хугацааны харилцаа үүсгэх талаар тааруу байжээ.

Forum (Asuult Forum):

Хэлэлцүүлэг гэж оновчтой монгол нэртэй болсон энэ хэлбэр нь сэдэв сэдэвээр олон нийтийн хэлэлцүүлэг, чат, блог, мэдээ, зураг, линк, файл гэх мэт бүхий л мэдээллийн хэлбэрээр хүмүүс харилцах шинэ хэлбэр болсон. Өмнөх хэлэлцүүлэгүүд архив үүсгэн явах нь давуу тал мэт боловч тэдгээр нь хэт их болоод ирэхээр хэрэгцээт мэдээллийг олж авах, хооронд нь эрэмбэлэхэд түвэгтэй болж ирсэн. Гэхдээ өнөө хэр идэвхтэй ашиглагдаж буй харилцааны хэлбэр байсаар л.

Messenger (Yahoo Messenger, Google Talk):

2000 оны эхэн үеэс гарч ирсэн илүү дэвшилтэт хэлбэр. Учир нь имэйл хаяг дээр тулгуурлан найз нөхдийн холбоог үүсгэх болох ба энэ нь урт удаан буюу үл тасрах шууд харилцааг үүсгэн чадсан нь одоо ч хэрэглээнээс гараагүйгээс илт. Харин ч телефон буюу voice call, сүүлийн үед дүрст дуудлага буюу video call/conference хийх зэрэг улам бүр сайжиран тэлж байгаа. Гэхдээ зөвхөн найз нөхдийн хүрээнд харилцааг үүсгэдэг нь жиргээ гарч ирснээр сул тал болж хувирч байх шив дээ.

User Groups (Yahoo Group, Google Group)

Ажиглаад байхад харилцааны хэлбэр илүү л community буюу харилцааг илүү ойртуулах, хялбаршуулах тал руу л хөгжиж ирж. Имэйл дээр тулгуурлан тодорхой нэгэн ашиг сонирхол, үзэл бодол адил хүмүүс тухайн ашиг сонирхолын хүрээнд харилцаа үүсгэж эхлэсэн. Жишээ нь марк цуглуулагчид, автомашин сонирхогчид, линукс хэрэглэгчид гэх мэт. Имэйлээр харилцаа явагдах бөгөөд түүнд бүлгийн хэрэглэгчид мөн имэйлээр хариулдаг, гэхдээ бүгдэд уг мэдээлэл мөн имэйлээр очдог. Одоо ч бас идэвхтэй хэрэглэж байгаа хэлбэр. Үүнтэй адил news group гэж интернэт анх үүсч байхад харилцааны хэлбэр байсныг санаж байна уу? comp.os.linux гэж Линукс мэдээний бүлэг байсан шүү дээ.

Social Media (hi5, facebook, ...)

Web 2.0 гарч ирсэн, үүнтэй зэрэгцэн илүү дэвшилтэт одоогийн олон нийтийн вебүүд ар араасаа гарч ирцгээсэн. Найз нөхдийн хүрээ үүсгэхийн хажуугаар өөрийн профайл буюу имиджээ илүү тодотгож тухайн хэрэглэгч нүүр хуудасаа чимж өгөх боломжтой болж эхлэсэн. Хуудасны дизайн, дуу, фото зураг, нийтлэл, линк гэх мэт зүйлсээр өөрийгөө тодорхойлж мөн тэдгээрийг найз нөхөддөө хялбар хуваалцдаг нь хэрэглэгчдийн хүсэл сонирхолд яв цав нийсэн, илүү орчин үеийн хэрэглээ болж эхлэсэн. Тухайн найзын, хүний профайл хуудас руу орсноор түүний тухай мэдээллийг хялбархнаар олж чадна.

Web log, Blog (Blogger, Wordpress)

Мөн Web 2.0 интернэт хэрэглээ, хандлагад олон дэвшил авчирсны нэг нь веб тэмдэглэл юм. Энэ тухай ихэнхи хэрэглэгчид мэдэх болов уу. Товчхон дурдахад, мэдээллийг зөвхөн мэргэжлийн сэтгүүлчид түгээх нь учир дутагдалтай ба тэр дундаа нарийн мэргэжлийн мэдээллийг зөвхөн тухайн мэргэжлийн хүн илүү илэрхийлж олон нийтэд хүргэж чадна. Мөн иргэний сэтгүүлзүй гэдэг ухагдахуун хүчтэй гарч ирсэн шүү дээ. Иргэн бүр хэвлэн нийтлэх, үзэл бодлоо чөлөөтэй илэрхийлэх эрхтэй гэдгийг харуулж чадсан, интернэт бол мэдээллийг дамжуулах томоохон суваг болж эхэлсэн. Ерөнхийдөө блог гэхээр мэдээлэл тэмдэглэл, ер нь л цахим нийтлэл гэсэн дүр зураг бууна.

Microblog, Twitter (Жиргээ)

140 тэмдэгтээс тогтсон бичил блог. Үүнд багтааж мэдээ мэдээлэл түгээх, найзууд хоорондоо чалчих, тодорхой сэдвийн дагуу маргалдах мэтгэлцэх, олны танил алдартнууд фэнүүд дэмжигчидтэйгээ шууд харилцах, маркетинг хийх гэх мэт олон л хэлбэрээр харилцах болсон шинэ харилцааны төрөл загвар юм. Миний ойлгож байгаагаар бол жиргээ нь дэлхийн сая сая хүмүүс хоорондоо ярьж буй ертөнц юм шиг. Ямар зүйл ярьж, түгээж буйгаар нь хайгаад харахаар irc public chat ч юм шиг. Зөвхөн follow хийсэн хүмүүсээс жиргээг харж буйг нь харахаар messenger ч юм шиг. Намайг дагасан хүмүүс руу жиргэж буйгаа харахаар зар түгээх messenger/broadcast to group/ ч юм шиг. Нөгөө Хүрлээгийн эргэлзээ гэдэг шиг юм болох гээд байна уу, хаха. Гэхдээ л жиргээ бол миний хувьд хүмүүстэй ийм төрлийн харилцаа үүсгэхэд илүү их ашиглаж байна. Жиргээгийн хамгийн гол онцлог нь хуваалцаж, түгээж буй мэдээлэл нь "яг одоо юу болж байна вэ" гэдэг хариулдагт байгаад байна. Тэгээд товчхон, гүйлгэж хараад хэрэгтэйг цааш үзнэ, хэрэггүй нь хаячихна. Жиргээ гэж нэг иймэрхүү, харин цаашдаа ямар харилцааны шинэ хэлбэр, төрөл гарч ирэх бол ...

Gump is Dump

2010-01-24T05:50:00.000-08:00

Өчигдөр Боловсрол суваг үзээд үнэхээр их эгдүүцэв. Онцлог нийтлэлч гэдгээр нөгөөх хараал идсэн Гамп хэмээгчийг гаргав. Царайг нь гаргасангүй л дээ, яагаад гэдгийг нь гадарлаж л байна. Надаас өгсүүлээд "баруун гарын шанаа" өгчих хүн захаас аваад замаар нэг бий гэдэгт итгэлтэй байна.

Уул нь Гампын бичиж буй болон хөндөж байгаа санаа, ёгтлол таалагддаг л даа. Гол нь тэр хар ярианы хэлээр бичиж, монгол хэлзүйг террор хийж байгаа нь таалагдахгүйгээр барах уу, түүнийг нь бүүр үзэн яддаг болохоор "шанаа" өгөхөөс буцахгүй болоод байгаа юм. Ядаж байхад нэр нь хүртэл хайртай киноны Гамп шүү. Блог нийтлэлч буюу иргэний сэтгүүлзүй нь хэвлэл, мэдээллийн оронзайд хүч түрэн орж ирнээ, энэ бол шинэ давалгаа гэж хэдэн жилийн өмнөөс л бичиж, өгүүлж байсан. Одоо бол Гампаар өвчилсөн, Гампыг дууриасан террорист блоггчид олон гарч. Муу үг модон улаачтай гээд үг байна л даа, тайлбарлавал муу үг, муу үлгэр дууриал модоор хийгдсэн мэт эцэж ядардаггүй улаач, буухиачтай адил хол тархдаг гэсэн санаа л даа. Гамп нэг баталгаа нь...

Уул нь миний эрх чөлөө, бусдыг эрх чөлөөг хөндөхгүйгээр хязгаарлагдах ёстой, миний бодлоор Гамп эрх чөлөөгөө хэтрүүлэн эдлээд байгаа мэт. Өөрөө хэлж байна л даа, монгол хэлзүйд террор хийж байгаа нь өөрийгөө маркетинг хийж байгаа "ядарсан арга" гэнэ, одоо бол "задарсан арга" болчихоод буй мэт.

Кино нь дээрх Гамп тэнэг юм шиг гүйгээд л байдаг, гүйгээд л байдаг. Юуны төлөө яах гэж гүйж байгааг нь мэдэхгүй бусад хүмүүс басхүү дагаад гүйгээд л байдаг, гүйгээд л байдаг. Гэнэт нэг өдөр зогтусч зогсчихно. Харин монголын энэ Гамп зогсох болов уу, одоо бол араас нь дагаж гүйж байгаа хүмүүс олон болчихож.

Нэг өдөр сонин хэвлэлүүдээр Гамп шиг дамп болсон өгүүлбэрзүйн хэв шинжтэй нийтлэл гарч ирвэл би л лав гайхахгүй ээ.
Миний эгдүүцэл зарим хүмүүст таалагдахгүй байх л даа. Гадарлаж байна. Гэхдээ л хувь хүн бүр, тэр дундаа болсон болоогүй блог "халтартуулдаг" нийтлэлч бүр монгол хэлзүй, монгол соёлоо хүндэлж дээдлэхгүй бол өөр хэн ч дээдлэхэв дээ.

Юу гэнээ, чи өөрөө тэгээд алдаагүй сайхан бичдэг үү гэж үү? Мөхөс би хааяа санаандгүй алдаатай бичдэг нь үнээн, гэхдээ санаандгүй үйлдэх нүгэлээс, санаатайгаар үйлдэх нүгэл бүүр хүнд гэдгийг ч хэлээд илүүц биз ээ

"Балар эртний хөөмий, уртын дуу" гэнэ үү!?

2010-01-24T05:25:00.000-08:00

Саяхан хятадууд Хөөмийг маань ЮНЕСКО-д бүртгүүлсэн тухай нээтээр нэг шуугилаа.
Үндэсний үзэл цухалцсан нөхдүүд эсэргүүцээд л бөөн юм боллоо. Гэхдээ үүний эсрэг агуулга бүхий "Нангиадын наад санааг дагаад намирна" гээд нийтлэл гарчээ.

Миний бодлоор Нангиадууд Хубилай хаан энэ тэрээс нь авахуулаад хамаг бүгдийг нь өөрсөд дээрээ бүртгүүлээд авчихлаа. Уйгаржин монгол бичгийг Юникод стандартад бас л бүртгүүлсэн. Ямааны мах халуун дээрээ гэдэг, нэгэнт бүртгүүлээд авчихлаа гэхэд дараа нь буцааж сэргээнэ энэ тэр асуудал нь улам л бүрхэг болно. Бид өөрсдөө гар хумхин зүгээр сууж буй болохоор өөр яалтай ч билээ дээ. Хэдийгээр даяаршилтай хөл нийлүүлээд хөгжих нь үнэн боловч басхүү үндэсний гэх хөөмий уртын дуугаа улирсан баларсан зүйл гэж хэлэх нь төрсөн эхийгээ хөгширчлөө гээд хадан гэр рүүгээ яв гэсэнтэй ялгаагүй сонсогдохгүй байна уу. Асуудлыг олон талаас нь харцгаая л даа

Одоо ар монголчууд нь дуугай суугаад байхаар нь адилхан л өвөрлөгчид нь манайд байгаа юм чинь гээд уран нугаралт, үндэсний бүжгүүд гээд бүртгүүлээд л эхлэнэ биз...
Нэг л өдөр монголчууд (халх буюу бид нар) наадмаараа хөөмийлж, уртын дуугаа дуулаад эхлэсэн чинь жуулчид энэ чинь хятадын соёл урлаг байна гэх цаг ойрхон байна даа.

Уул нь монгол ардын үгэнд сайн эцгийн нэрийг гурав худалдаж иднэ гэдэг ч, "муу, залхуу" үр хойч нь "худалдаж идэх" соёлоо алдаад дууслаа л даа

Би чамд хайртай: 20 жилийн дараа

2009-09-18T23:28:00.000-07:00

Би чамд хайртай 2 гээд киног үзлээ. Хэд хэдэн зүйлд сэтгэл дундуур байлаа.
Орой 18 цагийн билетийг авах гээд 14 цагт очтол зөвхөн эхний эгнээний суудал байна гэж авдаг юм, -за дүүрч, нүүрдээ том дэлгэц тулгаж байгаад л үзлээ.

Юуны түрүүнд өмнөх ангийг нь эргээд саная, гол түлхүүр нь Үрлээ төрсөн өдрөөрөө би чамд хайртай гэж ангийнхандаа санаандгүй хэлсэн үгийг Дэлгэр үнэмшин хүлээж авснаар эхлэдэг. Мөн уг кино нь социйн үеийн элдэв уриа, лоозон багатай байхыг хичээсэн ба сурагчдийн үерхэл хайр дурлалын гурвалжинг харуулахыг зорьсон байдаг. Бас уг киноны найруулага, зохиол сайн болсон ба энэ нь үйл явдалууд илүү дутуу зүйл огт байхгүйгээс гадна хоорондоо логик дэс дараалал сайтай холбогддог, мөн ямар ч тайлбар байдаггүй, дуу дүрслэл үйл явдалаар "текстгүйгээр" тайлбарладаг.
Жишээ нь, Үрлээд сайн гэж хэлснийхээ дараа Дэлгэр гэрийнх нь гадаа зам дээр шохойгоор би чамд хайртай гэж бичдэг, Дэлгэр хичээлээсээ хөөгдөж гарч ирээд гадаа спортын талбайд сууж байхад нэг өвгөн ГАРАА гэсэн самбар босгодог, Гутлын үйлдвэрт ажлын гарааг эхлэж байхад Дэлгэр гаднаас нь хараад зогсож байдаг, хичээл дээрээ араг ясыг бүжиглүүлэхэд хүүхдүүд инээлдэж байхад Үрлээ уруулаа хаздаг, Дэлгэр аавынх нь оронд өвлийн өвгөн болоод Үрлээгийнд очдог гээд олныг тоочиж болно.
Мөн дүрүүдийн текстүүд, жижиг жижиг үйлдлүүд нь тухайн дүрүүдийг маш тодотгож өгдөг. Нөгөөх "алдарт" чи тэр үгээ Дэлгэртээ л хэл, Би бол өөр хүн шүү гэдэг үг бол ёсөөрөө Баярааг ямар хүн болохыг шууд л тодорхойлчихож байгаа. Мөн тэдний ангийнханыг нь болон Баяраагийн ирээдүйг Дэлгэрт бичсэн ганцханы захианы текстээр хэлчихдэг.
Товчхондоо өмнөх анги нь бол маш сайн бүтээл болсон гэхэд хэн ч маргахгүй бизээ.

Тэгвэл 2р анги нь баахан шүүмжлүүлэх болох нь, уучилаарай. Гэхдээ мөхөс би мэргэжлийн кино шүүмжлэгч биш, зүгээр үзэгч. Монголын кино урлаг сэргэж олон олон бүтээлүүд гарч байгаад баяртай байна. Би л хувьдаа энэ олон ТВ-ээр гарч байгаа уйлаан майлаантай солонгос сериалын оронд Эзэнгүй айл, Мөрөөдлийн хөлөг онгоц, Сарын нулимс шиг монгол сериал гардаг болоосой гэж боддог. Монголын залуусын тархи сэтгэхүй, ирээдүйг ТВ-үүд тодорхой хэмжээгээр алж байгаа байхгүй юу (Худлаа гэвэл АХА нэвтрүүлгийн оролцогчдийг харна уу), үндэсний үзэл болон монголоороо бахархах эдэр гэсэн зүйлийг яриад байна л даа.

2р ангийн зохиолоор бол Дэлгэр Үрлээтэй суугаагүй, Баяраа Үрлээ хоёулаа ганц бие. Дэлгэр харин Хөвсгөл очиж хүнтэй суусан ба нэг хүүтэй (Болд). Үрлээгийн хүүхэд нь охин (Ундрах). Дэлгэр нас барсан ба түүний хүү нь хотод ирснээр үйл явдал эхлэнэ.
Хотод дөнгөж буунгуутаа хамаг зүйлээ хулгайд алдана (Энэ нь цаашаа ямар ч үйл явдалтай холбоогүй, зүгээр л хулгайд алдчихсан. Хөдөөний баагий гэж харуулах гэсэн юм байлгүй л гэж ойлгосон). Түүний найз нь нэг л их марзан ч гэмээр, тэнэг ч гэмээр нөхөр байх (Өөскөө). Үлдсэн мөнгөөрөө Болд нэг утас авнаа (Аа харин энэ утас бол цаашид маш их хэрэг болно шүү. Учир нь Ундрахтай мессеж бичдэг юм байна лээ, кэкэ)
Өөскөөгийн марзан хошигнол бас ямар ч "агуулга, утга санаа" байхгүй зүгээр л "чимэг" юм уу эсвэл үзэгчдийг жоохон хөгжөөх гэсэн "маркетинг" ч юм шиг.
Киноны гол түлхүүр нь Дэлгэрийн Үрлээд бичиж байсан захиа гэж ойлгосон. Дэлгэр маш олон захиа бичсэн боловч Болдын авч яваагаас бусдыг нь хөвсгөл далай "уншсан" гэжуга. Захиаг аваачиж өгөхөөр хаягаар нь 40 мянгат ороод Ундралтай танилцана. Гэвч аймшигтай "боевик характертай" найз залуугаас нь (Эрдэнэбилэг) болоод өгч чадахгүй, улмаар өөрсдөө уншчихна. Ингээд Өөскөө "аавынхаа хариуг" Үрлээгийн охиноос ав (түүнийг өөртөө татаад дараа нь хая) гэж Болдыг ятгаснаар үйл явдал өрнөдөг. Надад бол оршил, өрнөл тэгээд цаашлаад тайлал, төгсгөл эдэр нь бол нэг сайн болоогүй санагдсан. Зохиол, найруулга эдэр дутуу дулимаг болсон гэж хэлмээр, харин киноны хийц, зураг авалт, жүжиглэлт эдэр бол дажгүй ээ, угаасаа драма шүү дээ.

Өмнөх ангиасаа нилээд зүйл дууриасан, эсвэл эргэн дурсаад байгаа ч юм уу. Тухайлбал Үрлээ гэрээсээ гараад уйлаад гүйхэд камер яг урд нь дагаад давхина, 40 мянгатын гадаа сонгуулийн сурталчилгаа болоод цагаан хоолой бариад нөгөө хүн орилж байгаа харагдана, харин Эрдэнэбилэг Ундралд "Чи наад үгээ тэр Болдод л хэл, би өөр хүн шүү" гэсэнгүй ээ. кэкэ

За за миний хувьд бол тааруухан зохиолтой байсан ч, харин хажуугийн суудал дээр сууж байсан хүмүүс гоё болсон байна гээд яриад байсанг, бас одоо хүртэл манай зарим найзууд үзэх гээд Өргөө, Тэнгис 2ууланд нь билет олдохгүй байгаа зэргээс харахад гадуур "хит" болж байгаа бололтой, сонин юм. "Сайн эцгийн нэрийг 3 худалдаж иднэ" ?! За мэдэхгүй мэдэхгүй, трэйлер нь лав шаал түүхий харагдсан. Угаасаа манай киночид трэйлер хийж чаддаггүйгээс хойш. 20 жилийн дараа хийсэн бусад кино, зохиолуудыг саная, Шадар гурван цэрэг 20 жилийн дараа? Өмнөхөөсөө бараг илүү гарна тээ? Ирония судьбы? Өнгөрсөн жил дахиад үргэжлүүлсэн, С. Безруков тоглосон, надад лав таалагдсан.

Өмнөх кинонуудаа цааш үргэлжлүүлцгээх үү?
Гэрлэж амжаагүй явна: Уурхай зах зээлийн үед яасан? Сүрэн (Батцэцэг) тэр хоёроос ямар хүүхэд гарсан?
Мартагдашгүй намар: Сарнай, Баярсайхан хоёр суусан уу? Ямар хүүхэд гарсан, Атрын 3-р аянд явуулах уу?
Орчин цагийн Энэ хүүхнүүд үү хувилбар хийх үү?

Thank you Converse, for Chuck Taylor

2009-08-25T22:30:00.000-07:00

Чаак гэхээр та бүгд мэдэж байгаа байх. Барууны залуус их өмсдөг кет байдаг даа, биднийг бага байхад "цагаан шанхай" гээд (цагаан өнгөтэй, ногоон ултай, дотор талын улан дээрээ тал бөөрөнхий улаан хээтэй) хувилбараар нь их гангардаг байсан даа, орой болгон сойтогдож угаагаад л...

2 жилийн өмнө 3 сарын үед Бээжинд очихдоо Ито Ёокода гээд дэлгүүрээс стандарт хар Чаак авсныгаа 4 сараас 10 сар цас ортол халуун нартай өдөр ч, хүйтэн бороотой өдөр ч, шавар шавхай, хад чулуунд гээд бараг завсаргүй өмслөө дөө. Анх дэндүү гял цал юм гээд ичээд байдаг байснаа, сүүлдээ үнэхээр хөлд эвтэйхэн, хөнгөхөн эдэрт татагдаад тайлж чадахаа байсан.

Одоо ч зайлуул нугалаасаараа жоохон урагдаад үнэхээр "альтернатив" болж гүйцлээ. Тайлаад "нурууг нь амараахаас" :)
Гэхдээ мэдээж дараачийнх нь савхин Чаак! Даанч манайд худалдаалагдаж байгаанууд нь бүгд хулхи, маш их чийг татдаг, ийм эдэлгээ хэзээ ч даахгүй. Манайд хэзээ нэг Конверсе брэндийн дэлгүүр нээгдэх юм бүү мэд

Playing for Change: Өөрчлөлтийн төлөө дуулцгаая

2009-08-08T02:43:00.003-07:00

Өнөөдөр voodoo.mn (Вүүдүү мн) видеод нэгэн сэтгэл татам бичлэг нэмэгдсэн байв. Дэлхийн өнцөг булан бүрээс "Stand by me" дууг гудамжны дуучид хамтран дуулсан нь үнэхээр сэтгэл хөдөлгөм байлаа... Дэлхий хавтгай гэдгийн бас нэг баталгаа юм уу даа.

Эх сурвалж:
http://www.voodoo.mn/blog/hERERA/302/%D0%AD%D0%BD%D1%8D+%D3%A9%D0%B4%D1%80%D0%B8%D0%B9%D0%BD+%D0%B4%D1%83%D1%83%2C+%D0%B2%D0%B8%D0%B4%D0%B5%D0%BE+%22Stand+By+Me%22

http://www.playingforchange.com/episodes

Пүүжээ болон Батшүр

2009-06-10T21:09:00.001-07:00

Дээхнэ Пүүжээ гээд хөдөөгийн бяцхан охины хувь заяаны талаар японы баримтат кино гарч байсныг та бүхэн санаж байгаа биз ээ. Жинхэнэ хөдөө хотонд өсч буй бяцхан охины цээжинд арлын Японд очиж суралцах хүсэл мөрөөдөл тээн байсныг, тэрхүү мөрөөдөл "тамын тогооны" амьдралд нухлагдаад хэрхэн эмгэнэлтэй дууссаныг харуусан бодож байсан...

Тэгвэл яг үүний эсрэг буюу Пүүжээгийнхтэй адил хүсэл мөрөөдлийг тэмцэн, хичээж чармайн байж сурч олж авсан Батшүр бүсгүйн тухай ярилцлагыг дуустал нь үзээд үнэхээр бахархах сэтгэл төрснийг нуух юун. Энгийн нэгэн хөдөөгийн айлын хүүхэд үнэхээр хүсч, мөрөөдөж, тэмүүлж чадвал ямар ч амжилтанд хүрч чадахын бэлээхэн амьд нотолгооны нэг :) Үүний адил сурахын төлөө тэмцэж чадсан олон монгол залуус бий... Амьдрал өөрөө тэмцэл гэж ч ярьдаг шүү дээ.

Сүүлийн үед хүмүүсийг хотийнх, хөдөөний гэж хүнийг гарал үүслээр нь ялгаварлан гадуурхах зүйлтэй би хувьдаа олонтаа таарах болж. Би хөдөөнийх, Баянхонгор аймагийн төвд төрсөн. Зуны амралтаараа эмээ, өвөө дээрээ хөдөө суманд очиж гүүн зэлэн дээр унага татаж, даага сургаж, хонь хяргаж, айраг ууж, хурдны морь сойж наадмын урд шөнө морь манж эмээл дэрлэн унтаж бас ч үгүй үзүүр түрүү авч ч байлаа. "Нийслэлхүү"чүүдээс ялгаатай нь бид жинхэнэ нүүдэлчин соёл иргэншил гэж юу байдгийг, бидний эцэг өвгөд яаж амьдарч ирснийг мэднэ. Монголчууд хоорондоо залхуу болон ажилсаг, тэмцэгч болон шантрагч, соёл боловсролтой болон боловсролгүй гэж ялгагдахаас хөдөөний болон хотын гэж ялгахаар ... За хотынхон нь бас дотроо 40 мянгатынх болон Маахуурынх буюу байрных болон гэр хороололынх гэх мэт ... Нөгөө л дов толгод, тамын тогооны аминч үзэл .. Баабар зөндөө бичсэн байсан доо. Биднийг гадаадад очиход чи хотынхуу, хөдөөнийх үү гэж асуудаггүй биз дээ, "Та нар сургуульдаа мориор явдаг уу?" Хэхэхэ.

Сэдвээсээ хазайчихсан явна. Уучил.
Батшүр гэж энэ бүсгүйг манай нөгөө ангид байхад нь халти таних учраас орлоо ком дээр гарсан ярилцлагаас басхүү нилээд "таньж" авлаа. Учир нь би сурагч байхдаа ч мөн ихэнхи хүүхдийн адил нөгөө shyness / бүрэг даруу, гэрээс гардаггүй, хичээлээ л давтан суудаг хүүхэд байснаас тэр бүр үеийнхэнээ таньдаггүй байжээ :) Олимпиад энээ тэрээ гээд олон нийтийн арга хэмжээнд таардаг хэдийгээ л мэддэг байж. Манай сургуулийн багш нарын сүүлд ярьснаар бол 98 онд Номгон сургуулийг төгсөгчдийн дундаж нь тухайн үедээ хамгийн өндөр нь байсан гэсэн ба ер нь ч 98 оныхон дотор 11-р сургуулийн Хулан, Хөлгөн, 1р сургуулийн Баттулга, Монголжин гээд супер сурагчид ихтэй, өрсөлдөөнтэй байсан санагддаг. Одоо харин сурагчдийн сурлагын дундаж түвшин асар муудсан гэж багш нар харамсдаг юм байна лээ.

Сүүлд нь хэлэхэд залуу насанд мөнгө төгрөг, машин тэрэггүйдээ бүү харамс бүү гутар, залуу насанд хүсэл мөрөөдөлгүй бол гутар... Хотынх ч бай хөдөөнийх ч бай ялгаа алга...

Дээрхи асуултад би лав ингэж хариулна:
Та нар сургуульдаа мориор явдаг уу?" -"Хэхэ, тэгдэг.. Даанч өдөр бүр унаад байхаар баттерэйг нь цэнэглэж суух гэж ядаргаатай л даа :P Тэгсэнд орвол автобусаар явчихвал амар".

Өөрчлөх үү?

2009-05-24T19:27:00.000-07:00

Өнөө өглөө урьд өмнөхөөс илүү нарлаг ч юм шиг сайхан өглөө байлаа.
Учир нь Ардчилсан холбооноос нэр дэвшсэн Элбэгдорж одоогоор мэдэгдээд байгаа урьдчилсан дүнгээс харахад 30 гаран мянган саналаар буюу нийт саналын 50 гаруй хувийг авсан нь тодорхой болсон гэж мэдээллээ.

Элбэгдорж хашгируулж, хошгируулдаг байж болно, хоосон цэцэрхдэг байсан ч хамаагүй, гагцхүү бид өөрчлөгдмөөр байна, төрийн хүнд суртал, авилгыг нухчин дармаар байна.

Ард түмэн дан ганц Элбэгдоржийн төлөө саналаа өгсөн биш ээ. Шудрага ёсны төлөө, өөрчлөлт шинэчлэлтийн төлөө, жинхэнэ ардчилал бүтээн байгуулалтын төлөө саналаа өгсөн гэж бодож байна. Энхбаярын төлөө өгсөнүүдийг эсвэл өөрчлөгдөхийг хүсэхгүй байна, эсвэл аалзны торны нэхээсүүд л гэж хэлмээр байна даа. Миний ард түмэн ухаантай байна гэж, сайхан өглөө байна.

Love Subaru, Loving Forester!

2009-05-11T21:47:00.000-07:00

Гарчигтаа би субару моторсын рекламны уриаг тависаныг халти анзаарч буй бизээ. Яагаад субаруд тэр дундаа форестерт хайр зарлах болов оо гэж...

Монголчууд эрт үеэсээ сайн хүлэг моринд гар татдаггүй, хүлэг морь бол нохойноос илүү эр хүний нөхөр гэж үздэг байж. Арга ч үгүй биз, дэлхий нийт тэртэй тэргүй нүүдэлчин монголчуудыг Хүннүгийн Атиллагаас эхлээд Чингис, Бат, Зэв, Сүбээдэй гээд цуут байлдан дагуулагчид биеэр жижигхэн ч бяд, хүч сайтай монгол хүлэг мориороо евроазийг туулаад тамгалсанг мэдэж байгаам чинь... За тэгээд сэдэв халтираад тууж явна, түүн шиг өнөө үед япончуудын төмөр хүлэг дэлхийн хаа сайгүй яг л монгол адууны адил нэр цуугаа дуурсгаж буй нь нэг нь энэ хайр зарлаад байгаа субару автомашин, түүнээс онцлоод энэ форестер буюу "хаа сайгүй унадаг хязаалан үрээ" гэдэг төмөр хүлэг байнаа. Хэн бүхэнд их бага янз бүрийн хэрэгцээ бий ч ихэнхидээ хот дотор явдаг, хааяадаа гэрээ нүүлгэх шахан хамаг юмаа ачаад зуслан явдаг, зундаа тэрэлж энэ тэр гээд "салхинд гарч малгайн утаа сэргээдэг" гээд энгийн хэрэгцээнд бол субару "хязаалан үрээ" яг тохирч байгаам л даа. Гол нь дундаж өрхийн төсөвт нэг их хохирол гаргаад үнэтэй сэлбэг байн байн хийлгээд, түлш гэдгийг залгилаад байдаггүй, 2 хүүхдээ ээжтэй нь, найз нөхдөө гэр бүлтэй нь чихээд кино ший, дэлгүүр хэсэх гээд явахад УБ-ын "там шиг замаар тарамтаг болж" яваад байдаггүй, хааяаа ганцаараа явж байхдаа бас бус сахилгагүй нөхдүүдтэй drag хийж тоосоороо хөөрхөн булчихаад явчихсан ч болно гээд магтаад байвал дуусахгүйнээ.

Ганц асуулт: -Яагаад заавал Subaru Forester гэж ?
Асуулт самбарт энэ талаар auto guru гишүүдийн хариултыг тавьчихая, "би ямар Амбий биш" :D

by lovesubaru

Subaru Forester.iin huvid 2.5 turbo baival ih zugeer... saihan davhij bolno... 2.0 tegeed automatic bol odor tutmiin heregzeend zamiin bogloo taglaa tgd lager luu yavahad yag l bolno doo... Forester.iin clearance ni 19cm gedeg chin hashlaga davuulaad tavichih, hotiin zam deer bainga tohiolddog nuh, evdrel deeguur gaigui garaad yavchihna gesen ug... Aimaar hol hodoo yavah bol arai oor unaa haisan ni deer... Oir zuur moogond yavah, hot orchmiin ailaas suu tarag esvel honi hudaldaj avahdaa yavahad yag taarna shuu!
Tiimee, selbeg oldohdoo hovor taldaa... ghde ogt baidaggui gesen ug bish... Zahialaad l avchihna sht! Hamgiin gol ni evdreed zasuulaad zovoogood baihgui tereg... Kuzov duu orohiin huvid hoid haalga chahraad baidag tal bii... ene bol yoroosoo Foresteriin nyalhasiin ovchin yum...

...
Polizia Strada buyu Italiin hurdnii zamiin zagdaa nar Lamborghini Gallardo unadagiig ta nar zondoo harsan baih oo! Italiin zagdaad bas Subaru, Audi ih baidag yum baina lee... End tend setguul sonin deer harj baihad Subaru tanid unencheer zutgene, tanii ur huuhed ach guchid ch gesen unencheer zutgene gesen quote elbeg taaralddagaas gadna "tetgevertee garsan hurandaagiin unaa", "Angliin hodoonii yazguurtanii unench nohor" gesen helleg ch bas taaraldana... Ui olnooroo baidag auto sonin setguuluud unshigchaa tatah gej zochir sonin ug helleg, hair nairgui test, harizuulsan turshiltuud ter buu hel udaan hugazaanii test (gol tolov 100myanga, zarimdaa 200myangan kn test) hiij daraa ni ereg boolt bureer ni zadalj uzdeg tul edgeer ni "Uneneer negiig heleed baigaa" yum... Tuunees gadna 2005 ond Israel.d Subaru ugsrah uidveree barisaniig medeh uu, aihtar jude.uud neg yum medeed baigaa baih shoo!
Italiin zagdaagiin Forester

...
Forester uneniig helehed duunii tusgaarlalt muutai, bureesiig ni huulahad l shuud tomor garch irdeg yum... Hudaldaj avsan olon hun dara ni duu tusgaarlagch naadag yum... Forester, yor ni alivaa Subaru.giin huuchin AT4 ni dulii taldaa!! Boddog udaan shuu! Foresteriig zasmalaas garaad zuslan ruugaa ochih ogsuur shoroon zam deer (shavartai zastai baival buur sain!) unaj uzeh heregtei! tegvel chuham yund zoriulagdsan bolohiig jinhene utgaar ni oilgono!! Minii sanaj baigaagaar Forester.d tavij boloh hamgiin tom dugui n hemjee 225/45ZR18! Iim hemjeetei Pirelli Potenza esvel Sotto Zero.g STi.iiin standard dugui gedeg shig sanagdaj baina!
Hot dotor 13l zarzuulna doo! Tuunees dooshoo barag ugui bolov uu! High flow filter tavibal 1litr bagasah baih! Ghde joloochoos l hamaarna daa!!!

by xvc
... Субару форестер бол идеологийн хувьд маш зөв машин.

Зам голоод, нүх болгоныг тойроод тормослоод байхгүй амар тэрэг. Өвөл хальтчаад, хий эргээд байхгүй. Шулуун замд хөнгөн тэрэг, засвар үйлчилгээ нь ч гайгүй. Хөдөө явалгүй яахав, энд ихэнхдээ 99 оны загварууд байгаа биз, клиренс 200 байгаа хангалттай. туулах чадвар Рав4, икс трэйл, CRV гээс илүү гэхээс дутахгүй.Тэгээд ч манайд эксэл хаа ч хүртэл явчихдаг биз дээ.

Фирмийн хувьд огт айж эргэлзэх зүйлгүй. Найдвар, аюулгүйн үзүүлэлтээр дэлхийд дээгүүр ордог фирм, загвар нь бол бүр ч сайн загвар. Орж ирсэн япон машинуудыг юуг нь анхаарах ёстой билээ тэрийг нь л анхаар. Гүйлт 100 хэтэрсэн бол техникийн үйлчилгээ нь хийгдчихсэн бол сайн. Духны ремений кожух дээрх солилгоо хийсэн наалтыг он сараар нь гүйлттэй нь харьцуулаад үзчих. Дундаж гүйлт нь одооний гүйлттэй тохирохгүй байвал ухраасан л гэсэн үг. Он нь япон тоолол дээр байдаг юм шүү. 20 он бол 2008 он гэсэн үг.

Эд анги уу? Япон тэрэг л бол мицуока байсан ч сэлбэг олдноо, гэрээгээр секонд хэнд гэхдээ сайн ориг сэлбэг оруулж ирдэг газрууд хэд байгаа. Тэр нь ч дээр юм билээ. уг нь өвөл дулаан гараштай бол зүгээр, унаад контейнерт хонуулаад байхаар хойд амортизатор нь хурдан явчих гээд байдаг юм. Тэр нь уг нь ачааллаас хамаарахгүй өндрөө барьдаг self levelizer гэдэг универсал эд л дээ.

Монголд орж ирж байгаа турбо субару ч дээ, авахгүй байсан нь дээр, ихэнхдээ аукционы үлдэгдлүүд хамдаг тэр дотор нь амьд турбинтай машин ч юу л бол доо. Тэгээд ч монголын нөхцөлд арчилгаа нь дэндүү үнэтэй тусна.
Манайд 2.0 энгийн SOHC мотор, механик Форестер бол яг таарсан жор. Тэр нь манайхны нэрлэдгээр араа нь "хүндрүүлэгчтэй". Гэхдээ ихэнхдээ хотод хэрэглэх бол автомат нь биед амар биз дээ. Энэ моторт манай тааруухан бензинүүд ч нөлөөлөхгүй.

Манайхан субару гэхээр харь гаригаас ирсэн юм шиг жаахан айгаад байдаг юм, унаад үз тэгээд эдлээд үз, дараа нь субару г л авч унадаг болчихдог юм даа.
....
by lovesubaru
Ямар нэгэн хувь хүний тухай хэрхэн хамгийн хурднаар төсөөлөл авч болох вэ? Ганцхан хараад л хэн нэгний дотоод сэтгэл зүйн хөрөг бий болгож чадах чухам тэр зүйл юу вэ?
Мэдээж хэрэг эхнэр хүүхэд, дансан дахь мөнгө, албан тушаалын аль нь ч биш харин түүний хөлөглөж байгаа унаа юм. Эзнээ тодорхойлох гол зүйл нь түүний автомашин бөгөөд хэн нэгнийг хараад унадаг машины нь тухай бас мэдэж авч болно.
Нэгэн залуу байна аа... Дунд шатны менежер, байдаг л баагий... Дээд сургуулиа онц төгссөн, бизнесс эхлээгүй эсвэл ерөөсөө төсвөөс эсвэл төслөөс мөнгө идэж чадаагүй/чадахгүй цалингаараа амьдардаг хүн. Харин хаа очиж гайгүй авдаг ч хамгийн гоёо мөрөөдөл нь л болоx сольж унах спорт машинтай болоx гэдэг түүний хувьд арай л ахадсан даваа, одоохондоо...
Мэдээж гэр, ажил, дэлгүүр, сургууль хооронд эхнэр хүүхэд, эд хогшил зөөх, цагаан сараар бултаараа суугаад айл хэсэх багтаамжтай хонины номхон бороос гадна амралтын өдрөөр гав ганцаараа салхи татуулан давхих нэг сайхан амьтан хэрэгтэй байдаг ч эхнэр байраа засна, хүүхдүүд Playstation авна, хадмууд хөдөө сүү цагаан идээ, сааль сааманд гарна гэх учраас одоохондоо энэ тухай мөрөөдөхөөс цаашгүй яваа залуу....
Тиймээс, хаа явж машин тэрэг гайгүй сайн мэддэг (эсвэл Асуултад миний бичсэнийг анхааралтай уншдаг ч байж мэдэх) тэр залуу Subaru Forester STi сонгожээ.
Үнэхээр Forester STi бол практик хэрэгцээ болон спортын хамгийн сайхан зохицол юм. Япон инженерүүд нэр алдраа түгээсэн Impreza STi загварын хурд хүч, динамикийг Forester-ийн практик байдал, тав тухтай хамт нэгэн дээвэрт шингээсэн юм. Тиймээс залуу эхнэртээ "Хонгор минь зай багтаамж хангалттай, хүүхдүүдээ суулгаад аялахад яг таарна. Дээр нь хүүхнүүд унахад сонин хөөрхөн загвартай байгаа биздээ..." гээд л... Харин орой ни хэдэн найзтайгаа пиводож суухдаа "Манийх нь тэрэг 2500-тай турбо хөдөлгүүртэй шт! Бас Brembo-ийн тормос систем, механик араатай гээд бодчих, за!" гээд л...
Энэ машин 30 гарсан залууд яг таарна, эхнэртэй, хүүхэдтэй бас ХАДАМ-тай...
Чихээд суухад бүгдээрээ машинд багтана гэсэн үг биш, бүгдэд тухтай байна гэсэн үг юм. Хатуувтар болов ч тухтай байхаар тохиргоо хийсэн амортизатортой юм чинь лагерь орох замд хадам машин дотор чинь бөөлжиж заваарахгүй гэсэн үг, хаха!
Ийм тэрэгтэй болсон хүн гэнэт гэрийн ажилд аймаар дуртай болдог нэг том дутагдалтай тал бий гэнэ... Юу гэвэл маргааш идэх талх дуусчихсан эсвэл өглөөний цайны сүүгүй болчихсон байхад дээр нь хөлбөмбгийн ямар ч гоёо тоглолт гарч байсан год үсрээд дэлгүүр гүйх гээд байдаг болно. Гэхдээ ойрхон байгаа ТҮЦ биш, хамгийн гайгүй дэлгүүр лүү шүү!
Учир нь оройдоо зам сэлүүхэн дээр нь ганцаараа барьж яваа тул жинхэнэ ид шидийг нь үздэг алтан боломж энэ юм. Аз нь гийгээд дохион дээр BMW X5 зогсож байвал талханд гүйхийн жаргал гэдэг тэр буюу! Дохион дээрээс хоцорч гарах нь энэ уралдаанд хамгийн чухал бөгөөд, яахав гэнэт гар утас дуугараад л аймаар чухал юм яриа биз, тээ... Тэгээд хоцорч гараад хажуугаар нь шуугиад өнгөрнө. Харин талxанд гарсанаа мартчихгүйн тулд ихэд хичээх хэрэгтэй дээ...
Ер нь Subaru Forester STi - бол жинхэнэ эрэгчин автомашин. Байдаг л Forester-уудтай харьцуулбал урлагийн бүтээл ч гэж хэлж болохоор... Бампер, босго, R18 тай дугуй, капот дээр үнэн зэрлэг харагдах агаар сорогч, арын спойлер зэрэг нь "Зам тавь!" гэж хэлэхтэй адил харагдана.
Мэдээж аймаар үзүүлэлтүүдтэй, эрэмгий төрхтэй бас содноос содон өнгөтэй автомашин авсан хүн чинь түүнийгээ ажлынхаа хэдэн баагийд завсарлагааны үед өнгөтөөр ярьж өгөх гэж авсан байгаа даа. Ганц удаа ч биш нилээд хэдэн удаа хүн цуглуулж, дээр нь жаахан хоцрох л болох нь. 2500, турботой мотор нь 265 морины хүчээ яаж үзүүлдэг, 6 шаттай механик араа, STi амортизатор яаж ажилдаг, МОМО спорт жолооний хүрд ямархуу барьцтай, эсвэл Brembo тормос, бага профилтай спорт резинтэй 18тай галзуу гоёо обудтайгаа нийлээд ямар харагддагийг, спорт суудалтай жолоодох ямар байдаг ч юм уу... За, тэгээд дохион дээр ямар ямар тэргийг яаж тоосонд булсанаа ярьж бас болно шт, хэхэ...
Ийм Forester-ийн эзэн ажлийн цагаар өөр юм хийх гээд байдаг тал бий... Янз бүрийн авто сэтгүүл, интэpнэтийн сайтуудыг нэг нэгэнгүй онгичож зарим нэг нэмэлт тоноглол, сэлбэг тавих юм бол хайртай машин нь улам сайн, хүчтэй болж, өөрөө төвөггүйхэн гэрлэн дохионы уралдааны аврага болохоо мэдэрчихсэн сууж байдаг аж. Гэхдээ үүнийгээ хийдэггүй гол шалтгаан нь эдгээр нэмэлтүүд чамгуй үнэтэй тул гэрийн санхүүгээс хонхойтол авахаас гадна хадам ээждээ шинээр авч тавьсан яндан нь эвдэрхий аятай ягаад ингэж дотор муухайртал айхтар хүнгэнэдгийг тайлбарлаж хэлж чадахгүйд оршино.
Ямар ч машинд дутагдалтай тал бий... Тэр тусмаа Forester STI нэг аймаар том дутагдалтай, хайгаад байх ч хэрэггүй. Тэр нь хянах самбарийн доороос цухуйж харагдах бөгөөд харсан хүн болгон хуучин япон тэрэг уначихаж гэж хэлдэг.

Эцэст нь: -Хаанаас яаж авсан бэ гэж үү?

Да хүрээ зах орохын наахна Дако автосервис гэдгийн замын эсрэг талд нэр мэр өлгөөгүй нэг хашаан дотор баахан форестер зогсоосон газраас авсан л даа. 60 гаранг оруулж ирээд 3-4н хашаан дотор зүгээр л Тоширак шиг эгнүүлээд эгээтэй л 2 давхарлаж хураагаагүй байна лээ. keke^ Үнэ бол гайгүй 5,400$ шууд тоолж өгөөд авчих шинжтэй байсан. Өөр бас зах, зогсоолуудаар мэр сэр ганц нэг харагдаж л байсан.
За тэгээд та ер нь ямар нэгэн машин авах гэж буй бол таньд аминчлан захихад манай иймэрхүү ченж маягийн auto dealer-үүд сэтгэл санааны ханамж ч гэж ярьдаг, тийм зүйл бол огт баталгаа байхгүй, хэлсэн ярьсандаа бараг хүрдэггүй, "авбал ав, авахгүй бол болих л үгүй" эдэр гэсэн маркетинг барьдаг тул бүхий л нарийн ширийнээ сайн ярьж тохирч авах хэрэгтэй юм байна лээ шүү. Өөрөөр хэлбэл яг сонирхсон машин чинь гайгүй дугуйгүй бол солиулах, хөгжим нь ажиллахгүй байвал өөрөөр солиулах, амартизаторийг нь солиулах эсэх, авсаны дараа ядаж 3 сарын баталгаа өгөх эсэх, авахаасаа өмнө үзлэг, оношилгоо хийлгэх эдэр гэх мэт .. Мэдээж хөл дүүжилэх унаа гэдэг унадаг дугуй авахаас өөр учраас энэ бүгдийг сайн ярилцахгүй бол нөхдүүд нэгэнт л мөнгөө тоолоод авчихсан бол дараа нь бараг л тэр өмнө ярьсан зүйлсээ хийж өгөхгүй гэдэгт мөрий тавьсан ч алзахгүй юм билээ.

My ride:
Subaru Forester S/tb 1999, 4AT, 2.0cc Petrol Single Turbo, Pink Grey, ~64,000km

Эх сурвалж:
Asuult Sambar :: Auto Forum

Монгол орон эмзэг, үлэмж биетэн

2009-05-09T02:30:00.000-07:00

Ногоон дэлхий, ногоон бүтээгдэхүүн, ногоон ногоон гэж их яригдах болжээ. Гэхдээ Зоос банкны, Юнителийн гээд маркетингийн ногоон өнгө бол биш шүү. Дараах нийтлэл энэ сэдвийг өнгөц боловч гадны хүний нүдээр харснаа халти л буулгажээ. Бас л энд хуулбар хийж авлаа :)

Швед улсын иргэн Анита Фахни монгол орны ирээдүйд санаа зовинож, манай сониноор дамжуулан санал, бодлоо илэрхийлж байна. Тэрбээр манай улсад 12 удаа айлчилжээ. Түүний сэтгэлийг уудам тал, онгон байгаль, хүн ардын найрсаг сэтгэл хөдөлгөдөг байна. Бид заримдаа дэргэд байгаа зүйлээ тэр бүр анзааралгүй, дасал болсон байдаг. Харин хөндлөнгийн хүний нүдээр манай улсын нийгэм ямар харагдаж байна вэ. Түүний нийтлэлийг хүргэе.

Би 12 дахь удаагийн ажлын айлчлалаар Монгол улсад найз нөхрийн ёсоор ирэхдээ энэ гайхалтай орны өнөөгийн байдалд санаа зовсоноо та бүхэнтэй хуваалцах гэсэн юм. Монгол орон эмзэг, үлэмж биетэн болж байна.

Монгол Улс зөвхөн хэмжээгээрээ төдийгүй олон талаараа аварга том юм. Дэлхийн эртний түүхэн дэх асар том эзэмшил нутаг, геополитикийн байршил зэрэг нь энэ оронд таатай боломжийг олгодог. Мөн арвин их байгалийн нөөц баялаг нь зэс, нүүрс, алт, уран зэргээр хязгаарлагдахгүй. Хятадын уламжлалт анагаах ухааны эмийн үйлдвэрүүдэд эрэлт хэрэгцээтэй байдаг. Өөр хаана ч ургадаггүй эмийн ургамлууд энд бий. Өргөн уудам тал нь зэрлэг болон тэжээмэл амьтдын эх нутаг болдог бөгөөд хэрвээ тэднийг хамгаалж чадвал энэ хэвээр үлдээж болно.

Байгалийн гоо үзэсгэлэн нь дэлхийн өнцөг булан бүрт суугаа мянга мянган хүний сэтгэлийг татдаг билээ. Гэвч Монголын хамгийн чухал баялаг бол хүн юм. Монголчуудтай хамт ажилласан олон жилийн туршлагаас дүгнэхэд монгол хүн өндөр чадавхитай, сурч мэдэх хүсэл эрмэлзлээр дүүрэн, нээлттэй, дэлхийд өөрсдийн хүндтэй байр суурийг эзлэхийг эрмэлзэн тэмцдэг.

Тэгээд яагаад "Эмзэг, үлэмж биетэн бэ" гэж үү
Өнгөрсөн 10 гаруй жилийн хугацаанд айлчлахдаа Монгол орон улам эмзэг болсоор байгааг олж харж байна. Ардчиллаас хойш 20 жилийн хугацаанд энэ орон улс төр, эдийн засаг, нийгмийн системийн хувьд бүхэлдээ өөрчлөгдөж байгаа. Мөн бэрхшээлтэй олон асуудал тулгарсан нь ойлгомжтой. Гэвч эмзэг байдал нь сэтгэл зовоосоор байна. Хамгийн ихээр анхаарал татаж буй зүйл нь байгаль орчны эмзэг байдал юм. Миний таамаглаж байгаагаар бүхэл бүтэн ой модыг хууль бусаар огтлон, зарж борлуулахаас гадна хүмүүс хувьдаа байшин, хашаа барьж байна. Модыг гуалин гуалингаар нь ачиж, зах руу зөөж байгааг харахад миний сэтгэл эмзэглэдэг. Ялангуяа, залуу модыг хайр гамгүй огтолж болохгүй. Хэрвээ ой модыг анхааралдаа авахгүй бол байгаль сүйдэж, ард түмэн, үндэстэнээрээ хор хохирлыг нь амсах болно.

Байгалиа ирээдүйд бус яг одоо хамгаалах хэрэгтэй мэт санагдана. Түүнчлэн, усны хангамж хүнд болжээ. Гол горхи ширгэж, ихэнх нь бохирдож байна. Дахин боловсруулах систем сайн ажиллахгүй байгаагаас болж байгаль орчин хог хаягдлаар дүүрчээ. Үүнээс гадна иргэдэд чанартай хүнс тэжээл, эмнэлгийн үйлчилгээ дутагдсанаас өвчлөл газар авсаар байна. Мөн боловсролын салбарт ч байдал сайнгүй байгаа. Хөдөөд таатай нөхцөл боломж, нийгмийн үйлчилгээ, ажлын байр хангалтгүй байгаагаас иргэд Улаанбаатар руу амьдралаа дээшлүүлэх гэж ирдэг. Гэвч бодит байдал дээр тэдгээр хүн хотын хэт ачаалал, олон бэрхшээлээс болж хүчин мөхөсдөж байна. Хотын системийн бас нэг алдаа нь замын хөдөлгөөний эмх замбараагүй байдлаас тод харагдаж байна.

Өнгөрсөн нийгмийн системийн задралын үр дүнд хувь хүн, гэр бүл нийгмийн дэмжлэг дор бус, харин бие дааж өөрөө өөрсдийгөө авч явж байна. Дэлхий нийтийн эдийн засгийн хямрал хүндрэл, бэрхшээлийг нэмэгдүүлж байгаа ч хүмүүс туулж гарахын тулд тэмцэж байна. Эдгээр нөхцөл байдал дор бусдыгаа энэрэх нигүүлсэл, хувийн хариуцлага, ухамсар нийгэмд уусан алга болж байх шиг санагдах боллоо. Олон нийтэд нийгмийн үндэс суурь болсон үнэт зүйлсээ дээдлэх зарчим, ухамсар чадвар үгүйлэгдэж байна.

Швейцарьт ардчиллыг хүчтэй дэмжигч улс төрийн зүтгэлтэн байсны хувьд миний сэтгэлийг хамгийн их зовоож байгаа зүйл бол Монголын улс төрийн системийн өнөөгийн байдал, хүний эрх, ардчилалд аюул тулгарч буй явдал юм. Зөвхөн айдсаас гадна улс төрийн систем нь бохирдсон тул хүмүүс бухимдалтай байгааг олж мэдлээ. Энэ нь хуулийн эсрэг байр суурь нилээд газар авсан, үзэл бодлын зөрчил эрсдэл бий болгож чадах, үг хэлэх эрх чөлөөний үндэс суурь болж байгаа мэт санагдсан. Хүний эрх, эрх чөлөө нь Монгол Улсын Үндсэн хуульд үндэслэгдсэн ба эдгээр тунхаглал нь удаан хугацаагаар ойлгомжтой байж чаддаггүй хууль, тогтоомжуудаар булингартжээ.

Хорин жилийн өмнө Монгол улс эдийн засаг, нийгэм, улс төрийн системийн хувьд бүхэлдээ шинэ байж, улс орны тусгаар тогтнолыг бэхжүүлсэнээр Үндсэн хууль хэрэгжүүлэх боломжтой хууль эрх зүйн бүтэц, байгалийн баялгийг хамгаалах тусгайлсан бүс нутгийн сүлжээг гаргасан. Хүн ам нь бүхэлдээ боловсрол сайн эзэмшсэн. Мөн хөдөлмөрч. Энэхүү томоохон өөрчлөн байгуулалтын үр дүнд улсаа бат бөх, хүчтэй болгож чадна гэдэгт би найдаж байна. Хүчтэй ардчилсан Монгол Улс ард түмэндээ хэрэгтэй байна.

Эх сурвалж: Нийгмийн толь сонин

http://news.gogo.mn/r/53494

Иргэний үүргээ биелүүлэв гэсэн :D

2009-05-02T01:42:00.000-07:00

Саяхан өглөө ажилдаа явах гээд зогсоолоос машинаа аваад байрныхаа урдах замаас эхнэрээ суулгаад хөдөлтөл урдаас нэг цэнхэр Портер улаан галзуу хүрч ирээд яг мөргөх шахаад тулаад зосчихлоо. Гайхаад харсан чинь дотор нь нэг халтар залуу алнаа баринаа болж зангаад буугаад ирлээ, би ч өмнөөс нь буугаад очтол шанаа өгөх бололтой гараад дайлгаад ална тална гээд дайрч байнаа. Тэгсэн, хар өглөөгүүр согтуу, дээр нь машин уначихсан, бас болоогүй агсам тавиад машин руу өшиглөж энэ тэр их дөвчигнөлөө. Хөөе, яаж байна? энээ тэрээ гэсэн чинь шүлсээ үсчүүлээд, гараа далайгаад хүрээд ирэхээр нь заамдаж аваад нэг гарыг нь бариад мушгиад дарлаа (Дандаа keyboard нүдэж суудаг над шиг цагаан гартанд бадриун гэж тоймгүймаа). Эрх биш согтуу хүнийг эрүүл хүн дийлнэ л дээ, тэгээд ч бага магадаа үеийнхэнтэйгээ ноцолдож л явсан юм чинь дээ. Нөгөөхийг хийг нь тааруулаад дэгээдэж зам дээр унагаад цээжин дээр нь өвдөглөж суугаад хорооныхоо цагдааг дуудчихлаа. Цагдаа нар яасан ч удаан ирдэг юм, хажуугаар явсан баахан хүмүүс хараад л "кино" боллоо.. Мань гар "би чамайг ёстой ална, машинаараа хөөж дайрна" ч гэх чиг, сүүлдээ "ах нь хагацал зовлон үзээд явжийна, ахыгаа явуулчих л" гэнэ. Тэгээд сүүлдээ өрөвдөөд явуулчихдаг ч юм билүү гэж бодоод тавьсан чинь хажууд харж зогссон нэг ах -"Цагдаад хүлээлгэж өгсөн нь дээрээ, замаар явж байгаад хүн дайрчихвал яах юм" гэхээр нь цагдаад өгчихөөд явлаа ш дээ. Байцаалт энэ тэр гэсээр байгаад ажилаасаа хоцорооск ... Дараа нь 2 хоног өрөөсөн шуу өвчин орчихоод хэцүүхэн л явлаа. кэкэ. Гэхдээ одоо бодоод байхад нээрээ тэгж явж байгаад хүн дайрчихсан бол яана, эсвэл өөр машин мөргөчихсөн бол яана, цагдаад өгсөн нь л дээр байсан байна лээ

А.Баатархуяг: 10.000 хятадыг 400 монгол ялж чадна…

2009-04-30T23:17:00.000-07:00

Хиагтыг чөлөөлөх тулалдаанд 400 монгол цэрэг, 10 000 гамингийн өөдөөс давшаад ялсан нь огт худлаа. Буу, сэлэм барьж үзээгүй 400 малчин орчин үеийн зэвсэгтэй, бас ч гэж байнгын армийн 10 000 цэргийг ялах ямар ч боломж байхгүй, энэ бол “домог” гэлцэнэ.

Энэ гаргалгааг анх Баабар “Нүүдэл суудал” номондоо гаргаснаас хойш ихээхэн тархах шинжтэй болжээ. Хятадуудтай байлдвал заавал ялна гэж боддог Монголчууд сүүлийн үед орчин үеийн зэвсэгтэй хятадууд биднээс илүү гэж бодох болжээ.

Хүн хүчний харьцаа ба зэвсэглэлийн чанарыг тооцвол энэ нь байж болох мэт авч бодит хийгээд бодит бус хүчин зүйлүүд бас бий. Бодит хүчин зүйл нь зэвсэглэлийн хувьд Хиагтыг чөлөөлсөн Монголчууд тийм ч муу байгаагүй юм.

ХХ зууны эхээр Оросын армийг зэвсэглэж эхэлсэн Мосины загварын винтов, морин цэргийн сэлмээр өвч зэвсэглэсэн байлаа. Түүнээс бороохой шийдэм барьж, нум сум эвшээлгэж дайраагүй юм. Пулемёт буу лав дөрөв байжээ. Мөн их бууны галын дэмжлэгтэй байв. Харин 400 цэрэг нь дан малчин байсан эсэх тухайд тун сонирхолтой дүгнэлт хийж болно. Хиагтын орчимд цугларсан Ардын журамт цэргийг лав л Зөвлөлтийн сургагч нар сургасан гэх мэдээлэл байдаггүй. Нөгөө талаас нь үзвэл байлдааны туршлага хийгээд зэвсэг эзэмших чадварын хувьд Монголчууд илүү байсныг нотлож болно.

Учир нь Хиагтын орчим цугласан цэргийн дотор хашир туршлагатай дайчин олон байв. 1913-1919 онд Өвөр Монгол болон Монголын өмнөд хязгаарт хятадуудтай амжилттай байлдаж байсан Богд хаант улсын цэргийн дайчид олноор очжээ. Д.Сүхбаатар ч гэсэн Харчин гүн Бавуужавын цэргийг устгахад гарамгай байлдаж баатар цол шагнуулсан 12 хүний нэг. Ногоон намын дарга Д.Энхбатын дурсан ярьснаас үзвэл Сүхбаатартай зэрэг баатар болсон өвөг ах Сэрээтэр нь Сүхийг дагаж Хиагтад очсон ба хувьсгал хийж байгаа эсэхээ ч мэдэхгүй, хятадтай байлд гэхэд хятадтай, оростой байлд гэхэд Оростой байлдаж явжээ.

Зэвсгээ хураалгаад тарсанд цөөнгүй нь Богд хаант улсын армийн пулемёт сумангийн дарга Д.Сүхбаатар нарын хамт Монгол улсаа чөлөөлөх хүсэлтэй Хиагтад очжээ. Тэд өмнө нь ялж сурсан, хятадуудтай эрэгчин эмэгчнээ үзэхэд бэлэн байв.

Хиагтыг чөлөөлсөн Монгол туургатын цэргийн нэг хэсэг Харчин цэргийн цуваа

Тэр ч байтугай 1918 оны сүүл, 1919 оны эхээр Хятадын цэрэг Монголд орж байхад Баргын ван Манлайбаатар Дамдинсүрэн “Хүрээнд хятадыг бүү оруул, зүүн хязгаараас хятад оруулахгүйг би батлан даана” гэсэн захидал ирүүлж байсныг бодоход Монголчууд хятадтай байлдахдаа огт эмээхгүй байжээ.

Учир нь 1911 оноос хойшхи Монгол Хятадын тулалдаануудад Монголчууд үргэлж ялж байв. Мөн цэргийн хашир дайчид нэгдсэн нь Шинжаанд Хятадыг эсэргүүцэн босоод байлдсаар Оросын хилд орж Сэлэнгэд ирж суусан Илийн Сумъяа бэйсийн хошууны дайчид байв. Тулаанд хатуужсан тэр дайчид байлдааны чадвар өндөртэй байсан нь дамжиггүй. Пулемётчид нь дан Монголчууд байжээ.

Цэргийн тоо чадварыг өсгөхийн тулд Оросын армийн цэргүүдэд лам дээл өмсгөсөн, дээлийн хэлтгий захны цаанаас орос цэргийн форм харагддаг байсан гэх цуу яриа үндэсгүй юм. Хэрэв үнэхээр оросын цэргийг Хиагтын тулаанд оруулсан бол юуны өмнө зэвсэгтэй харьцах чадвараар нь пулемётчидийн дунд оруулах учиртай.

Харин Өвөр Монголоос ирсэн цэргүүдээс нэг цахар суман /тавьт/ Баяр гүний захиргаанд Бароны цэрэгт байв. Энэ тавьт хятадуудтай байлдахдаа аймшигтай харгис агаад өршөөлгүйгээрээ зартай байлаа. Баяр гүн Хиагтыг чөлөөлөөд байсан ардын журамт цэргийг дутуу үнэлсэн үү, харгис дайчидтайгаа түрүүлж давшаад бутцохиулж, өөрөө шархдаж олзлогдсоныг бодоход Хиагтыг чөлөөлсөн Монголчуудын байлдах чадвар сүрхий байжээ.

ХХ зууны эхний Монгол Хятадын дайн

“Сайтар бэлтгэгдсэн түмэн хүнтэй” хятадын байнгын арми гэгч хөөрхийлөлтэй байдалд байжээ. Чухамдаа Юань Шикай Монголыг цэргийн хүчээр бус дипломатын зальжин аргаар эрхэндээ оруулсан юм. Түүнээс бус Сүй шүжаны арми Монголд орж ирэхдээ байлдаан хийгээгүй билээ.

Хэрэв Монголчууд байлдсан бол? Энэ бол их сонин асуулт.

Гэхдээ үүнд хариулах жишээ бий. Нэг дэх нь Манлайбаатар Дамдинсүрэн вангийн захидал. Хоёр дахь нь Монголын армийн жанжин Хатанбаатар Магсаржавын цэргийн ур чадвар. Энэ хүн 1911 онд Ховдыг чөлөөлөх дайнаас хойш гадны цэргүүдтэй 41 удаа байлдахдаа нэг ч ялагдаагүй юм. Ялангуяа 1913-1914 оны Монгол хятадын дайны туршлага тэдэнд хангалттай байв.

1912 оны эцсээр Юань шикай 33 460 цэрэг, 85 их буу, 54 пулемёт бүхий зургаан замын цэргийг сайтар зэвсэглээд өвөр Монголд түлхэн оруулж, Монгол руу давшуулжээ. Чингийн Засгийн газар хар тамхины дайнд ялагдсаны дараахнаас армиа шинэчилж эхэлсэн бөгөөд Чин гүрэн унасны дараа генерал Юань Ши Кай засгийн эрхэнд гараад армиа өргөтгөсөн юм. Мэдээж бүр 1912 онд Хятад цэргийн тоо, зэвсэглэлээр Монголоос хамаагүй давуу байснаас гадна армиа европ маягаар зохион байгуулсан байв.

Харин үүний өөдөөс Оросын армийн зэвсэглэлээс хасаж байсан бердан буунаас дөнгөж салж, хагас нь винтовоор зэвсэглэсэн Монголын армийн 1000 орчим цэрэг замдаа хүчээ зузаатгах уламжлалт аян дайнд хятадын армийн өдөөс хөдөлсөн байна. Монголын арми тэр үед ердөө л хоёрхон хээрийн хөнгөн их буутай байв.

Тулалдаан одоогийн Монгол Улсын нутаг дээр бус өвөр Монголын нутагт болсон нь Богд хаан бүх Монголын хаан хэмээн нутаг дэвсгэрээ харийнхнаас хамгаалсан хэрэг байв. Баруун хязгаараар нэг зам, Дариганга, Егзөрийн хийдийн чиглэлээр нэг зам, Сөнид Улаанцавын чиглэлээр Монголчууд давшжээ.

Гэтэл үр дүн нь гайхалтай. Хятадууд анх довтолсноор баруун замын цэрэг Цагаан түнгийн орчим тулалджээ. Анхны тулалдаан 1913 оны 6 дугаар сарын нэгэнд болоход хоёр талаас 22 хүн үрэгдэж, 30 хүн шархаджээ. Хоёр дахь тулалдаанд Хятадын талаас 2000 гаруй цэрэг, харин Монголын талаас 700 цэрэг тулалджээ. Мэдээж хятадын байнгын арми зэвсэгээр Монголоос хамаагүй илүү л байж таарна.

Тулалдааны үр дүн тооцоогоор биш, ёстой жам ёсоор Монголчуудын ялалтаар төгсчээ. Монголчууд 20-ийг алаад, 50 агтыг нь олзлоод хөөн гаргасан байна. Энд уг нь Монголчууд ялагдах ёстой биз дээ? Энэ мэт Монголчууд Хятадын армийг байнга ялж байснаар барахгүй Хөх хотыг өнгөртөл давшжээ. Хятадын армитай хийсэн тулаанаас олзолсон зэвсгээр өөрсдийгөө зэвсэглээд зогсохгүй, олзолсон болон “хоцрогдсон хуучин” зэвсгээсээ 10.925 нэгж бууг Өвөр Монголчуудад өгсөн ажээ.

Мэдээж Монголын арми дан морьт цэргээс бүрдэж байлаа. Байлдаанд ялж байсан ч гурван улсын хэлэлцээрээр Монголын армийг эргүүлэн татжээ. Оросууд Богд хаанаас цэргээ татахыг шаардаж, шинээр зэвсэг нийлүүлэхээ зогсоож байв. Монголын ноёд армиа зэвсэглэх бүхий аргыг хэрэглэж байв. Оросын хаан зэвсэг олгохыг татгалзсаны дараа Монгол ноёд зэвсгийн үйлдвэрийн даргыг нь хахуульдах замаар “албан бусаар” зэвсэг авахыг хүртэл оролджээ.

-1914 оны дайны хүчний харьцааг үзэцгээе. Хятадын арми зарим мэдээгээр герман, хятадад үйлдвэрлэсэн винтовоор хангасан 39.900 цэрэг, 85 их буу, 54 пулемёттай байжээ. Гэтэл Монголын арми хоёр замын нийлээд 2000 гаруй цэрэг, үүний хагас нь винтовоор хангасан, хоёрхон их буутай буюу зам бүр нэг их буутай байлаа. Бүр 1915 онд Монголчууд ердөө 24000 цэргийг л зэвсэглэх чадвартай болсон юм.

Гэтэл байлдааны үр дүнг гайхалтай. Монголчууд 1911-1919 оны хооронд хятадыг дийлж 1693 винтов, 160 шахам мянган сум, 715 сумтай 4 их буу, 5 пулемет олзолжээ. Цэргийн тоогоор 15 дахин, пулемётаар 8 дахин, их буугаар 42.5 цөөн хэрнээ ийм амжилт олжээ. Тэр үед хүрээнд Монголчууд их түрэгдэж байгаа гэнэ, үхэх нь гайгүй юм байх гэлцэж байснаа ялж байна гэлцэх болжээ.

Хожим Хатанбаатар “Байлдахад хэцүү биш, хүний олноор л бүслэх гээд байх нь зовлонтой” гэж ярьж байжээ.

Мэдээж монголын арми нөгөө “Тунгалаг тамир” киноны Ням өвгөн цахиур буугаа магтахдаа “Баатрыг нь эс боловч жирийн цэргийг нь дөнгөчихнө” гэсэнчлэн суманд даагддаггүй баатруудаас бүрдээгүй. Бүгд л буу, сэлэм барьж үзээгүй гэгдэх “малчид” л байсан. Тэгэхээр прагматикаар үнэнийг тодруулдаг хүмүүсийн тооцоогоор бол Хиагтад Монголчууд гарцаагүй ялагдахаар барахгүй аль 1914 онд л бүрэн эзлэгдчих байжээ. Тэгтэл яагаад ялагдсангүй вэ?

1914 онд Монголын Засгийн газар цэргээ эргүүлэн татсан ба Өвөр Монголыг цэргийн хүчээр бус дипломатын аргаар нэгтгэх боломж бий гэж үзэж байжээ.

Хүрээ яагаад эзлэгдэв?

Арми нь амжилттай байлдаж байсан атал Сүй Шү Жан 1919 онд яагаад хүрээг эзэлчихдэг билээ? гэж гайхмаар.

Богдын Засгийн газрыг муучлах, ангийн тэмцлийн зоригоор түүхийг гуйвуулахдаа коммунизмын үед Богд Хаант Монгол Улсын армийн дайчин гавъяаг нуудаг байжээ. Хүрээнд Хятад цэрэг орж ирсэн нь үнэндээ зальжин дипломатч Чен И-гийн явуулга байв. Монголын ноёдыг, тэр дундаа Ерөнхий сайд болсон шанзав Бадамдоржийг хээл хахууль цутгах, айлган сүрдүүлэх замаар эрхэндээ оруулж, тэднээр Зөвлөлтийн аюулаас хамгаалах цэргийг Хүрээнд ирүүлэх хүсэлтийг Юань Ши Кайд бичүүлснээр Хятадын цэрэг байлдалгүй Хүрээнд иржээ.

1921 оны эхээр Барон Унгерн Хүрээг эзлэхэд Хятадын байнгын арми 12.000 мянган хүнтэй байжээ. Гэвч энд бас л гайхалтай үйл явдал болж, Хүрээнд бэхэжсэн хятадын цэрэг Баронд бутцохиулан сарнин зугтжээ. Барон Унгерны Азийн морин дивиз ердөө 800 гаруй хүнтэй, нийлсэн Монголчууд 200 гаруй байв. Хэрэв дагуураас авч гарсан зэвсгээ бүрэн авчирсан бол 6 их буу, 20 пулемёттай байжээ.

Гэтэл Хүрээнд байсан генерал Жан Цинхуйд 2 бригад явган болон морьт цэрэг, нэмж дайчилсантай нийлээд 15.000 хүн, 40 их буу, Гочкисийн системийн хүнд пулемёт 100 байжээ. Гэвч тэр Хүрээнээс ховх цохиулан ихэнх нь хойшоо Хиагтын зүг зугтсан ба 1500 орчим цэрэг өмнөд зүг зугтсаныг Саж ламын төвд цэргүүд ба Унгерний цэргүүд толгой дараалан хяджээ.

Хиагтад

Хиагтад байрласан хятадын цэргийн хүчин дээр Баронд цохигдон хүрээнээс ухарсан 6000 цэрэг нэмж очсоноор 10.000 орчим цэрэг лавтай байжээ. Энэ бол сүр сүлд нь үхсэн эмх цэгцгүй, хүний нутагт хашигдсан арми байлаа. Хиагтын тулааныг Монголчууд 3 дугаар сарын дундуур бага хүчээр эхлүүлсэн нь хүйтэн хахир цаг өнгөрөхөөс урьтаж ялах гэж яарсных. Нөгөө талаас Бароны дайралтаас амжих гэсэн хэрэг байх.

Гитлерийн армийн ялагдлын шалтгааныг Оросын хахир өвөл гэж олон эрдэмтэн үздэгтэй адил Оросоос ч хатуу хахир Монголын өвөл хавар гамингуудыг бүрмөсөн зутраажээ. Харин Монголчуудын хувьд хавар цаг бол эх нутгийн нь нэг л улирал билээ. 3 дугаар сарын 18-ны үүрээс авахуулж давшсан Монголчууд харуй бүрий болоход хятадын армийг бүрмөсөн бут цохиод Хиагтаас хөөсөн байв.

Хятадын армийн үзэл суртал, цэргүийн сэтгэл санаа авах юмгүй байсан нь ойлгомжтой. Хүрээнд 10 дахин бага хүчтэй Баронд ховх цохиулсан энэ армийн үлдэгдэл урагш бус хойшоо зугтсан нь гайхалтай. 10.000 орчим мянган хүнтэй арми байсны нотолгоо нь Ардын журамт цэрэгт цохиулсан гамингууд хүчээ бөөгнүүлж байгаад Хүрээний баруун талаар дайрч гарахыг оролджээ.

Генерал Рекухин тэднийг тосч байлдахад Барон Унгерн цахар цэргүүдээр хүч нэмж, эцэст нь өөрөө цэрэг аван байлджээ. 3 дугаар сарын 24-нд Барон ялж, генерал Жа У тэргүүтэй 4000 гаминг олзолжээ. Энэ тулаанд 5000 гамин алуулсан гэсэн мэдээ байдаг ба 8000 винтов өдий төдий сум олзолсон байна. Ингээд тооцвол Хиагтаас 9000 гамин, 8000 орчим винтовтой зохион байгуулалттай ухрах оролдлого хийжээ. Их буу, пулемётаа хаясан бололтой.

Яаж ч бодсон Хиагтад Монголчууд ялсан нь маргаангүй юм. Энэ бол бараг сүүлийн 70 жилд Монголчуудыг зоригжуулж байсан ба хятадтай байлдвал бид гарцаагүй ялна гэсэн итгэлийг хадгалж ирсэн юм. Монголчууд Хятадыг дорд үзэж байхад харин Хятадууд хүч чадалтай, зэрлэг дайчин Монголчуудаас эмээсээр иржээ.

Бүр 1455 онд Монголын Эсэн хааны 40.000 цэрэг авч давшаад Хятадын хагас сая цэргийг дийлж, эзэн хааныг нь олзолж ирсэн түүх бий. Үүний түүхэнд Түмогийн хэрэг гэдэг. Монголчууд дайтах чадвараа хадгалж ирсэн бөгөөд ХХ зуунд ч хэвээрээ л байсан юм.

Зэвсэглэл харьцангуй ойролцоо нөхцөлд Монголчууд илэрхий аархаж ялалт байгуулж байжээ. Байлдааны тактик, цэргийн үзэл суртал зэрэгцэн сэргэж байв. Монголчууд аймшигтай харгис хэрцгий байсан тухай Хятадын түүхчид бичдэг нь ч бас худал биш. Олзны хүнээр туг тахих, чойжин буух зэрэг ёслолууд нь Хятадын цэргүүдийг их айлгадаг байжээ. Харин энэ бол харгислал биш ердөө л уламжлал байжээ.

Сүүлийн үед зөвхөн МАХН-ыг муучлах зорилгоор Хиагтын тулалдааны яруу алдарт эргэлзэх болсон нь тийм ч сайн юм биш. Үнэндээ Хиагтыг чөлөөлсөн олон Монголчууд коммунист хувьсгалын төлөө тулалдаагүй бөгөөд эх орноо харийнхнаас чөлөөлөх л хүсэлтэй байжээ. Сүхбаатарын болон Магсаржавын цэрэгт байлдсан дайчдаас хожим ердөө 15 хүн л МАХН-д элсэж байжээ. Тиймээс МАХН-ыг муучлах гээд бүх түүхээ муучилж болохгүй нь.

Коммунист засаглал хожим 1929 онд зүүнтнүүд төрийн эрхэнд гарснаар бодат байдал болсон юм. Энэ гуравдугаар сарын 18-нд Хиагтын алдарт тулааны ой, Монголын Ардын армийн 88 жилийн ой болно.

Дашрамд хэлэхэд Монголын арми ХХ зуунд нэг ч ялагдаагүй билээ. Харин армийнхаа ойг 11 жилээр урагшлуулж, Богд хаант Монгол Улсын арми байгуулагдсан өдрөөр тогтоовол зүйтэй мэт санагддаг.

Уг нийтлэл үүх түүхээ сонирхдог хэн бүхний сонирхолыг эрхгүй татахаар байсан тул хуулбарыг нь авахыг хүсч блогтоо нийтлэж орхив. Би заримдаа боддог юм, хэрвээ би одоогийн мэргэжилээрээ бус өөр салбарт орох байсан бол түүх судлаач, угсаатанзүйч болох байсан. Гэлээ гэхдээ хоббигоороо түүх судлаад, сонирхоод байхад юу нь буруу байх билээ :)

Эх сурвалж:

http://origo.mn/24tsag/2009/03/19/14829

Н. НАЦАГНЯМ: МОНГОЛ ИНЖЕНЕРҮҮД ЭЭ! ХУВЬСГАЛ ХИЙХ ЦАГ БОЛЖЭЭ

2009-04-19T19:08:00.000-07:00

Уг уриалгын үзэл санаа нь ихэд таалагдсан тул зохиогчоос зөвшөөрөл авалгүйгээр хуулбарыг нь авчихлаа. Зарим хүмүүсийн хэлдэгээр Ерөнхийлөгчийн сонгуултай огтоос холбоогүй гэж хувьдаа бодож байна. За холбоотой байлаа ч гэсэн "улс төрөөр чи оролдохгүй бол улс төр чамаар оролдоно" гэж үг бий. Эцсийн эцэст манай улс буруу замаар будаа тээж, олигархи ноёлсон ардчилал гээч болоод байгаад маргах хүн байхгүй биз. Бид үндэсний үйлдвэрлэлээ сэргээж байж амжилтанд хүрнэ гэдэг бол гарцаагүй, тийм нэгэн санаа энд байна:

Н. НАЦАГНЯМ. (natska1@yahoo.com) Castle Care-Tech LTD компанид интернет, радио холбоо, дохиололын систем зохион бүтээгч, програм хангамжийн инженер

Миний бие Англи улсад 8 жил электроникын инженерээр ажиллаж С, ассемблер хэл дээр олон програмыг яаж зэрэгцээ ажиллуулдагийг буюу RTOS (Real Time Operating System) системийг хэд хэдэн микропросессор дээр програмчлаж сурлаа. Өөрөөр хэлбэл Англи болон дэлхийн зах зээл дээр зарагдаж байгаа електроник барааг хийж сурлаа. Харин одоо Монголдоо очиж үндэснийхээ инженерүүдийг дэмжиж Монголд инженерийн хувьсгал хийх саналыг инженерийн бүх салбарын инженер нарт уриалж байна.Учир нь ерөнхий сайдын “Импортийг Орлуулах” бодлого бас ерөнхийлөгчийн “ШИНЭ ГУДАМЖ” төсөл биднийг дэмжиж улмаар биднээс тусламж хүсч байхад бид дуугүй сууж байгаа нь үнэхээр зохимжгүй явдал болоод байна. Манай ерөнхийлөгч “ШИНЭ ГУДАМЖ” төслөө “ШИНЭ ХОТ”, “ШИНЭ УЛС” төсөл болгон өргөжүүлэхийн тулд үндэснийхээ инженерүүдээс шинэ санаа шинэ бүтээл хүлээж сууна. Ийм байхад бид нойрноосоо сэрж Монголдоо инженерийн олон төрлийн төсөл зохиож ерөнхийлөгч, ерөнхий сайд нартаа өргөн барьцгаая. Мөн ерөнхий сайд маань гадаадад суугаа элчин сайд нартаа үүрэг даалгавар өгч гадаадад мэрэгжилээрээ ажиллаж буй Монгол инженерүүдийг судлуулж улмаар тэднийг нутагтаа харьж их үйлсийг бүтээхийг санал болгож байна.

Тухайлбал Лондон хотноо суугаа манай элчин сайд Б.Алтангэрэл миний ажлын байр дээр ирж танилцаад Английн электроникын үйлдвэрлэлийн дүр зургийг авч улмаар намайг Монголдоо тийм үйлдвэр байгуулахыг дэмжин туслаж байна.

Хэдийгээр манай инженерүүд одоохондоо зах зээлд эзлэх байр суурьгүй сул зогсолтын байдалд байгаа нь өөрсдийн буруугаас бус тендер нэрээр импортлогчид ба тэднийг дэмждэг манай элитүүдийн гаж дон юм. Ийм гаж дон Японд ноёрхож байсан бол Япон өдийд Монгол улсаас илүү ядуудрал нэрвэгдсэн сул дорой улс орон байх байсан гэж Японы NEC – ын ахлах инженер Steve IKEI онцлон тэмдэглэж байсан.

Би Монгол инженерүүддээ заавар зөвлөгөө өгч мөн түүнчлэн Англид байдаг бараа бүтээгдхүүнийг зохион бүтээхийг санал болгоно. Тэдний нэг хэсэг миний хэрэглэгч болж байхад нөгөө хэсэг нь миний нийлүүлэгч болох юм. Электроникын үйлдвэрлэлийн бааз суурь ингэж бүх инженерийн салбаруудын оршин тогтнох эх үндэс болж байдаг.

Жишээ нь манай хэсэг инженерүүд нано технологи ашиглаж эрчим хүч үйлдвэрлэлээ. Тэдэнд зайлшгүй хэрэгтэй автоматикуудыг би асар бага задлаар зохион бүтээж нийлүүлэх болно. Үйлдвэрлэсэн цахилгаан энергийг нь чанарын өндөр түвшинд хүргэх, доргилтын үед хүчидлээ тогтворжуулах, үүсгэгч бүрд ачааллыг жигд хувиарлах гэх зэргээр тэд нарт зайлшгүй шаардлагатай автоматикуудыг би хангалттай зохион бүтээж нийлүүлж чадна.

Бас нэг жишээ бол манай хэсэг инженерүүд түлш болон цахилгаан эрчим хүчээр ажилладаг троллейбус зохион бүтээж Казакстан Улсад нийлүүлж байна. Тэгвэл тэдний удирдлагын хэсэгийг автоматикуудыг би зохион бүтээж нийлүүлэх боломж байна. Учир нь би эсэргүүцэл конденциатор индукцлэлийн ороомог оролцсон ямарч электроникын хэлхээг програм хангамжийн аргаар яаж хийдэгийг хангалттай сурсан.

Хэрвээ та хүнсний тоног төхөөрөмжийн инженер бол та ямар нэгэн хүнсний тоног төхөөрөмж зохиогоорой би түүний чинь цахилгаан автоматжуулалтыг чинь хийж өгье. Мөн түүнчлэн таньд таний салбарын сүүлийн үеийн мэдээллийг интернетээс орчуулж өгье та Англи хэлтэй байх албагүй.

Гэх мэтээр би бүх салбарын инженерийн үйлдвэрлэлийг дэмжиж чадна.

Ер нь бидэнд мэдэхгүй чадахгүй зүйл гэж байх учиргүй ээ. Учир нь бүх төрлийн инженержүүлэлтийн анхан шатны жишээ загвар, бүх мэдээлэл интернет дээр үнэгүй байдаг бас IEEE (International Electrical Electronics Engineering) гэдэг сэтгүүл дээр бүх мэдээлэл байдаг. Энэ сэтгүүл интернэтэд тавигдсан байгаа. Зарим электрон бараа бүтээгдхүүний хийц загвар, тавил тохирууллагын тоо хэмжээг тухайн улсынх нь засагийн газрын хууль цаазаар хатуу зааж өгдөг. Тиймээс бидэнд зарим бараан дээр бэлэн ямарч үнэ төлбөргүй техникийн шийдлүүд бэлэн байна. Эдгээр хууль тогтоомж нь интернет дээр үнэгүй байдаг ба хэрэв бид тэр улс – д нь экспорт хийе гэвэл заавал тэр хуулинд заагдсан тавил тохирууллагыг тавих ёстой.

Манай инженерүүд Англи хэл мэддэг байх албагүй ээ. Энэ асуудлаар төр засаг тусгай төсөл хэрэгжүүлж би та бүхэнд бүх сүүлийн үеийн техникийг дэвшилийг олж орчуулж өгөх болно.

Эцэст нь бид электроникын хувьсгал хийж инженерийн бүх салбарын инженерийн үйлдвэрлэлийг хөгжүүлэх техникийн бүрэн боломжтой боллоо.

Гэтэл бидэнд нэг том саад гарч ирлээ.

Юу байж болох вэ?

Ойлгомжгүй юм хэн Ерөнхийлэгчийн ардчилсан төслийг эсэргүүцэж чадна гэж?

Хэн ерөнхий сайдын “Импортийг Орлууллах” бодлогыг зогсооно гэж?

Хэнч биш.

Тэгвэл юу вэ?

ҮНДЭСНИЙ ИНЖЕНЕРЖҮҮЛЭЛТИЙГ СААТУУЛАГЧ ХҮЧИН ЗҮЙЛСИЙГ УСТГАХ БОЛОМЖУУД

Энэ дугаартаа үндэсний инженержүүлэлтэнд саад болж буй олон хүчин зүйлсийн хамгийн ноцтой асуудлыг дурьдах ба дараа дараагийн цувралаараа үлдсэн бүх учир шалтгааныг толилуулах болно. Эцсийн үр дүнд нь Монголын инженерийн үйлдвэрлэл хөгжих арга замыг нээх болно. Ер нь чөлөөт зах зээлээр улс орон жамаараа өөрөө аяндаа хөгжин дэвшдэг атал манай улс маань хорвоогийн хосгүй ядууралд хүрч байгаа нь бид чөлөөт зах зээлийг анхнаас нь буруу ойлгож, буруу бодлого явуулснаас шалтгаалжээ.

Арван наймхан жилийн капитализмын түүхтэй бидэнд алдаж онох явдал байх боловч дандаа алдаа гаргаж ард түмэн дээрээ туршилт хийж байх шаардлагагүй, тэгэх ч ёсгүй гэж бодож байна. Хэдэн зуун жилийн капитализмын түүхтэй улс орноос зөв шийдлүүдийг олж сурах хэрэгтэй юм болов уу гэж бодно. Ямарч бизнес тэр дундаа бид бүхний хийх ёстой инженерийн үйлдвэрлэлийн эргэлт буюу урсгал нь банкны зээлийн хүүнээс шууд хамаардаг, гэтэл Монгол банк хүчээр зээлийн хүүг ихэсгэж инженер бидний үйл хэргийг боох бодлого явуулж байна.

Ер нь Монголчууд бид капитализмд ороод 18 жилийг элээж буй тул бид хэдэн зуун жилийн түүхтэй капиталист улс орны хажууд 10 настай балчир хүүхэд юм. АНУ, Английн их дээд сургуулиас сурсан мэдлэгээрээ улс орноо дээш нь биш доош нь газарт оршуулах бодлого явуулсаар 18 жил боллоо. Тэгвэл капитализмын хөгжлийн нууцыг их дээд сургуулиас биш АНУ, Английн инженерийн хүнд үйлдвэрлэлд 10 жил ажиллаж амьдарч байж сурдаг юм байна. Ийм хувь завшаан надад таарч би Монголоо хөгжүүлэхэд шаардлагатай бүх зүйлийг сурсанаа бурханы хишиг хэмээн баярлаж явдаг. Энэ бурханы хишигийг манай нийт ард түмэн хүртэх ёстой.

Намайг 2000 оноос 2007 он хүртэл Англид ALSTOM гэдэг Францын компанид ажиллаж байхад бид сар бүрийн эцэст эдийн засагчдийн тайлан хуралд оролцож Английн төв банк болон арилжааны банкуудын хүүний бодлогын чиг хандлага, инфляцийн түвшин компаний үр ашигт хэрхэн нөлөөлөх, мөн манай хэрэглэгч болон нийлүүлэгч нар Төв банкны бодлогын уур амьсгалд амьдрах чадвар хэр байгаа гэх мэт мэдээллийг авдаг байсан.

Хэдийгээр Англи Монголын эдийн засгийн хөгжлийн түвшин өөр боловч математик загварчлалаар батлагдсан хүний нийгмийн хууль хаана ч адилхан философитой юм.
Англи улсын төв банкны бодлого нь паундын ханш унах буюу инфляциас ердөө ч айдаггүй юм шиг санагдсан. Учир нь тэд үйлдвэрлэлээ дэмжихийн тулд паундын нийлүүлэлтийг нэмэгдүүлж паундын ханшийг £1 = $1.98 – ээс £1 = $1.41 болтол сулруулдаг. Энэ процесс нь ойролцоогоор 5 жил үргэлжилдэг. £1 = $1.4 хүрмэгц нөгөө цацсан паундууд нь амжилттайгаар эргэн төлөгддөг учир зээлийн хүү нь манай монголчуудын зүүд зэрэглээнд ч байдаггүй тийм өчүүхэн бага байдаг. Бага хүү гэдэг нь үр ашигтай ажиллахын баталгаа юм. Гэтэл манай Монгол банк хүүгээ хүчээр хатуу бодлогоор иэхсгэчихээд яаж үр ашигтай ажиллацгаа гэж хэлж байна аа.

Бидний зүүдэнд ч оромгүй бага хүүтэй зээл цацсан Английн банкууд тэр гаралтаа 5 жилийн турш буцааж авдаг ба энэ үед паундын ханш £1 = $1.4 – өөс £1 = $1.98 болтлоо өсдөг. Ингээд харахад 1998 онд паундын ханш £1 = $1.98 байснаа 2003 он гэхэд паундын ханш £1 = $1.4 болж улмаар 2008 онд паундын ханш £1 = $1.98 болсон. Гэх мэтээр паундын ханш таван жилийн давтамжаар өсч буурч байна. Mr Паундын ханшийг арван жилийн давтамжийн хурдаар харахад паундын ханш тогтвортой байнга л £1 = $1.98 байдаг юм. Үүний үр дүнд үндэсний үйлдвэрлэл өсч эдийн засгийн суурь чангардаг. Гэтэл манай ₮ маань паундын ханшийг бодвол хатуу бодлогын ачаар байнга л тогтмол байдаг. Гэтэл үүнийг сонсон Английн Элитүүд надад итгэхгүй байгаа ба тэд хэлэхдээ хэрвээ үнэн бол та нар яаж үндэсний үйлдвэрлэлээ хөгжүүлдэг юм вэ гэж гайхаж улмаар надаас тэр гайхамшигт нууцаа хэлж өгөөч гэж шахан шаардаж байна. Яагаад гэвэл тэд бодохдоо ₮ - ийн ханшаа тогтмол барьчихаад үйлдвэрлэлээ өндөр түвшинд хөгжүүлж байгаа Монгол Улс гэж бодоод үнэхээр биднийг бишрэн шүтэж гайхаж сууна. Гэтэл бид бодит байдал дээр үндэснийхээ үйлдвэрлэлээ нухчин дарчихаад хатуу бодлогоор хиймэл эдийн засгийн үзүүлэлт хийж эдийн засгийн хөгжлөө сааруулж байна.

Эсрэг тэсрэгийн хуулиар ₮ - ийг цацаж үндэснийхээ үйлдвэрлэлээ дэмжихэд ₮ - ийн ханш унах сөрөг үр дагавартай ч гэсэн 10 жилийн давтамжаар харахад ₮ - ханш маань тогтвортой байх болно. Иймд яг одоо айх юмгүй ₮ - ийг бага хүүний бодлогоор аадар бороо мэт цацаж үндэснийхээ үйлдвэрлэлээ дэмжиж ₮ - ийн ханшийг унагааж харин 5 жилийн дараа мөнгөний хатуу бодлогоор хүүг ихэсгэх бус харин цацалтын тоо хэмжээг эрс багасгах бодлогыг 5 жил хийхэд ₮ маань эргээд хэвийн ханшиндаа ортол сайжирна. Учир нь бага хүүтэй цацах учраас эргэж ирэх магадлал асар өндөр байх болно. Ингээд 10 жилийн тоймоор харахад ₮ маань тогтмол ханштай ба 10 жилийн дотор юу болох нь хэнд ч хамаагүй ба эцсийн үр дүн нь ард түмэн нь хямд зээл авч ашигтай ажиллаад арван жилийн дотор өрөө төлсөн байх юм. Ингэж капиталист эдийн засаг хөгжин дээшилдэг юм байна. Капиталист эдийн засагчид инфляциас айдаггүй юм байна. Харин ч инфляцийн хэлбэлзэл байхгүй бол эдийн засаг нь зогсонги байна гэж үздэг юм байна. Эндээс харахад манай эдийн засаг зогсонги байсан гэдгийг манай ₮ - ийн ханш сүүлийн хэдэн жилд паундыг бодоход дэндүү тогтмол байснаараа батлаж байна. Иймд манай Элитүүд Монголын эдийн засаг хөгжиж байна гэж ярьдагаа болихгүй бол гадаадын эдийн засагчдын элэг доог болно гэдгийг сануулж урьдчилан сэргийлж Монголынхоо нэрт улс төрчид элит ах нарынхаа нэр төрийг харийнхнаас хамгаалахыг хүсч байна. Шударгаар хэлэхэд бид капиталист эдийн засаг гэдгийг мэдэхгүй ба мэддэг байх ч албагүй юм. Яагаад гэвэл бидэнд капитализмын 18 – хан жилийн түүх байна. Англичууд ухаантайдаа ч биш олон зуун жилийн сүйрэл дампууралынхаа гашуун туршлагаар барьж байгуулсан оновчтой бодлого ухаалаг хуультайд л биднээс ялгаатай байгаа юм. Иймд бид тэр олон зуун жилийн аймшигт сүйрэл дампуурал дайн тулааныг нь үзэлгүйгээр тэдний түүхийг сурч ашигтай арга барилыг ашиглавал Монголчууд бид ирээдүйнхээ олон зуун жилийн сүйрэл дампуурал дайн тулааныг алгасах боломжтой юм уу гэж бодлоо.

Аж ахуйн нэгжүүдийг ашигтай ажиллуулахын тулд аль болохоор хамгийн боломжит бага хүүгээр паундын цацалтыг хийдэг. Өөр жишээ дурьдвал Францын засгийн газар том хүнд үйлдвэрүүддээ ямарч хүүгүй зээл өгч Английн хүнд үйлдвэрүүдийг эзлэн түрэмгийлэх бодлого явуулдаг. Энэ бол миний 7 жил ажилласан Англи дахь ALSTOM гэдэг Францын компани юм.
Инфляцийн хэлбэлзэл нь ердийн үед арван жилийн давтамжаар хэлбэлздэг боловч эдийн засгийн хямрал болон дайн гэх зэрэг онцгой байдлын үед паундыг хайр найргүй цацах бодлого явуулж үндэснийхээ үйлдвэрлэлийг сэргээх бодлого хэрэгжүүлдэг юм байна. Энэ нь ганц Англи биш бусад бүх улсын бодит түүх тэр бүү хэл яг өнөөдөрийн Английн түүх бидэнд ил тодоор харуулж байна.
Гэтэл манай Монгол банк маань ₮ - ийг цацахын оронд хатуу бодлого явуулж улс орноо мөхөөх гэж байгаа нь тэдний санаатай хийж байгаа үйлдэл биш харин тэднийг ийм гарцаагүй байдалд оруулсан манай элитүүдийн буруу юм.

Манай суут ухаант элитүүд маань 1990 оноос хойш ашиггүй, борлуулалтгүй гэж нэр зүүж ажиллаж байсан бүх үйлдвэрүүдийг төмөрийн хог болгож урагш нь ачуулсан. Ингэхийн оронд Маргерет Тэтчерийн аргаар улсын монопол том үйлдвэрүүдийг хувийн жижиг үйлдвэрүүдийн нийлүүлэгч болгон гадаадын импортоос хамгаалагдсан дотоодын чөлөөт өрсөлдөөнд яагаад оруулж болоогүй юм вэ?

Манай суут ухаант төр засгийн элитүүд хэлэхдээ та нар Хятадаас хямдхан хийвэл миний импортын бизнесийг ялна гэдэг. Тэд биднийг Хятадаас хямд хийхийг шаардаж байна. Тэд ойлгохдоо гадаадын зах зээлтэй өрсөлдөх чөлөөт зах зээл гэж буруу ташаарч байна. Гэтэл Азийн Бар Улсууд одоо хүртэл гадаадын импортоос хамгаалагдсан дотоодын чөлөөт өрсөлдөөнд амьдарч байна. Тэр бүү хэл хөгшин Англи Улсад энэ хуулийг Английн том үйлдвэрүүд сайн дураараа хэрэгжүүлж байна. Иймд манай төр засаг үндэснийхээ инженерийн үйлдвэрлэлийг гадаадын импортоос хамгаалдаггүй ч бид сайн дураараа өөрөө өөрсдийгөө хамгаалахыг уриалж байна.
Жишээ нь манай банкууд дохиололын системээ надаар хийлгэвэл та нар одоо байгаа шигээ нөгөөх чинь яагаад ажиллахгүй болчихов оо хэмээн бухимдах шаардлагагүй болно. Надад цахилгаан эрчим хүчний тоолуур хийх хангалттай туршлага байхад яагаад импортоор тоолуур орж ирэхийг хориод надад захиалга өгч болдоггүй юм вэ? Энэ бол Азийн Бар Улс орнуудын уламжлалт арга шүү дээ. Ер нь Монгол инженерүүдийн хийж чадах зүйлсийг яагаад засгийн газрын тэндерээр импортоор оруулж ирдэг юм вэ?

Нэг мэдэхнээ бид 18 жилийн дотор Голланд өвчтэй 100% - ын импортлогч улс болчихлоо. Бид ямарч үйлдвэрлэлгүй болохоор Монгол банк хичнээн ₮ гаргаж цацна төдий хэмжээгээр ₮ - ийн ханш унаж бид бүгд ядуурах болно. Монгол банкнаас гарсан ₮ импортын замаар орж дотоодын биш гадаадын инженерүүдийг ажлын байраар хангадаг тул ₮ - ийн ханш эргэж сайжирдаггүй. Гэтэл Английн Төв банкнаас цацсан паунд үр ашигтайгаар амжилттай эргэн ирдэг. Учир нь Английн банкууд зөвхөн дотоодын зах зээлээ дэмжсэн бизнест зээл өгдөг мөн импорт чөлөөтэй боловч Английн инженерийн үйлдвэрлэгч нар хэзээ ч импорт хийдэггүй. Бид өөрөө өөрсдөөсөө өөрсдийнхөө юмыг худалдаж авдаг ба ингэж байж л бид өөрөө өөрсдийгөө ажлын байраар хангадаг юм гэж Англи инженерүүд ярьдаг. Нэг жишээ дурьдахад 2005 онд Францын ALSTOM Англид худалдаж авсан Английн үйлдвэрүүдээ Франц руугаа нүүлгэх бодлого явуулсан боловч Англи инженерүүдийн эх оронч үзлээс болоод амжилтанд хүрээгүй. Учир нь нүүж очсон эхний хэсэг болох Motor Control – ийн үйлдвэр нь Францад очсон өдрөөсөө эхлээд орлого, захиалгаа алдаж жил болоход 1,5 сая паундын захиалгаа алдсан. Учир нь захиалагч нар нь Англи инженерүүд тул импорт хийхийг эх орноосоо урван тэрсэлсэн үндэсний дайсан хэзээ ч уучилж болшгүй хамгийн дээд хэмжээний ялтан гэж үздэг. Энэхүү алхамын ачаар олон зуун Англи инженер эх нутагтаа ажлын байраа авч үлдсэн. Хамгийн сонирхолтой нь Английн төрийн хууль биш харин Англи хүмүүсийн сэтгэхүй нь үндэсний үйлдвэрлэлээ хамгаалж байна. Гэтэл манай төр яагаад импортыг дэмжсээр байгаа юм вэ?

Японы төрөөс гадаадад ажиллаж байсан Япон инженерүүдийг Япондоо ирж юмаа хийхээс өмнө захиалга өгч ажлын байраар хангаж байсныг Английн BBC – гээр харлаа. Гэтэл манай төр намайг эхлээд юмаа хийчих дараа нь яахав Хятадаас хямд байвал захиалга өгч магадгүй гэнээ. Импортыг орлуулах төрийн бодлого байгаа хирнээ бодит байдал дээрээ яагаад хэрэгжихгүй байна вэ? Ийм төр дэлхийн түүхэнд байдаггүй болохоор манай үндэсний инженержүүлэлт сааталд ороод байгаа юм. Хэрвээ манай төр анхнаасаа импортыг хорьж өөрсдийгөө дэмждэг Азийн Баруудын уламжлалт бодлогыг хэрэгжүүлж үндэсний үйлдвэрлэлээ хөгжүүлсэн бол өнөөдөр Монгол банк ийм гарцаагүй байдалд орохгүй байх байсан. Өөрөөр хэлбэл манай элитүүдийн шүтээн болсон импорт чинь ₮ - ийн ханшийг 18 жил сульдаалаа. Сульдсан ₮ маань гадны зах зээлийн доргилтонд ямарч эсэргүүцэх чадваргүйгээр гутамшигтайгаар сөхрөн унаж Монгол банк зээлийн хүүг ихэсгэхээс өөр аргагүй арчаагүй байдалд орлоо.

Иймд импортыг тууштай хамгаалж хэрэгжүүлж байгаа төр засгийн эрх баригчидтай би шударгаар харилцан ашигтай тохиролцоо хийхийг санал болгож байна. Юу вэ гэвэл та нар тэндерээс авсан хөрөнгөөрөө өөрсдөө бүхнийг дотооддоо үйлдвэрлэж болно. Жишээ нь та эрчим хүчний тоолуурын тэндерт ялсан бол та гаднаас авалгүй өөрөө хийж болно. Та нэг оюутан хөлсөж аваарай би тэр оюутанд чинь зааж өгье. Хэрвээ хүсвэл олон нийтийн телевизээр бүх нийтэд заая. Сайн сурсан оюутнууд нь таны хүссэн бүхнийг хийж өгнө. Та импорт хийж гадаадын инженерүүдийг тэжээхийн оронд нэг ч гэсэн Монгол хүнээ тэжээх сайхан боломжийг би таньд олгож байна. Ийм замаар ч хамаагүй гадагшаа харь улс руу явж байгаа хөрөнгийг зогсоож чадвал бид үндэсний инженерийн үйлдвэрүүдтэй болно. Нэгэнт үндэсний үйлдвэрүүдтэй болчихвол Монгол банк маань Английн Төв банк шиг үр ашигтай бодлого явуулах боломжтой болж ₮ - ийг асар ихээр мөндөр мэт цацах болно. Хамгийн гол нь бид өнөөдөр яаж импортыг орлуулах оновчтой шийдлийг хамтран олох хэрэгтэй. Шуудхан хэлэхэд та бүхний импортлож сурсан бараанууд жишээ нь эрчим хүчний тоолуур гэх зэргийг би хийж таны зах зээлийг булаах хатуу сэтгэл надад байхгүй ээ учир нь надад хэд хэдэн шинэ бүтээгдэхүүн эрчим хүчний автоматжуулалтанд хийх санаа байгаа. Өөрөөр хэлбэл та хаанаас ч хайгаад олохгүй зүйлсийг би хийе харин та хятад инженерүүдийг биш Монгол инженерүүдээ ажлын байраар хангаарай. Ийм тохиролцоо хийхгүй бол манай төр засагт ажиллаж байгаа хүмүүсийн цалин асар бага ба ажлаа алдах эсвэл тэтгэвэртээ гарлаа л бол шууд нийгмийн эмзэг бүлэгт гэр бүлээрээ ордог нь манай бодит амьдрал юм. Миний нэг сайн таних хүн гэхэд л цагтаа төрийн сайд байсан хүн ажилгүй болсоныхоо дараахан орон гэргүй болж өлсөж, хөлдөж золгүйгээр нас барсан. Бидний цөөхөн Монголчууд дээд доодгүй бүгдээрээ ядуу ба ажлаа алдлаа бол маргаашнаас нь амь нас болон ахуй амьдрал нь баталгаагүй билээ. Иймд шударгаар байгаа юмаа хүн болгонд хүртээх арга замыг олж хүн бүрийг ажилтай болгоё, ажилтай хүн бүрийг артай болгоё. Надад итгээрэй би үүнийг хийж чадна. Таньд хураасан хөрөнгө байгаа бол та түүнийгээ үхмэл байдлаар банкинд хадгалахын оронд та инженерийн үйлдвэрлэл хийхийг сонирхоорой би таньд үнэгүй зөвлөгөө өгөх болно. Та хаанаас яаж хөрөнгөтэй болсон нь надад хамаагүй ээ, харин та миний тусламжтайгаар олон арван Монгол инженерийг ажлаар хангасан ачтан буянтан болно. Хэдийгээр одоо ард олон таныг улсын өмчийг завшигч гэж гомдовч хэдхэн жилийн дараа таныг ард олноо ажлаар хангаж, ахуй амьдралыг нь тэжээсэн ачтан хэмээн үнэлэх болно.

Би хувьдаа зарим хүмүүсийн санааг дэмждэггүй. Жишээ нь улсын өмч завшигчдаас хөрөнгийг нь хурааж улсын өмч болго гэдэг. Энэ бол худлаа сонгуульд ялах арга заль ба энэ хэзээ ч биелэх боломжгүй асуудал. Биелсэн ч ард түмэн юу ч хожихгүй харин дахиад нэг шинэ завшигчтай болно. Энэ нь парламент засаглалын үндсэн шинж чанар юм. Бид нэгэнт парламент засаглалыг сонгосон болохоор хувь заяатайгаа эвлэрч манай улсын хөрөнгийг хувааж авдаг төрийн эрх мэдэлтэн нарыг наймаа буюу импорт хийхийг нь болиулж инженерийн үйлдвэрлэл эрхлэдэг болгож чадвал Монгол хүн бүр ажилтай болж эдийн засаг маань сэргэх болно. Иймд би манай хөрөнгөтэй хүн бүрт ямар нэг байдлаар тэднийг инженерийн үйлдвэрлэл эрхэлдэг болгохын тулд өөрийн бүх хүчийг дайчилж ажиллана. Нэг хэсэг нь миний хэрэглэгч болж байхад нөгөө хэсэг нь миний нийлүүлэгч байх болно. Эцэст нь миний ч таны ч ажил үйлс бүтэж, манай Монгол инженерүүд ажилтай болно.

Яг одооноос Монгол инженер бүр дор бүрнээ өөр өөрсдийнхөө мэргэжлээр төсөл гаргагтун. Би цахилгаан автоматик болон хүчний электроник, 100А – ийн тогтмол болон хувьсах гүйдлийн контрол, радио холбоо, embedded web server, монгол хэлтэй контроллёр гэх мэтийн зүйлсийг таньд хангалттай хийж өгч чадна. Хамтарсан төслөө хийсний дараа олон нийтэд төслөө тараахад манай хөрөнгөтнүүд маань санхүүжүүлэх санал ирүүлнэ - тэр үед та хамгийн ашигтай хөрөнгө оруулагчийгаа сонгоорой эсвэл хамгийн хямд хүүтэй банкны зээлийг сонгоорой. Яг энэ үед Монгол банк хоригоо тавих нь гарцаагүй ээ. Ийм боломжийг Монгол банкиндаа гаргаж өгөхийн тулд Монгол инженер бүр шинэ бүтээл санаачилж үндэсний инженерийн үйлдвэрлэлийг хөгжүүлцгээе. Харин Монгол банк conditional offer хийх боломжтой юу? Жишээ нь дотоодын инженерүүдийн хийж байгаа зүйлсийг гаднаас импортлогч байгууллагад зээл өгсөн арилжааны банканд Монгол банкнаас зээл өгөхгүй байх буюу зөвхөн дотоодын инженержүүлэлтийг дэмждэг банканд Монгол банкнаас зээл өгөх гэх мэт аргаар дотоодын үйлдвэрлэлээ Монгол банк хамгаалж болох биш үү?

Бид цаашдаа бүхий л боломжийг хайж үндэсний үйлдвэрлэлээ хөгжүүлэх болно. Одооноос эхлээд дээд доод гэж хоёр тал болон дайсагнах хэрэггүй боллоо. Одоогийн байдлаар манайд ангийн ялгаа байгаа боловч энэ бол асуудал биш харин ч асуудлыг аль аль талдаа ашигтайгаар шийдэх болно. Ямарваа улс үндэстэний хамгийн үнэт зүйл бол үндэстэний тусгаар тогтнол. Үүнтэй харьцуулахад дотоодын маргаан юу ч биш. Би Монгол хүн бүрийг дэмжих болно. Та авилгалын алтан хараацай байсан ч би таныг дэмжинэ. Яагаад гэвэл та шоронд насаараа сууж байснаас олон арван Монгол инженерийг ажлаар хангаж дэлхийн зах зээлд электрон бараа нийлүүлэгч болвол улс оронд маань хэрэгтэй. Ингэж байж бид нийтийн хүчээр мөлхөж яваа улсаа ядаж гар дээр нь босгоё дараа нь хөл дээр нь гишгүүлье. 1992 оны Үндсэн хууль нь коммунист арга барилаар капитализм байгуулах гэсэн оролдлого тул улс орныг маань мөхлийн ирмэгт хүргэсэн. Нийгмийн хөгжлийн хуулиар бол манай авилгалын эзэд бол манай үндсэн хуулийн бүтээгдэхүүн юм. Иймд авилгалын эздийг уучилж улмаар тэднийг зөв замд хөлөө тавьж ард олноо ажлын байраар хангахад нь туслая.

Харин цаашдаа авилгалгүй, үндэсний инженержүүлэлтээ хамгаалж чаддаг тийм ардчилсан нийгэм байгуулъяа гэвэл нэн даруй шинэ Үндсэн хуультай болох явдал юм. Ийм шинэ систем зохиохыг Монгол инженер бүрт даалгаж байна. 1992 оных шиг та улс төрийн шинэ системээ ард түмэн дээрээ турших шаардлагагүй харин та миний хийсэн математик загварчлал дээр туршаарай. Би VC++ дээр үүнийг жилийн өмнө програмчласан ба GUI – тэй тул ашиглахад их хялбар. Бидэнд хэн нэгэн шударга удирдагч хэрэггүй харин шударга удирдагчийг үйлдвэрлэж чаддаг шинэ үндсэн хууль хэрэгтэй. Нийгмийн хөгжлийн хуулиар бол Үндсэн хууль буюу улс төрийн систем нь төрийн субьектүүдийг үйлдвэрлэгч машин юм. Жишээ нь Английн машин авилгалыг устгах чадвартай бол манай систем тийм чадваргүй харин найр наадам хийж хуваалцахаас өөр гарцгүй болгодог. Энэ бол цэвэр системийн шинж чанар бөгөөд тухайн хувь хүний онцлог биш гэж нийгмийн хөгжлийн хуулинд заасан байдаг. Өөрөөр хэлбэл өнөөгийн манай нийгмийн бүх бузар булай явдал нь манай Үндсэн хуулийн ач гавъяа юм. Иймд хувь хүнтэй тооцоо бодох биш үндсэн хуультайгаа тооцоо бодоцгооё Элэг нэгт Монголчуудаа!

Тэгж байж бид үндэсний инженержүүлэлтээ төрийн хамгаалалт оруулах болно.

Эх сурвалж: Сонин.МН

Эрчүүдээ өмөөрч бичсэн шүлэг

2009-03-29T02:23:00.000-07:00

Ажилаа ч, амьдралаа ч зохицуулчихдаг
Ачлалтай ч, ажилтай ч хааяа нэг хэсэг оройтоод
Хорвоо дэлхийгээс сансар огторгуй хүртэл ярин халуураад
Хар, шар, цагаан ус юунаас хэсэгхэн балган мансуураад
Гэмгүй мөртлөө гэмтэн болон зэмлүүлэгч эрчүүдэд болон өөртөө зориулаад оруулчихая... кэкэ

М.Билэгсайхан : Эрчүүдээ өмөөрч бичсэн шүлэг

Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эр хүнийг та нар хааяа ч болов өршөөж бай
Эрлэгт явчихаас нь өмнө ханийн жаргал эдлүүл ээ.
Хэл нь тагнайгаа олохгүй тульдчиж
Хөл нь дэлхийгээ онохгүй тэмтчиж
Хааяа нэг халамцуухан ирэхэд нь
Хараалын үг урсгаж халаасыг нь битгтй хоосол оо
Янагын захиа л лав гарахгүй шүү дээ наадахаас чинь
Яахав дээ хөөрий шараа тайлах юмыг нь үлдээ
Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ.
Халуун залуу насыг нь хамт элээснээ бод оо
Хайрын галзуу дурлалд хамт элэгдсэнээ бод оо
Өөрийг чинь ээж болгосон эрийн тэнгэр юм шүү дээ
Үрийн чинь эцэг болсон хүний дээд юм шүү дээ

Хичнээн жил амьд явахыг мэдэж болдоггүй орчлонд
Хэзээ хаана жаргана гэж хэрүүлийн алим хуваах юм бэ
Хазайсан газар нь тэдэнд чинь бүүвэй ээж түшиг болдог юм
Халтирсан газар нь тэдэнд чинь бүсгүй хайр нөмөр болдог юм
Уул шиг юм гэж дандаа битгий давар
Үүл шиг нүүгээд явчихдаг юм
Ус шиг уян гэж дандаа битгий самар
Уур болоод дэгдчихдэг юм
Төгөлдөр их урмыг нь бүр хугалчихвал
Төрсөн шигээ уруугуу хараад уначихдаг юм
Эр хүнийг та нар хааяа ч болов өршөө
Эрлэгт явчихаас нь өмнө ханийн жаргал эдлүүл ээ.
Дээл бүсэн гоёлтой
Дээрээ малгайн хиймортой
Андынхаа дэргэд цовоожиж
Аавынхаа харцанд томоождог
Янагын сэтгэлд нялхарсан эрчүүдийг
Янжинлхамууд минь өршөө
Олон олон авааль гэргий та нараасаа
Олон олон аавын хөвгүүдийг
Өмөөрч бичсэн шүлгийг минь болгоо
Өөрийн минь биеийг битгий болгоо
Эр нөхөр чинь үгүй бол гэрийн чинь зай эзгүйрнэ
Эрдэмт хөвгүүд чинь үгүй бол төрийн чинь зай эзгүйрнэ
Эр цэрэг чинь үгүй бол эх орон чинь эзгүйрнэ
Эр хүнийг та нар хааяа ч болов өршөөж бай
Эрлэгт явчихаас нь өмнө ханийн жаргал эдлүүл ээ.

Эх сурвалж:
http://www.biirbeh.com/modules.php?name=News&file=article&sid=850

Р.Чойном: Залуу нас

2009-03-29T02:09:00.000-07:00

Бас л дэндүү гэхэд дэндүү үнэн үгтэй, "танхай" шүлэг. Залуу насыг хайрлаж, үр бүтээлтэй, зорилго тэмүүлэлтэйгээр өнгөрүүлээрэй гэсэн санаагаар уг бүтээлийг дурсан санаж энд оруулав.

Р.Чойном - Залуу нас

Хөрстийн амьдралд хөл алдсан
Хөлчүүхэн зүрхний минь тольтон дээгүүр
Шувууны сvvдэр шиг дайраад өнгөрсөн
Шунхан улаан залуу нас мину!

Амттан бүхний амтыг мэдэлгүй
Асгаж явсан залуу нас минь,
Өнгөтөн бүхний өнгийг бодолгүй
Үрж явсан залуу нас минь.

Зуны шөнийн нойрыг тоолгүй
Зуун гурван учралыг мөрөөсөж
Зураг шиг охидыг, тэрэг шиг дайрч
Зуурдхан мандсан залуу нас минь.

Өвлийн есийн жаврыг тоолгүй
Өөр хүний авгайд сэтгэп хаяж
Өрхний үзүүр шиг дэрвэж явсан
Өлчирхөн тэнэг залуу нас минь.

Даанч чи минь удсангүй...
Даавуу хүрэм, савхин бээлий хоёр шигээ,
Дассан салсан годон гэзэгтүүд шигээ
Дардан зам дээр үлджээ — залуу нас минь!

Улаанбаатарын чулуун засмалаар
Урагшаа, хойшоо, баруун тийшээ, зүүн тийшээ
Дотоод үйлдвэрийн хүнд шаахайг
Долоохон хоногт точийлдож явахдаа

Хүний сайн мууг зүүдлээ ч үгүй
Хүүхэд шиг өссөн залуу нас минь.
Хүүхний сайхныг таниа нь үгүй
Хүүрзгэнэ шиг ниссэн залуу нас минь.

Ангарайтсан нөхөдтэй, үдшийн цагаар
Адуу шиг пижгэнэсэн залуу нас минь
Айлын чийдэн хага чулуудаад
Авирлаж явсан залуу нас минь.

Аавын хүүгийн, шүр шиг хацрыг
Алгадаж явсан залуу нас минь,
Адилхан нөхдийнхөө хамрын цусыг
Асгаруулж явсан залуу нас минь.

Үзсэнээ мартаж, дуулснаа тогтоохгүй
Үүрдийн юм шиг дургиж явахдаа
Үймээнт хорвоогоос, дахиад олдошгүй
Үнэнч ханийнхаа дэргэдүүр өнгөрч

Хоног төдий зуурдхан ханилах
Хотын хүүхний өнгөнд хууртаж,
Ариухан цусаа түүний төлөө
Асгаж явсан залуу нас минь.

Оюутан ахуйн дэврүүн шүлгийн
Онгод цадигаар бялхаж явахдаа
Орчлон хорвоогийн нарийн учрыг
Олчихлоо хэмээн төөрч явсан

Ариунаас ариухан залуу нас минь
Арваадхан жилийн ханилгаатай байжээ.
Халуунаас халуун залуухан цаг минь
Хаврын үер шиг хугацаатай юм санжээ.

Аяа хөөрхий, хүний залуу нас гэж
Авч ч болдоггүй, өгч ч болдоггүй
Хэлгүй байгалийн дуугүй зарлигаар
Хэсэгхэн олддог шагнал юм уу даа.

Бусдын лангуунд энэхуу шагналаа
Бутархай мөнгө шиг тарааж хаясаар
Хүйтэн хорвоод нэг мэдэхнээ
Хүмүүний үр нүцгэрдэг байна.

Сайн ханиас хагацсан хойноо
Санан санан гунихардаг шиг
Болоод өнгөрсөн хойно, залуу насаа
Бодон бодон харуусдаг байна.

Баяртай, залуу зандан нас минь,
Барилдсан гэж бодвол, би ойчжээ.
Уралдсан гэж үзвэл, би хоцорчээ
Арилжаа наймаа хийсэн юм санж гэвэл харин
Атархан биеийнхээ эрүүл мэндийг егч
Алдар, шүлэг хоёрыг чинь авчээ!

Хөрстийн амьдралд хөл алдсан
Хөлчүүхэн зүрхний минь тольтон дээгүүр
Шувууны сүүдэр шиг дайраад өнгөрсөн
Шунхан улаан залуу нас мину! Баяртай!

Охин үрээ хайрла!

2009-03-29T01:10:00.000-07:00

Энэ шүлгийг та бүхэн сонсож байсан нь эргэлзээгүй бизээ. Хааяа нэг сонсоход мөр бүр нь энэ хорвоод бүсгүй заяаг олж төрсөн хүний зовлонг ухааруулж, сэнхрүүлж өгдөг юм. Таалан болгооно уу!

Яруу найрагч, сэтгүүлч Б.Энхтуяа

Охин үрээ хайрла!

Охин үрээ хайрла!
Омогдож загнахдаа ч хайрла!
Охин үрээ хайрла!
Ойворгон зэмлэхдээ ч хайрла!

Нар ханын толгойд буухад хааяа нэг сэрэг, бүү зэмлэ
Насаараа тэр чинь өглөө босох хүн, төрсөн гэртээ л нойр аваг
Нар шингэж үдшийн хар чийг унатал найз нартайгаа дуулалдаг
Насаараа тэр чинь айлын голомт манаж морин төвөргөөн хүлээнэ

Энхрий гарын нь хурууг чилтэл гэр зуураа зарахдаа
Ээжийн цай уулгаж, аавын үгээр энхрийл
Эцгийн гэрээс гармагц эрийн гарт нухлагдана
Харийн газар одож хадмын нүүрийг царайчилна
Насаараа уухгүй амтат цайг нялх багад нь гэрт нь уулга
Насаараа амсахгүй жаргалыг нялх багад нь тоонотод нь эдлүүл
Насаараа сонсохгүй энхрий үгийг нялх багад нь гамнахгүй хэл
Насаараа нууж урсгах гашуун нулимсыг нь бодож цөөн уйлуул, охин үрээ!
Хүний гэргий болох гэж гангар шаазан шиг хагарна

Хүүхэн хонгор үрээ гарын алгандаа энхрийл
Хүй орчлонгийн жамтай тэнцүүлж түүнээ хайрла
Хөөрхөн хонгор аалинд нь эрхлүүлж түүнээ хайрла
Үрийн эх болох гэж алтан заадал сална
Үүлэн хонгор үрээ тэнгэрийн мандалдаа эрхлүүл
Үйл нь дуусдаггүй хорвоод балчирт нь амжиж жаргаа
Үс гэзгээ цайтал өнөд шаналахыг нь болгоо
Зөөлөн булбарай хурууг нь зүү утастай шадарлуул
Зүйдэл оёдлын хорвоод охин үр чинь төрснийг сана
Зөөлөн хонгор аашийг нь зүйр үгтэй шадарлуул
Зөвлөх хэлцэхийн хорвоод охин үр чинь төрснийг сана

Арван жил зэмлээд ч ухааруулж амжаагүй үгийг чинь
Анхны үр нь төрөөд үдшийн шөнөдөө ухааруулна
Хорин жил дуудаад сэрээж чадаагүй нойрыг нь
Хонгор үр нь төрөөд үүрийн жавраар ч хулжаана

Охин үрээ энхрийл, орчлонгийн зовлонд цадахын цагтаа
Огшуун нулимсандаа живэхийн цагтаа хожмоо нэг дурсана
Аавын гэрт жаргасан даа гэж хэзээд нэг тайтгарна
Ээжийн өвөрт эрхэлсэн дээ гэж эрхгүй нэг уужирна

Охин үрээ хайрла
Хясаа сувдаа нуудаг шиг хайрла
Охин үрээ хайрла
Үүл усаа хураадаг шиг хайрла
Охин үрээ хайрла
Уул эрдэнээ нуудаг шиг хайрла
Охин үрээ хайрла
Ус загасаа цэнгүүлдэг шиг хайрла

Хатуугаас хатуу үгийг ханатлаа үр чинь сонсоно
Хавраас намар хүртэл төрхөмдөө очиж хэлэх үү?
Хайртай охиноо зэмлэхдээ харцаараа ч болов энхрийл
Хаврын шувууд шиг намрын жимс шиг үгийг охиндоо хэл

Бусдыг хайрлах л гэж төрсөн юм охин үрээ энхрийл
Буцаж урсдаг ус байхгүй, эргэж та нарыг хайрлахгүй
Эргүүлэгт орчлон харин охин үрийг чинь хайрлахгүй
Энгэсэгт хацраар гэрэлтэвч зовлон нь та нарт харагдахгүй
Үндэс нь газарт цэцэг нь тэнгэрт
Үүн лүгээ адил санаж охин үрээ хайрла
Тэнгэрт чинь нар ч бий хур ч бий аянга ч бий
Тэнгэрлиг охин үрийг чинь жаргал ч тосно зовлон ч тосно
Хөөрхий түүнийг нялхад нь жаргаа
Хүүрнэн сургаад яах вэ дээ орчлон түүний багш юм
Хүний л гарт очих бүсгүй түүнийг энхрийл
Хүний л эрхэнд жаргах охин үрээ хайрла

Дуучин Болд БНХАУ-ын хүндэт иргэн болж

2009-03-26T09:07:00.000-07:00

Нэтээс шал өөр зүйл хайж яваад дараах нийтлэлийн кэйшийг гүүглээс олж уншаад үхтэлээ инээлээ... Энд хуулаад тавьчихая.

Title:Дуучин Болд БНХАУ-ын хүндэт иргэн болж

author:alamusi

date:2008-09-22 00:20

内容:Дуучин Болд БНХАУ-ын хүндэт иргэн болж хүрэл хөшөөгөө Бээжинд босгуулахаар клип бүтээжээ [img]http://www.duunet.com/news/temp/CamertonBold.jpg[/img]“В” продакшиний ерөнхий продюссер дуучин Л.Болд “Камертоны” гэдэг хаяган доороос гараад удаж байгааг бүгд мэднэ. Мэдрэмжтэй, чадалтай, авъяастай залуу уран бүтээлч маань өөрөө чансаатай бүтээл олныг туурвихын зэрэгцээ араасаа олон залуу дуучныг хөтлөн гаргаж байгаа билээ. Түүнчлэн энэ ялдамд олон царайлаг охидыг клипэндээ тоглуулан амьдралынх нь замыг засаж өгч байгааг бид мэднэ. Нас залуу, царайлаг охид голдуу тоглосон клипүүдийг харсан хэн ч шууд л Болдынх гэж таньдаг болоод байгаа юм. Тэгвэл царайлаг охидоор “зодож” хийдэг түүний өвөрмөц шийдэлтэй клипүүд дээр “Нулимснаас харамласан хайр” дууны клип нь нэмэгджээ. Монголдоо төдийгүй хөрш гүрэнд маань хүртэл хаданд гарч тэрбум, тэрбум хүний нүдний нулимсыг мэлмэрүүлэн Ху Жинтао даргаас БНХАУ-ын төрийн дээд одон медаль гардан авч болзошгүй өргөн дэлгэр утга агуулгатай энэ клипэнд нэлээдгүй мөнгө зарсан нь ойлгомжтой байгаа бэгөөд уг клипний утгыг 1960-иад оны үед БНМАУ-ын өмнөд хил дээр болсон нэгэн үйл явдлаас сэдэвлэсэн юмсанж. Агуулга нь эх орныхоо дархан хилийн манаанд зогсч байсан нэгэн монгол цэрэг санамсаргүй тохиолдолорр хилийн торонд орооцолдсон цаасан шувуугаа авахаар гүйж ирсэн хятад охинд сэтгэлтэй болж орхино. Мөнөөх хятад охин нь ядуухан данжаадын хүүхэд бололтой гэртээ жигнэсэн мантуугаа цаасанд боон нууж авчирч өгөхөд хилийн манааны бүх монгол цэргүүд ам хамраа олохгүй булаалдан идэж буй үзэгдэнэ. Хариуд нь нөгөө монгол цэрэг ганц ширхэг хуруудны хэлтэрхий ч болтугай өгөхгүй байгаа нь нэг жаахан тиймхэн. Ийнхүү дуучин Болдын уянгалаг хоолойны аясаар хятад монгол хоёр залуугийн хайр дурлал үргэлжилсээр хамгийн сүүлд нэгэнт таслагдсан төмөр торны эрхээр яг л хойд урд Солонгосын киног санагдуулам үйл явдал өрнөнө. Яах аргагүй хоёр өөр орны иргэд учир Монголын харуулын цэргүүд хятад охиныг баривчлах гэтэл зугтан гүйж яваад гранатанд өртөн агаарт цацагдан дэлбэрчихэж байгаа юм. Үнэхээр гашуун гунигтай түүх.

Гэхдээ харамсалтай нь 1960 оны үед Монголын хил орчимоор нэг ч хятад айл хараахан нэвтэрч амжаагүй байсан тул ядаж өвөр монгол охинд сэтгэлтэй болсоноор үзүүлсэн бол зүгээр байлаа. Гэхдээ яахав ямар түүхэн кино биш тэр хамаагүй. Харин Хятад, Монгол хоёр үндэстэн ингэж хилийн төмөр тороор зааглагдах утгагүй юм гэсэн далд санааг санамсаргүй ил гаргаж ирсэнээрээ Бээжин дэх Ар Монголыг хариуцсан хороонд бол үнэлж баршгүй гэнэтийн олз болжээ. Удахгүй Өвөрмонголын телевизээр Болдын клип байнга цацагдан улмаар Хятадын сувгуудаар ч цацагдан орчуулагдаж, хит болох нь эргэлзээгүй. Хит болоод зогсохгүй цаашилбал Хятад Монгол хоёр орны ураг холбох харьцаанд үнэлж баршгүй гавъяа байгуулсан хэмээн магтагдан сайшаагдаж Ху Жинтао даргаас БНХАУ-ын хүндэт иргэний алтан үнэмлэх гардаж Бээжин юм уу Хөх хотод хүрэл хөшөөг нь босгочихсон байх вий. Болдод заавал хилийн хайчаар таслагдсан хоёр залуугийн хайр сэтгэлийн тухай клип хийх санаа төрсөн бол ОХУ-ын буриад ч юм уу эсвэл Тува ядахдаа л Шинжааны казак гээд олон талаас нь бодож үзсэн бол дээр байх байлаа. Энэ рлон хувилбар байхад заавал хятад охиныг гол дүрээр сонгож авсанаараа Жамъяан хуурчийн зээ гэдэг нэр төрд нь сэв суулгаж басхүү урд хөршид алдарших шалтгаан болох шиг боллоо. Гэхдээ зүгээр нэг малчин залуу биш буу барьсан хилийн цэрэг хятад охинд сэтгэл алдран уйлж унжиж байгааг харуулсан энэ клип эдүгээ манай улсыг газрын зургандаа оруулчихаад ичих ч үгүй ярзайтал инээж суугаа урд хөршийнхөнд хачин их таалагдана гэдэгт эргэлзэх хэрэггүй.

Нээлттэй эхийн ертөнц рүү нүүцгээе!

2009-02-03T22:02:00.000-08:00

Миний бие бээр 81 онц төмөр тахиа жил төрөөд 89 оны үед анхлан цахим тооцоолуур буюу ТЭМ гэдэгтэй Монел 80286 компьютертэй танилцаж эхлэснээс хойш өдгөө MS-DOS, Novell Netware, Windows 9x, Me, NT, 2k, XP, Vista, Linux, FreeBSD гээд олон үйлдлийн системүүдийг урт, удаан янз бүрийн хугацаанд хэрэглэж үзжээ.

2005 онд хулгайн Windows XP ашиглахаа болиод SuSE Linux руу нэг хэсэг шилжиж үзсэн юм. Гэвч тухайн үед веб хөгжүүлэх тухтай IDE болон win32 app хөгжүүлэхэд ашигладаг VC#.net зэргийг байнга ашиглах хэрэгцээ, wine програм тийм ч сайн зүгширээгүй байсан зэрэг шалтгаануудаас Цонх системдээ үлдсэн л дээ.

Харин саяхан Ubuntu Intrepid Ibex буюу 8.10 Desktop Linux хувилбарыг суулгаад өөрийн хэрэглэдэг програм хэрэгслүүдээ нүүлгэж туршин, мөн заримийг нь нээлттэй эхийн програмуудаар сольж хэрэглэж үзээд уг үнэ төлбөргүй, нээлттэй эхийн систем рүү эргэлт буцалттгүйгээр нүүчихлээ. ;)

Учир нь юу гэвэл олон шалтгаанууд байна:
1. Эрх чөлөөг мэдрэх үүднээс
Сүүлийн үед урбан хөгжим сонсож эрх чөлөөг мэдрэгтүн гээд нэг транс электро хөгжмийг сурталчилсан шум яваад байгаатай адилаар Нээлттэй эх, чөлөөт программ хангамжуудийг ашиглаж, хэрэглэж мөн нээлттэй эх бүхий бүтээл систем боловсруулж ашиглах зорилгийн улмаас энэ Линукс системд гэрээ засаж байгаа юм л даа. Өмнө нь бид сервертээ *nix систем ашиглаж байсан ч яг өөрсдийн development desktop workstation/laptop-доо ашигладаггүй байлаа. Одоо бол өөр... Шинэ үеийн монгол залуус эрх чөлөөт Линукс системийг сонгож байна.

2. Програм хангамжийг хулгайгаар ашиглаж ханалаа.
Бусад монголчуудынхаа л адилаар Цонхнууд системийг 95 байхаас эхлээд бүгдийг л крэйкдэж, хулхидаж суулган ашиглаж өнөөг хүргэлээ. Гэвч энэ нь нэг талаас цэвэр оюуны хулгай, дээр нь энэ хэвээр бид үргэлжлээд яваад байвал Монголын Мэдээллийн Технологийн хөгжил юу болж дуусах талаар Бадралын энд бичсэнтэй адил санаа бодол нэгтэй байгаа учраас ямар ч үнэ төлбөргүй, нээлттэй эхийн програмууд ашиглаад байж болно гэдгийг харуулах үүднээс...

3. Вирус гэж бөөн там
Миний хувьд ч эрх биш программист мэргэжилтэйнх вирустээд алингаа алдаад байдаггүй ч сүүлийн үед хаана ч, ямар ч газар очсон бөөн вирустэж, гацаж, тагларч бөглөрсөн Windows-үүд, тэрэндээ түүртсэн ажилтанууд, хүмүүс л байх болж. Линукс маань энэ зовлонгоос асар хол, ажиллагаа нь ч хурдан, цэвэрхэн ...

Гэхдээ бас цонх системээс тийм амар салчихгүй бололтой. Photoshop, MS Visual Studio .NET гээд хааяа хэрэглэдэг зүйлсийг маань яг орлочих нээлттэй эхийн бүтээгдэхүүн байхгүй учир (уул нь GIMP, Mono .NET гээд байгаа ч хөгжил нь арай л болоогүй бололтой) суулгаж ашиглахаас өөр аргагүй. Үүнийг яаж шийдэж байна гэвэл WINE хэрэгслийг ашиглаад Photoshop CS4 суулгачихна, харин win32 form app боловсруулахын тухайд VirtualBox, VMWare ашиглан хийсвэр Windows компьютерийг Linux систем дотроо үүсгээд ажиллачихаж байгаа. Laptop маань Core Duo 3.5Ghz, 3Gb RAM учир түүртэхгүй ба харин ч элдэв олон зүйл суулгаагүй, хааяа л асаадагаас вирустэж эдэр болоогүй учраас хурдан ч юм.

Эцэст нь хэлэхэд хэрвээ та дээрх шалтгаануудын улмаас Цонх системээс залхаад байгаа бол бидэн рүү нүүн ирж жинхэнэ эрх чөлөөг мэдрэгтүн.
Тун удалгүй Монголд маань Нээлттэй Эхийн үзэл баримтлал улам бүр хүчийг авч, Монголын Мэдээллийн Технологийн хөгжилд шинэ ардчилсан хувьсгалыг авчирна гэдэгт гүнээ итгэж, мөн түүний төлөө зүтгэх болноо.

Сайн үйлс бүхэн дэлгэрэх болтугай! Аръяаваал

Блогтоо эргэн ирэв

2009-02-02T10:52:00.000-08:00

Сүүлийн жил гаран хугацаандаа муу блог шүү юмаа сөхөж харалгүй удажээ. Зиак тэгээд энэ хугацаанд хийв гэвэл хамгийн том баяр баясгалан нь Хулан гээд 6 сартай "муухай" гүнжтэй болсон явдал байлаа.

Энэ нэрийг өгсөн түүх их хөгжилтэй. Эхнэр бид хоёр суугаад хүүхэд гарвал ямар нэр өгөх талаар яринаа, янз янзийн л нэр ... Тэгээд ч бас манай ХуланСистемс -г үүсгэхэд уг нэрийг өгсөн түүх бас сонин. Баттулга, ТулгаЭрдэнэ, миний бие гээд анхны үүсгэн байгуулагчид анх цуглаад ямар нэг өгөх талаар ярилцаж байгаад ер нь монгол нэр өгөх нь зүйтэй гээд бодож гарлаа. Бодоод бодоод, олсон нэрүүд нь хэн хэндээ ерөөсөө дэмжигддэггүй. Тэгтэл Эк ерөөсөө Хулан гэвэл яасан юм гэлээ. ХуланСовтвэр, ХуланСолушн, ХуланСистемс гэсэн хувилбарууд л даа..
Тэгтэл Баттулга дэмжлээ. Учир нь тэр хоёр хоёулаа хулан гээд нэртэ холбоотой байж. Нэгнийх нь охин нь, нөгөөгийнх нь сүйт бүсгүй нь тийм нэртэй. За тэгээд би ч бодож бодож за яахав боломжийн гээд зөвшөөрөөд энэ нэрээр нэрлэгдсэн түүхтэй.
Тэгээд би хошигнодог байлаа. Би одоо охин гарвал Хулан гэж нэр өгөх үү гээд л...

За тэгээд сая намар охин маань ч төрлөө.
Эхнэртээ Хулан гэж нэр өгье гэтэл огт зөвшөөрдөггүй. Гуйгаад гуйгаад нэмэргүй. Сүүлд нь заза хүүхдийн заяа өөрөө мэдэг. Шар будаанд нэрүүдээ хийгээд шигшээд өгье гэсэн зөвшөөрлөө шүү. Ингээд ээж, аав нь хэд хэдэн нэр хийгээд охиноо хэд тойруулаад шар будаатай аягаа сэгсрээд гарч ирсэн нэрийг нь ээжээр нь өөрөөр нь нээлгүүлтэл дуу алдаад авчихсан чинь миний бичиж хийсэн Хулан гэдэг нэр гарч ирэх нь тэр...

Миний охин намрын дунд сарын дашням, балжиннямтай өдөр төрсөн гэхээрээ ийм л байгаам даа... Охин хүүхэд аавдаа амь байдаг ч гэдэг...

Одоо аавыгаа харахаараа авахуулах гэж худлаа уйлагнадгыг эс тооцвол үнэхээр аавын хайртай гүнж дээ. ;)

Бизнес зөвлөгөө

2009-01-27T22:16:00.000-08:00

Бидний сайн мэддэг хэрнээ өдөр тутам гаргадаг алдаанууд.
Бизнес гэж хожил авчрах боломжтой тоглоом юм.Ийтээс бизнес тоглоомд ялагч болохыг хүсвэл дүрмийг нь сайн мөрд..
Та шатар тоглож сур. / Стратегийн сэтгэхүйд тус болно./
Ажлын байрныхаа дүрмийн жагсаалтийг гаргаж ав.
Өөрөө байнга мөрддөг, маш явцуу хүрээнд ойлгодог 2 дүрмийг бичиж аваарай.
Ямар нэг зүйлийг хийж болох эсэх талаар эргэлзэж байгаа бол ямарч байсан үүнийг хийгээд үз.
Хэрэв таныг шүүмжилбэл, үүнийг битгий өөр дээрээ хүлээж ав. Зүгээр л асуудлын зах хязгаарыг олж хар.
Өөртөө хэдэн мөч ч бүтэн цагийг хий дэмий өнгөрөөхийг битгий зөвшөөр. Хэрэв та ажлын цагийнхаа 5 хувийг бусадтай харьцаа үүсгэх бэхжүүлэхэд зарцуулахгүй байгаа бол ямар нэг зүйлийг буруу хийж байна гэсэн үг.
Өглөө бүр энэ өдөр юу хийх ёстойгоо тэмдэглэж сур.
Өөртөө хамааралгүй жижиг ажлыг шүүрч авахаа боль.
Хүмүүс өөрийнхөө хийх ажлыг танд шилжүүлэхийг оролдож байгаа бол татгалзаж сур.
Хэрвээ та менежер юм уу ахлах менежер бол удирдлагандаа байгаа хүмүүсийн өмнөөс ажлыг нь бүү хий.
Өдрийн төлөвлөгөөгөө гаргахдаа хамтран зүтгэгч нартайгаа ажлын бус сэдвээр ярилцах хэдэн хором үлдээж бай.
Өдрийн цайны цагийг өөртөө ашигтайгаар ашиглаж бай.
Чухал асуудлыг шийдвэрлэхдээ ганцхан ажилтныхаа саналд бүү найд. Найдвартай хэд хэдэн хүнээс зөвлөгөө авч бай.
Хэрэв танд төсөв баталж өгсөн бол юу ч бодолгүйгээр түүнийг бүрэн зарцуулж бай.
Танаас шаардаагүй л бол хэзээ ч мөнгөө зарцуулах зөвшөөрлийг битгий асууж бай.
Офиссийн бодлогод дурын хэлэлцээр шиг хандаж бай. Бусдад юу хэрэгтэй, та юу өгч чадах өөрөө ямар нэг нөхцөл байдалдяаж амжилтанд хүрэх талаар олж мэдэхэд цаг гаргаж бай.
Чи надад , би чамд гэдэг бодлогын мөн чанарыг санаж яваарай. Зүгээр л өгөхийг бүү яар оронд нь өөрөө юу хүсч байгаагаа бод.
Ажлын байр их хурлын индэр биш. Зөв юм хийх, сайн юм хийх ойлголтийг битгий хольж солиорой.
Ядаргаатай тэнэг хүмүүсийг өөртөө саад болохгүй байхыг соёлтой хатуухан гуй.
Хэрэв танд бусдыг бурууг тохож байгаа бол буруутанг нь шууд л зааж өг.
Ажил хэргийн уулзалтын үеэр саналаа хэлэхээс бүү айж бай.
Таны өмнө ажиллаж байсан хүмүүсийн тогтоосон ёс жаягийг бүү тоомсорло.
Өөрийнхөө саналыг хэлж байхдаа түрэмгий санагдахгүйн тулд бусдын саналыг асууж бай.
Өөрийгөө хэрэгтэй хүнтэй танилцуулаад өгөөч гэж гуйхаас бүү нэрэлх.
Танил хүмүүст зөвлөгөө авах зуучлуулах талаах хандаж бай.
Өөртөө итгэсэн хүн бүрийн хэрэгцээг сайн судлаарай.
Эсэргүүцэлтэй тулгарвал даралт үзүүлэхээс зайлсхий .
Бусдаас хамааралгүй ажиллахдаа та юу алдаж болох талаар өөрөөсөө асуу.
Та бүх хүмүүст дандаа таалагдах албагүй.
Заримдаа хүмүүс өөрсдийнхөө хүссэн зүйлийг хийлгэхийн тулд ууртай урам нь хугарсан дүр эсгэдэг.Энэ занганд битгий ороорой.
Таны бусдад таалагдахыг хүсэхгүй, бусдад хайхрамжгүй хандаж байгаа нь бусадтай холбоо тогтооход саад болдог.
Ажил дээрээ хэн нэгэнтэй бүү сээтэгнэ.
Санхүүгийн хувьд бусдаас хараат байхын тулд хадгаламтай бай.
Өөрөө өмнөөс нь хийх бус ажтлтнуудаа ажлаа чанартай хийж сурга.
Хүнд хэцүү том ажлын хийхээсээ өмнө түүнийгээбүтээлч сэтгэлгээтэй хамтран зүтгэгч нартайгаа заавал хэлэлцэж байгаарай.
Даалгавар авах болгондоо түүнийгээ яаж хурдхан гүйцэтгэх талаар бодож стрест орохгүйг хичээ.
Ажлын байраа өөрийнхөө зочны өрөө шиг гоёхоос татгалз.
Гэрийн авгайн нэр зүүх гээгүй л бол ажлынхаа ширээн дээр хоол гаргаж тавихаасаа өмнө сайн бодоорой.

Эх сурвалж
http://biznetwork.mn/topic/show/282/

Сар шинийн эргэн тойронд

2009-01-27T22:09:00.000-08:00

Саяхан С1 ТВ-ээр Шарын зурхайнхан, Төгсбуянт зурхайнхан халз мэтгэлцээн хийж нийгэмийг дахиад өөр нэг төрөл зүйлээр нь хоёр хувааж хаях нь тэр... Монголчуудыг ингэж талцуулж байгаа нь цаанаасаа захиалгатай ч юм шиг, манайхан ч өөрсдөө талцаад хэмлэлдээд байх нь инээдтэй ч юм шиг, гунигтай ч юм шиг...

Миний бодлоор энэ маргаад байгаа нь хоёр талтай байгаа. ТВ-ээр маргасанг халти үзсэн, хэрүүл дайралцааны шинжтэй болоод өнгөрсөн, тэндээс авах юм юу ч байгаагүй, сэтгүүлчийн хувьд Отгонбаатар том алдаа хийсэн.
Бусад япон, хятад, солонгос зэрэг орнуудтай адил хийвэл ажил хэргийн явдалд илүү нэмэртэй, 2 орон адилхан амраад цагаан сар, еэвэний баяр гээд нэгнийгээ хүлээхгүй нь нэг давуу тал.
Харин Монголын цаг агаар тэдгээр орноос тэс ондоо арай сүүлд дулаардаг гэдгээрээ Цагаан сарыг өвлийг өнтэй давсаны баяр, Өтгөст хүндлэл үзүүлэх гэдэг утгаараа тусдаа хийдэгээрээ хийгээд яваад байсан ч болно шүү дээ.
Энэ Арго, Дашцэрэн эдэрийн үйлдэлийг би хувьдаа Малчдын Цагалбарын бизнесийг булаацалдаж байгаа атгаг явдал л гэж харж байгаа. Анхнаасаа Монголчууд зөрөөд тэмдэглээд ирсэн, түүгээрээ явсан ч яахав. Хэзээ гэдэг нь гол нь биш яаж баярлаж байгаагаа яриасай. Тэр мөнгө барьж золгодог, бэлгэ сэлт бол их ядаргаатай санагддаг. Ах дүүсээрээ нийлээд нэг томхон газарт нэг удаа ёсолчих нь дээр ч юм шиг.

ГөгөМН-ны сэтгэгдэл дээр нэг хүн ойлгомжтой тайлбар хийсэн байгаа:
Дэлхий нарыг 365.25 хоногт тойрдог. Сар дэлхийг 29.5 хоногт тойрдог. 1 хоног гэдэг нь дэлхий тэнхлэгээрээ нэг бүтэн эргэх хугацаа. Эдгээр хугацаанд бүхэл тоон хамаарал байхгүй шүү дээ. Жишээ нь Грегорын тоолол буюу бидний өргөн хэрэглэж байгаа календарын тоолол дэлхий нарыг тойрч эргэх хугацаатай бүхэл тоон хамааралгүй. Дэлхий нарыг 365.25 хоногт тойрдог учир жишээ нь 2008 оны 1 сарын 1-ны 00 цагт дэлхий нарны зам дээрх яг тэр байрлалдаа дахин 2009 оны 1 сарын 1-ны 18 цагт ирнэ. Дахин 2010 оны 1 сарын 1-ны 12 цагт, 2011 оны 1 сарын 1-ны 6 цагт, 2011 оны 1 сарын 1-ны 0 цагт ирнэ. 4 жилд нэг удаа өндөр жил гэж 2-р сард 1 хоног нэмж тохируулан засвар хийдэг. Үүний адил Сар дэлхийг жилд 365.25 / 29.5 = 12.38 удаа тойрно. Иймд сарны тооллоор жилд 12 сар байдаг боловч ойролцоогоор 3 жилд нэг удаа 1 сар нэмж засвар оруулж өгдөг. Нар, сар, дэлхийн байрлалаас хамааран сар болгонд(29.5 хоног болгон) сар бүтэн ба харагдахгүй байх тохиолдлууд ээлжилж байдаг. Арван тавны сар буюу Сар бүтнээрээ харагдах тохиолдол болон харагдахгүй буюу битүүрэх тохиолдлууд бүрэн утгаараа хугацааны зөвхөн нэг л эгшинд сар болгон болж байдаг. Жишээ нь Хулгана сарын битүү сар тухайн өдрийн 15 цагт бүтэн сар нь сарын дунд өдрийн 9 цагт ч гэдэг юмуу тодорхой нэг эгшинд л тохионо. Үүнээс хамаараад өдрийн 12 цагаас хойш сар битүүрвэл уг өдөр битүүний өдөр гэх, эсвэл 12 цагаас өмнө бол өмнөх өдрийг битүүний өдөр гэх зэргээр л засвар оруулж байгаа хэрэг. Иймээс шөнө сар хараад битүүн биш гэж хэлэх ш утгагүй хэрэг. Хэдэн цагт харсанаас шууд хамаарна. Энэ засвар хийгээд байгаа систем л өөр болохоор хэзээ сар нэмэх вэ, хэдэн цагаас өмнө хойно сар биүүрэх вэ гэдгээс хамаараад 1 өдөр эсвэл 1 сарын зөрүү гарч болно. Энэ бол зүгээр л яаж засвар хийхээс л хамаарна. Жишээ нь одоогийн календарт өндөр жилийг 4-т бүхлээр хуваагддаг жилд нэг хоног нэмнэ гээд тохирчихсон байгаа. Өөр хүмүүс өөр жилд нь засвараа хийгээд явж болно шүү дээ. Ингэвэл 1 өдрийн зөрүү гарах болно. Түүнчлэн хэдэн сарыг ч шинэ жил эхэлж байна гэж үзэж болно шүү дээ. Манайхан албаар л ингэж зөрүүлсэн гэсэн биз дээ. Конусыг нэг нь бөөрөнхий, нэг нь гурвалжин харагддаг гэж л маргаад байгаатай адил зүйл. Харин зурхай бол шал өөр асуудал.

Линк
http://news.gogo.mn/r/48945

Ганган спортлог машинууд: Хотод нэг чимэг

2008-09-19T08:06:00.001-07:00

Сүүлийн үед хотын залуус спорт машинаар гангарцгаах нь их болж. Басхүү над мэтийн энгийн загваруудыг спорт болгон харагдуулж ч их унаж байна. Зарим хүмүүс элдэв янзаар будаж, энд тэнд нь бичиг нааж, бүдүүн яндан, спорт дугуй обуд тавьж яадаг юм, дараа нь зарсан ч хэцүү гэх... Нэгэнт хүн өөрөө кайф авч л байвал өөрийн эд хөрөнгөө яаж хэрэглэх нь өөрийн л дур. Хоёрт залуу нас эрч хүч, хүсэл мөрөөдлөөр дүүрэн байхад унасан төмөр хүлэг нь ч бас эзэн шигээ байх нь юуны буруу гэж. Донжыг нь сайн олж гоё будаж янзласан хүлэгүүд гоё л байгаа биз дээ. Хотын өнгө үзэмжид бас хувь нэмэрээ оруулж л байгаа байх...

Хараад байхад ихэвчлэн Toyota Chaser Tourer (JZX)/Mark II/Cresta/Altezza, Lexus IS300, Mitsubishi Lancer/ Lancer EVO/Galant, Nissan Skyline R32/R34, Subaru Impreza WRX STi/Forester, BMW M3 за тэгээд Hyundai Accent -ууд ч их байна.

За тэгээд эрэлт хэрэгцээ нь тодорхой хэмжээд байгаа хойно энэ төрлийн үйлчилгээ ч бас дагаад гарч ирэх шинжтэй. Спорт загвараар кузовыг будах, sticker бичиг наас наах, xenon гэрэл, spoiler, спорт дугуй обуд, хормой гээд л борлуулалт сайтай л байдаг бололтой.

Би ч бас чөдрийн ганцаа спортлог болгож янзлах гээд бодоод байгаа гэжуга. Спойлерийн хувьд энэ хар чэйзерийнх шиг.

Харин кузовтоо ямар дизайн гаргаж будахаа сайн шийдэж чаддаггүй. Зураг дээр фотошопоор л янз янзын загвар гаргаж үзээд л байгаа. Олигтой болж өгөхгүй л байна. Гадныхан бол ингэж л будаж янзлацгаасан байна.

Уншигч та бас над адил сонирхолтой, мөн надад санал болгохоор дизайн байвал хуваалцаарай. Мэдээж бусадаас арай өөр мөртлөө даруухан ч биш, бас хэт чамин ч биш тэрүүхэндээ хөөрхөн хөнгөхөн дизайн хийчмээр л байна. хэхэ

Google: Sorry page

2008-09-19T08:06:00.000-07:00

Сүүлийн хэдэн өдрөөс эхлээд Гүүгл хайлтын нүүр хуудас шууд ачаалагдахгүй Уучлаарай гэсэн хуудас руу орж спам, роботуудаас хамгаалсан гараас үг оруулж байж шилжээд байгааг анзаарсан биз дээ.
Бид өдөр тутамдаа гүүгл болон хайлт ашиглахгүйгээр интернэт ашиглах нь хичнээн хэцүү болохыг хальт мэдрүүлсэн ч байх.
Хэд хэдэн сайтаас энэ яагаад ингээд байгааг "why google sorry page" гэх маягаар хайтал вирус болон спам, роботуудыг гүүгл хайлтыг шууд ашиглахыг зогсоох зорилготой байгаа бололтой юм бичицгээсэн байна. Мөн цаашлаад crack, hack, exploit, vulnerability гэх мэт системүүдийг эвдэх, програмуудыг эвдэх, хакдах зорилготой хайлтыг ч мөн зогсоох бололтой. Гэхдээ энэ тийм үр дүнтэй байх эсэх нь бас эргэлзээтэй. Ямар хайлтын системүүд мундсан биш дээ, манайхан шиг програм худалдаж авч ашиглаж сураагүй "хүний юм", "үнэгүй юм"нд нугасгүйчүүдэд зориулсан хайлтын системүүд хөгжөөд эхлэх биз дээ.

Сүүлд нь хэлэхэд IE, Firefox гэх мэт веб хөтөчүүдийнхээ cookie, cache зэргээ цэвэрлээд дараа нь гүүгл хайлт руу ороод үзээрэй. Минийх лав одоо хэвийн ажиллаж байна.

Бас сонирхуулахад google.mn тэр sorry хуудас руу ороод байхаар нь бусад нь яаж байна гээд google.fr, .es, .de, .ru, .it, .nl гэсэн хуудасууд руу орж үзэхэд бүгд уучлаарай хуудас руу орж байв, харин эдэрээс google.co.kr хуудас шууд хайлт руугаа орж байна лээ.

Өнөөдөр нар бүтэн хиртэнэ

2008-07-31T22:16:00.000-07:00

Өнөөдөр тохиох нарны бүтэн хиртэлт нь Канад улсын нутаг дэвсгэрээс эхлэн Гринланд, Орос, Монгол Улсын газар нутгийг дайран Хятад Улсын нутагт төгсөх юм байна.

Funny Comments:

-UB-d 80 huviin hirtelt bolno... haraarai... nudee bolgoomjlooroi

-bugdeeree ene narnii herteltiig saitar ajiglatsgaaya

-bi lav 97 ond zugeer harsan nud yagaachgui dee

-bi bas 97 ond shilgui zugeer harsan, harin ene jil harahgui gej bodoj baigaa. uchir ni nadad odoo yu ch haragdahaa baisan.

Манай орны хувьд нарны бүтэн хиртэлтийн гол шугам Баян-Өлгий, Ховд аймгийн нутаг дэвсгэрийг дайран өнгөрнө. Гэхдээ манай орны бүх нутаг дэвсгэрт нарны хагас хиртэлт 80-аас дээш хувьтайгаар ажиглагдана гэсэн. Эдгээр сумдын хувьд хагас хиртэлт дунджаар Улаанбаатарын цагаар 17 цаг 55 минутаас 20 цаг хүртэл үргэлжилнэ. Нарны бүтэн хиртэлт хамгийн удаан үргэлжлэх сумууд бол Баян-Өлгий аймгийн Булган, Алтай, Буянт, Ховд аймгийн Үенч, Булган, Алтай зэрэг юм. Энэ үед Нарны өндөр 22 ч 26 хэм байх ба бүтэн хиртэлт 2 минут 03 секундээс хоёр минут 11секундын хугацаанд үргэлжлэх тул ажиглалт хийх бүрэн боломжтой юм байна.

Манай орныг дайран өнгөрөх нарны бүтэн хиртэлтийн бүсийн өргөн нь ойролцоогоор 250 км байх ажээ.

Нарны хиртэлт гэдэг одон орны нэгэн сонирхолтой үзэгдэл нь сарны хавтгай нарыг халхласнаар конус маягийн сүүдэр дэлхийн гадаргуутай огтолцсоноор үүснэ. Нар, сарны үзэгдэх өнцгөн диаметр ойролцоо байдаг. Дэлхий ба сарны тойрог замын хавтгайнууд хоорондоо бага өнцөг үүсгэдэг зэрэг нь энэхүү үзэгдэл тогтмол ажиглагдаж байх үндсэн нөхцөл нь болдог байна.

Сар нь дэлхийг зуйван тойрог замаар тойрно. Иймд сар дэлхийд ойртсон үед нь тохиолдох нарны хиртэлт бүтэн, холдсон үед нь цагирган хиртэлтүүд болдог. Зарим тохиолдолд нэг удаагийн хиртэлтийн явцад энэ хоёр хиртэлт цувран тохиох ч байдаг аж. Дэлхий ба сарны явдал нь тодорхой үет хөдөлгөөн учир нарны хиртэлт нь мөн ийм давтагдах чанартай байдаг. Ихэнхдээ нэг жилд бүтэн ба цагирган хиртэлтүүд, зарим тохиолдолд хэд хэдэн хиртэлтүүд тохиох боловч тухайн газар нутагт давтагдах нь ховор байдаг.

Нарны бүтэн хиртэлтийн үед нарны агаар мандлын хамгийн гадна талын давхарга болох титэм тод ялгаран харагддаг. Нарны титэм сул эрчимтэй цацраг гаргадаг тул энгийн үед нарны гэрэлт мандлын гэрэлд дарагдан харагддаггүй юм. Иймд нарны бүтэн хиртэлтийн үед тогтмол явуулдаг нэгэн судалгаа бол титэмийн бүтэц, физик шинж чанарыг тодорхойлох явдал байдаг.

Дашрамд сонирхуулахад, манай орны нутаг дэвсгэрт 1997 оны гуравдугаар сарын 9-нд нарны бүтэн хиртэлт болсон бөгөөд дараагийн бүтэн хиртэлт манай орны нутаг дэвсгэрээр 55 жилийн дараа буюу 2063 оны наймдугаар сарын 24-нд дайрч өнгөрнө хэмээн эрдэмтэд тооцжээ.

Source: gogo.mn

Comments:

MK3 Ultimate Best Combos

2008-05-15T03:45:00.001-07:00

Human Smoke 57% damage combo

Human Smoke 10 hit 99% damage combo

Human Smoke Infiniti

Ermac 100% Counter

Nightwolf big damage counter

Nightwold another combo

Reptile 62% damage counter

Reptile Infinite Counter

Kabal 68% damage counter

Kung Lao Infinite counter

King Lao 100% counter

Jade 37% damage

Jade 6hit 65% damage

Sektor 7hit 44% damage

Sektor Homing Missile 57% damage

Liu Kang 9hit 47% damage

Sub-zero2 10hit 60 damage

Sub-zero2 6hit 65 damage

Stryker Cross Screen Infinite

Stryker Counter Combo to Corner Infinite

Jax Big Damage Corner Combo

Jax Multiple Combo Options

Sonya 43% mid screen Punisher

Sonya 58% Advanced Combo

Shang Tsung 47% Free Morph Juggle

Shang Tsung 60% Free Morph Counter

Tiësto’s Elements of Life World Tour to visit Asia and Australia

2008-04-07T08:58:00.000-07:00

Thursday, 3rd of April – Asiaworld Expo, Hong Kong – China
Friday, 4th of April – GT Banana, Bejing – China
Saturday, 5th of April – M2, Shanghai – China
Sunday, 6th of April – Century City, Chengdu – China
Monday, 7th of April – S2, Hangzou – China
Friday, 11th of April – Vista Hall, W Seoul-Walkerhill - South Korea
Saturday, 12th of April – Ageha, Tokyo – Japan
Sunday, 13th of April – Nan-Kang 101, Taipei – Taiwan
Thursday, 17th of April – TBC, Phuket – Thailand
Friday, 18th of April – TBC, Bangkok – Thailand
Saturday, 19th of April – Alchemy: Manila's Only, Manilla – Philippines
Sunday, 20th of April – X2, Jakarta – Indonesia
Tuesday, 22nd of April – Double Six Club, Bali – Indonesia
Friday, 25th of April – Family Nightclub, Brisbane – Australia
Saturday, 26th of April – Festival Hall, Melbourne – Australia
Saturday, 3rd of May – Horden Pavillion, Sidney – Australia
Friday, 9th of May – 2 Days Off, Port Dickson – Kuala Lumpur
Saturday, 10th of May – 2 Days Off, Port Dickson – Kuala Lumpur
Friday, 16th of May – Medusa club – Ulaanbaatar - Mongolia gesen hehehe... :D

Зун цаг айсуй

2008-04-07T08:22:00.000-07:00

За тэгээд зуны аагим халуунд Converse Chuck Taylor All stars хөлдөө өшиглөчихөөд алхаж байх ч сайхан байлгүй яахав.

Монголд амьдрах сайхаан

2008-03-03T01:00:00.000-08:00

Дөнгөж сая "Монголд амьдрах сайхан, бас сонирхолтой байна" гэсэн уг нийтлэлийг уншаад басхүү миний бие Монголдоо сэтгэл хангалуун амьдарч буйн хувьд бас бага сага зөвлөгөө, сэтгэгдэлээ бичье гэж бодлоо л доо.

Миний бие бас уг Төв Азийн цээжинд орших дэлгэсэн тэрлэг шиг Монголын тал нутагт төрж өсөөд 26 жилийг ардаа орхиж байна. Хилийн дээс алхаснаа тоочвол урд хойд хоёр хөршийнхөө нийслэлд ажлын шугмаар хэд хэд очиж байсан юм байна.
Мэдээж би гадаад оронд олон сар, жилээр амьдарч үзээгүй болохоор тэндэхи бэрхшээл зовлонг төдий л сайн ойлгохгүй байгаа байж магад. Гэхдээ манай найзууд, танилууд дундаас дэлхийн хөгжилтэй оронд сурч, ажиллаж, амьдардаг хүмүүс зөндөө бий. Тэд ч надаас монголд одоо юу болж байгаа тухай, очоод юу хийж яаж амьдрах талаар зөндөө л асууж лавладаг.

Миний бодлоорх,
Монголд амьдрах бэрхшээлийн талаар болон хувийн зөвлөгөө:

Орчны бохирдол.
Өвөл болохоор УБ хот маань тэр аяараа утаан хөшигөөр гоёдогийг та бид сайн мэднэ. Энэ их утаа нь гэр хороолол, цахилгаан станцууд, автомашины бөглөрөлөөс болдог гэсэн судалгаа байсан. Гэхдээ энэ шууд утгаар монголд амьдрахад нөлөөлөөд байхаар зүйл бас биш. Мөн тэр 40 мянган айлын орон сууц, УБ хотыг тойруулаад хурдны шинэ тойрог зам энэ тэр гээд хэсэг цаг хугацааны дараа арилах зүйл биз ээ. Мөн Үйлдвэр комбинат, 120 мянгат гээд Туул голын тийшээ бол огт утаагүйгээр сайхан амьдарч болж байгаа.

Авилга, хүнд суртал.
Хэрвээ та хувийн бизнес эрхлэх гэж байгаа бол энэ үнэхээр хүнд асуудал. Гэхдээ л бас шийдэж болохоор л зүйл. Үнэхээр л тийм бэрхшээлтэй байгаа юм бол бусад хувийн хэвшлийнхэн яаж болгоод, амьдраад болоод байгааг нь асуугаад үзэх хэрэгтэй. Өөрийн адил төрлийн бизнес хийж байгаа юм уу эсвэл бизнест туршлагатай нэгнээс энэ талаарх хүндрэлийг яаж давах талаар асуу, лавла. Монголд энэ талаар танилын хүрээнээс өөр сайн арга зам гэж үгүй байх. Та нэг лиценз, тусгай зөвшөөрөл авах гэж буй ба таны танилууд дотор байхгүй бол танилын танилаасаа асуу. Монгол шиг цөөхөн хүн амтай оронд бараг 3 хүнээр дамжаад тухайн хүнтэй танилын хүрээгээрээ холбогдоно энэ тэр гээд хошин судлагаа ч хүртэл байсан шүү. Тиймээс танилтай хүн талын чинээ, Танилтай л бол асуудал биш.

Амьжиргааны түвшин.
Гадаадынхы хажууд бол бид үнэхээр маш бага үнэлгээтэй цалин, хөлстэй нь бол үнээн. Гэхдээ л үнэхээр чадвартай, мэдлэгтэй, мэргэшсэн хүнд бол монголын одоогийн цалингийн түвшин хангалттай хүрдэг. Манай мэргэжил дээр л жишээ аваад үзэхэд аль нэг банк юм уу гайгүй томхон шиг газарт Программистаар ажилд ороход цалин 1 сая төгрөг, тэгээд ер нь дундаж нь 500мян төгрөг. За систем администратор бол бүүр 1 сая төгрөгийг ч голно доо. Энэ тэгээд бага цалин гэж үү. Бүүр тэгээд ажлын байр нь байхад тохирох туршлагатай, чадвартай хүн нь хайгаад олддоггүй гээч.
Манай найзууд дунд ийм цалинтай хүмүүс олон бий. Миний цалин ч одоо дундаждаа орж байх шив дээ. Уул нь жилийн өмнө гайгүй дээ ордог байсан.
Гадныхан сард өндөр цалин авдаг ч тэдний амьдралын өртөг бүүр л өндөр биз дээ. Тэгэхээр өндөр үнэтэй хоол унд, өндөр үнэтэй хувцас хэрэглэл аваад л хүн шиг хэрэглэхэд та бид гадаадад өндөр цалин авсан ч өндөр өртэгтэй хэрэглээнд яваад таарна биз дээ?
Тэгэхээр амьжиргаа бол Монголд тийм ч тааруу биш болсон шүү.

Байр суурь.
Хүн нэг зүйлийг хожиход нөгөө зүйлийг заавал алдаж байдаг. Бид энд 100 төг ашиг олоход тэнд хэн нэгэн нь 100 төг алдаж байгаа. Ажил дээрээ гол анхаарал хандуулахад ар гэрийн анхаарал багасдаг. Гэвч ажилдаа төвлөрч төвлөрч ахицтай урагштай болгоод голдиролд нь оруулсаны дараа та сэтгэл хангалуун ар гэртээ цаг зав зарцуулж чадна, амралт ч болж чадна.
Гадаадад олон жил болоод ирэхэд хамгийн том асуудал нь Монголын нийгэмдээ эргэж дасан зохицож, монголоор сэтгэхэд л байгаа байх. Цэнгэг устай, томоос том хиймэл цөөрөмд хөвж байсан загасыг жоохон бохир устай ч ориг байгалын гаралтай цөөрөмд гэнэт хийчихэд нэг хэсэгтээ л сандарч таараа.
Монголд байр сууриа олохын өмнө эхлээд нийгэмдээ дасах, монголоор сэтгэдэг болох хэрэгтэй болов уу гэж бодож байна. Монголд байр сууриа хэдийнэ олсон найз нөхөдтэйгээ уулз, ярилц, зөвлөгөө ав. Яаж энд хүрсэн талаар нь яриул. Хэн ч мэдээж өөрийнхөө тухай ярихтай үнэхээр дуртай байдаг. Чин сэтгэлээсээ хандсан хүнд л хүн итгэнэ шүү дээ. Түүнээс яаж чи баян болов, яавал чам шиг ийм болохов гэх маягийн атаархсан үнэртэй байвал чи ч өөрөө дуртай байхгүй нь мэдээж.
Чи өөрөө хаана байх ёстойгоо өөрөө мэдсэн бол чамайг тэнд чинь байх ёстойг бусад нь мэдэж л таарах вий. Өөрийгөө олж нээсэн цагт аль ч цаг, аль ч нийгэмд байр сууриа олох нь гарцаагүй гэж би боддог. Хошиноор жишээлэхэд хэрвээ би 1935 оны үед Германд 26 настай байсан бол нэг бол Нацист болоод еврейг дүүжлээд явах, нэг бол коммунист болоод буудуулж үхэх, нэг бол Америк, Англи руу зугтан гарах байсан биз, хэрвээ өөрийгөө олоогүй явбал олонхийг дагаж байгаад Орос руу дайнд яваад буудуулж, эсвэл хөлдөж үхсэн байх бизээ...
Өөрийгөө олоогүй цагт би ч би биш, ер нь хаана ч хэн ч биш.

Давуу болон сул тал.
Юунд ч давуу болон сул тал бий. Компьютер үнэхээр бүгдийг хийж чаддаг супер тустай ч, эрүүл мэндэд тэр дундаа нүдний хараанд онц супер тусгүй.
Монголд амьдарч үлдсэн үеийнхэн чинь байр сууриа хэдийнэ олоод чамайг хавчиж байгаа ч тэдэнд сул тал бас бий. Энэ бол гадаад хэл болон магадгүй мэдлэг чадвар буюу барууны жинхэнэ боловсрол. Гэхдээ хүн бүр адилгүй л дээ, гэхдээ л нийтлэг дутагдал нь тэр. Гэвч үргэлж иймээрээ байхгүй биз. Дэлхий улам бүр даяаршиж байгаа үед гадаад хэлээр сүүлийн залуус сайн ярьдаг болж байгаа, орчин нь ч угаасаа гадаад хэлээс улам бүр хамааралтай болж байгаа үед өөр яах ч билээ. Тэгэхээр өөрийн сурч, амьдарч, мэдэж ирсэн зүйлээ энд гаргах л хэрэгтэй. Яг одоо л гаргах хэрэгтэй. Яаж амьдрах чинь чиний юунд яаж ханддагаар чинь тодорхойлогдоно гэсэн үг ортой л үг дээ. Энд гадаадад төгсч ирсэн залуусыг сайн цалинтай, сайн ажлын байр зөндөө л хүлээж буй. Бодсоноос чинь дутуу байж магадгүй л юм, гэхдээ голсоны хэрэггүй. Толгойгоо хир цэнэглэсэн чинь хүлээн зөвшөөрч буй ч гар чинь хир хөдөлж, юу хийж бүтээдгийг чинь хэн ч мэдэхгүй шүү дээ. Тиймээс эхний ээлжинд юу хийж чаддагаа харуулж байж цаашаа явна, тэгж байтал ч монголын нийгэм, орчиндоо дасч хаана юу болоод буйг олж хараад эхлэх бий вий. Дараа нь яах нь таны хэрэг...

Бизнес эрхлэх.
Харин ажиллаж байгаад ирсэн хүмүүс бол халаасандаа хэдэн зоостой ирсэн байж таараа. Харин дахиад ажиллах эрч хүч, эрүүл мэнд үлдсэн бол хувийн хэвшил дээр үзэж тарсан нь дээр. Гэхдээ энэ бол нилээд эрсдэлтэй алхам. Хэн ч мэдээж зовж олсон хэдийгээ үрэн таран хийхийг бодохов. Эхлээд байр сууц аваад, машин тэрэг авах л байх. Хэрэгтэй гэж үзвэл машин ч хэрэгтэй л дээ. Гэхдээ бага шиг мөнгөтэй бол машин дэмий л эд. Бөөн зарлага гаргана. Халтууранд л явдаггүйм бол шууд олох орлогогүй.
Тэгэхээр эхлээд санан мөрөөдөж ирсэн нутагтаа сайхан амраад авсан нь дээр байх. Ах дүү хамаатан садан, найз нөхөдтэйгээ уулз. Гэхдээ учиргүй шоудав, манайхан хүнээр даалгаж уух дуртай. Ууж идэхэд учир бийг хэлүүлэх юун. Гол нь монголдоо идээшиж аватлаа хэсэг амсхийж аваад юу хийх, ямар зах зээл руу орох эдэр гээд сайн харж, судалж авсан нь дээр... Гадаадад ажиллаж байгаад ирсэн хүмүүсийн бизнес энд тэндгүй маш олон. Хамгий наад захын жишээ л гэхэд Фантази секс шоп байна. Бас Батбайгаль бакери ч билүү бялууны газар гээд зөндөө зөндөө. Хамгийн биед амар нь Орон сууцны оролцоо жижиг хүнсний дэлгүүр, эсвэл нарийн нэр төрлийн бараа оруулж ирэх гээд л .. Машин тэрэг энэ тэрийн сэлбэг оруулж ирэх гээд ер нь сэтгээд, хийж л чадаж байвал юу ч хийж болно доо.

Эцэст нь,

Гадаадад ажиллаж, сурч яваад ирсэн та өөрөө олж харж чадвал,
хийж бүтээх зүйл үй түмээр дутмаг, хөгжиж яваа, боломжийн зах зээлтэй
товчоор хэлбэл хов хоосон цаас шиг өөрчлөгдөж, шинэчлэгдэхийг хүсэн хүлээж буй
Монгол эх нутаг чинь ахан дүүс, найз нөхөдтэй чинь хүлээж сууна даа.

Сэгсгэр ч гэсэн эх минь,
Сиймхий ч гэсэн гэр минь гээд дуунд байдаг шүү дээ. Тиймээс би энэ л Монгол нутагтаа төрсөн, энд л миний өссөн гэр орон минь, тоглож өссөн найзууд минь, хөдөө тийш гарахад нүд алдам цэлийх тал минь бий.. Энэ л цаг үе минь минийх, биднийх... Энэ л цаг үед би л хийнэ, бид л хийнэ. Өөр хэн ч бидний өмнөөс хийж өгөхгүй, өгөөч үгүй, өгөх ч үгүй ...
Сайхан хангалуунаар аж төрч, сайхан хөгжилтэй оронд амьдармаар байвал чи л хийнэ, учир нь чи л тэгж хүсч байгаа шүү дээ. Чамаас өөр хэн ч биш. Учир нь энд л чи төрсөн учраас, энд л чи үхэх учраас. Бас би.

Чөдрийн ганц буюу Toyota Chaser

2008-03-02T20:48:00.000-08:00

Ажил төрөл хөөцөлдж явахад, амьдралд ч тэр машин буюу унааны хэрэгцээ ихэсчээ.

Би гэдэг хүн өнгөрсөн оны өмнөхөн буюу 12 сарын сүүлээр чөдрийн ганц унаагаа шинэчлэв.

Өмнө нь 96оны Toyota Camry SV40 хар хөх тэрэг унаж байсныгаа 99 оны Toyota Chaser GX100 машинаар солив.
За тэгээд мань мэтийн залуучуудад боломжтойгоор нь үнийнх нь 30% өгөөд ХАС банкны лизинг буюу санхүүгийн түрээсээр авчихлаа.

Уул нь ийм Nissan Skyline GTR-34 автомат кропкатай машинг сонирхож байсан ч зөвхөн Голомт банкны лизингээр л авах боломжтой байсан ба 3-с 4 хоног Голомт зээлийн хэсэг дээр өөрийнхөө зээлийн түүх, гэр орон, гэр бүл, ажил эрхлэлт энэ тэр гээд түмэн булчирхайгаа тоочоод ч тэдний "хүнд сурталыг" 4 хоногоос илүү тэвчиж чадсангүй болив. Тэгээд ч бас дассан сурсан, гарын давьрига даахаар нь, сэлбэг эдэр нь ч олдоцтой, кабинь нь дотроо зай сайтай, тэнхлэг нь өндөр эдэр гээд бүхий л зүйлийг нь дахин сайн бодож үзээд "ховор машин" унаж гангарах хүслээ дарж чадав.

Тэгээд ч ХАС банкныхан үнэхээр бичил зээлээр толгой цохидог банк гэсэндээ Голомт дээр 4 хоносон ажлыг маань ганцхан өдрийн дотор л гялалзуулж орхив. Маргааш өдөр нь Замын Цагдаа орж номер дугаараа аваад л бараг 12 цаг ч хөөцөлдөлгүй шинээ авчих нь тэр.. Авсан өдрөө Монгол Даатгал орж даатгуулаад тэгээд л чөдрийн ганц унаатай болчих нь энэ дээ. Цаашид хэрвээ энэ маягаар машины лизинг хөөцөлдөхөөр бол юуны өмнө ХАС банк дээр очсон нь дээр байна лээ шүү. Ядаж л хүү нь хамгийн бага байсан. Энэ Chaser GX100 гэхэд зах зээлийн үнэ нь ~6500$. Гэхдээ лизингээр авахаар болоход 6,700$ болчихож байсан.
Хөдөлгүүрийн багтаамж 2.0см куб. Дээд хурд 180км/цаг. Chaser, Mark II Tourier гэсэн загварууд авах боломжтой байсан ч тухайн үед Avante кузовтой нь боломжтой байлаа. Бүүр өмнө нь бол Toyota Harrier GX3.0 жийп авъя гэж бодож байсан ч миний 1т үнэ харьцангуй өндөр (13,000$), 2т сард өгөх зээлийн эргэн төлөлтийн хэмжээ нь дор хаяаж 500$ болох гээд байсан ба хотоос тэр бүр гарч явах шаардлага бага тул седан буюу жижиг тэрэг авсан л даа. Хөнжлийнхөө хирээр л хөлөө жийсэн нь дээр шүү дээ.

За тэгээд авсаныхаа дараа хийх ажлууд зөндөө гарна:
-Тос масло солих. Япон харьцангуй дулаахан орон тул манайх шиг хүйтэнд зориулагдсан моторын тос, кропканы тос маслог нь солино. ~80,000T
-Өвлийн дугуй тавих. Бас л манайх шиг зам нь гэж хоккейн талбай шиг зам дээр зуны гуталтай нь машинаа давхиулж өөрийгөө болон бусдыг эрсдэлд оруулж байснаас нэмж хэдэн төгрөг гаргаад гайгүй сайн арзгар хээтэй, шинэвтэр өвлийн зориулалттай дугуй тависан нь хамаагүй дээр. ~160,000T
-Дохиолол тавиулах. Бас л манайд урт гартанууд захаас аваад зам дээр зөндөө тул дохионы урд, хойд гэрэлээ шрүпээр эргэдэж тогтоох, урд копут олгойлгогч тросыг моторын дотуур явуулах, дохиолол буюу car alarm тавиулах нь маш чухал шүү. Зүгээр л таны урд 2 гэрэл, урд копутны нүүр гуравыг чинь хулгайлчихад та цэвэр 500,000T алдагдалд орно. За байг, таны хажуугийн 2 толны шилийг чинь авчихад 50,000T дор хаяж авна. Тэгэхээр дохиолол тавиулаад ийм өөрчлөлт хийчихэд хулгайн эрсдэл бас л багасна. ~90,000T
-Оношилгоонд орох. Тэнхлэг тохиргоо. Та хурдтай давхих дуртай бол, за хурдаа тохируулдаг байсан ч гэсэн хурд л бол хурд. Их бага гэж ялгадаггүй. Тэр дундаа манайх шиг замаараа явж байгаа нь бараг авторалли шиг газарт явах эд анги буюу тэнхлэгийн тохиргоогоо үзүүлээд, хэрвээ алдагдсан байвал тохируулчих хэрэгтэй. Энэ нь таны машины шарвалт, бөгсөө хаяах эдэрийг бас л тодорхой хэмжээг багасгаж өгнө. Ядаж л эргэлт дээр, тэр дундаа мөс, цастай халтиргаа гулгаатай үед хөдөлгөөний аюулгүй байдлыг хангана.
Мөн амортизатор, тэнхлэгийн гар болон түлк резинүүд гэх мэт зүйлсээ шалгуулчих нь зүгээр. Кабиндаа дуу багатай машин бас л тухтай, тохилог шүү. ~100,000T
-Суудлын бүрээс. Бүрээс хийлгэчихвэл ядаж суудалд гамтай, бас бүрээсээ угаагаад яваад байх нь суудал цэвэрлэхээс амар. Бас өвөл ч дулаахан. Сонгол бол их бий дээ. Хамгийн хямд нь ~35,000T
-Гэрэл. Цэнхэр туяатай асдаг энэ тэр гээд янз бүрийн нэмэлт гангараа зөндөө. Үнийг нь судлаж байсангүй ;)
-Хөгжим, ТВ тавиулах. Машинийхаа стандарт хөгжимөө солимоор байвал сонголт бас л арвин. Сүүлийн үед DVD тоглуулагчтай, MP3 тоглуулагчтай, ТВ хүлээн авагчтай энэ тэр гээд хөгжимүүд бол зөндөө л байсан. Миний хувьд kenwood фирмийн mp3 форматаар CD тоглуулагчтай, фм хүлээн авагчтай хөгжим байсан. Машины mp3 transmitter уул нь сонсож явдаг байсан боловч дуугралт нь муу байсан болохоор CD дээрээс сонсоод л явна даа. Хааяа фм сонсдог боловч реклам нь их залхаана л даа.

Ингээд одоо нэг юм хөдөлгөөнд оролцож болохоор боллоо. Дөнгөж шинээр сууж явахдаа бас л хашир байхгүй бол болохгүй. Шинэ машиндаа сэтгэл ханж хөөрөөд нэг их хурдлаад хэрэггүй л болов уу. Хаазаа яаж авч байгаа, хурдны хайрцаг дахь араанууд хир солигдож байгаа, тормозоо яаж авч байна гэх мэт зүйлсээ сайн хянаад эхний 2 долоо хоногтоо шинэ унаандаа дасталаа хурдлах хэрэггүй. За тэгээд мэдээж Toyota Chaser, Cresta, Mark II эдэр нилээд урт раамтай машин тул зам дээр эргэх эдэрт том тойрог үүсгэж маневрладаг. Шинэ жолооч нар тэр дундаа зам дээр эргэх гээд тойрог нь багтахгүй урагч маневрлах гэж бас сандраад, хүлээж буй машинууд нь сигналдаж сандаргаад л ... Гэсэн ч удалгүй тэгээд машиндаа дасахаараа жижиг хөдөлгүүртэй машинуудыг хол хаяад л давхиад өгнө дөө. Тэр тусмаа шулуухан шиг зам дээр хажуугаар нь сүн гээд л гарч өгнө. Харин та дээрхи төрлийн япон унаатай бол бусад хямд үнэтэй, гадна талын үзэмж нь "запирцан" эксээл, соната зэрэг autogangster уудаас холхон шиг явах нь зүгээр. Хичнээн таны зөв байсан ч урдуур шахаж орж байгаа, хажуугаас дайрч урд орох гэх мэт ихэнхдээ хотын бөглөрөл дотор бол тэдэнд зай тавьж өгөөд л, "найр тавиад" байхаас өөр аргагүй. Учир нь хажуу талаасаа харилцан шүргэлцлээ гэхэд тэдний засвар бол дээд тал нь 100,000T байхад л хангалттай, харин таных бол доод тал нь л 200,000T болно гэдгээ санах хэрэгтэй. Тэгээд ч сэвтэй машин унах нь сэтгэлд бас л сэвтэй. Харин үнэхээр та урдуураа дайруулах дургүй бол хажуугаас дайрах машинд урд "хоншоороо" оруулах аргагүйгээр нь өөрийнхөө урд талын машины араас "гүперлэж" ойрхон зай барьж яв. Тэгвэл таныг өнгөрүүлээд л араар чинь дайрахаас өөр аргагүй. Гэхдээ л энэ арга нь бас л эрсдэлтэй алхам шүү.

За ингээд шинэхэн машин авч жолооч болох гэж буй хүнд өгсөн бяцхан зөвлөгөөгөө өндөрлөе!

Толь шиг зам дээр сум шиг давхихдаа, галзуу юм шиг хөгжмөө орилуулах ч сайхан шүү.

Let's Chasing others... GoGo!

Sport Chasers:

Зохиолын дууны ханхүү С.Жавхлан мэндлэвээ гэж

2008-02-21T22:40:00.000-08:00

Өчигдөр буюу 2 сарын 21ны өдөр "Ар халхын алдарт дуучин" Самандын Жавхлан мэндлэсэн өдөр гэж нэг найзаасаа олж сонсов. Энэ талаар баттай эх сурвалжаас харчих зүйл олдсонгүй тул хувьдаа мөн гэж итгээд уг дуучныг хувиасаа хүндлэж, дууг нь сонсож таашаадагын хувьд өдөржин сонсож явлаа. Сонсох сонсохдоо машины хөгжимөө үхтэл нь чанглаж хирэндээ рекламдаваа гэж.

За тэгээд яагаад уг дуучиныг хүндлэдэг боловоо гэхээр үнэхээр барууны урсгал руу чангаагаад байдаг хипхоп, рок поп эдэрийн дэргэд бол жинхэнэ монголын тал нутаг харагдтал, зөөлөн салхи нь илбэх мэт болдог ардын маань сайхан аялгууг цэлгэр тал нутаг шигээ хүчтэй хоолойгоор аргадаад ч байгаа юм шиг, зэмлээд ч байгаа юм шиг мэдрэмж төрүүлдэг энэхүү аялгуу, хоолойг биширдэг л дээ.

Бас сайны хажууд садаа гэгчээр манай монголчууд сайн яваа нэгэндээ атаархдаг муухай зан ч тэрнийг тойрсонгүй. Хөдөөнийхөн хотод орж ирээд хотынхы нөгөөх алдарт ороок поопыг нь унагаад байгаа зохиолын дуу, нийтийн дуу гэж нүд үзүүрлэгдэж басхүү хотжуу болох гэсэн хэд нь зохиолын дуу сонсохоор дотор нь муухай оргидог энэ тэр гэж бас туйлширсан нь ч бий байх...

За за олон юм нуршаад яахав. Сая Чононгоо цомортоо Халимаг ардын дууг сайхан дуулсан нь халти Нармай Монгол үзэлтэй мань мэтэд бол маш их таалагдаад буй. Дараачын цомогтоо Буриад, Өвөрмонгол гээд бусад монгол угсаатануудын дуунуудаас оруулах нь бараг үнэн бололтой догоо.

Нэгэн цагийг эзлэнхэн төрсөн энэхүү надаас нэг л насаар ах уг дуучиныг хүндлээд эх нутаг, элгэн садныг маань сануулан, бодогдуулдаг жинхэнэ монгол язгуурын дууг нь таалдагаа л ямдагханаар бичиглэвээ би. Ардын минь сайхан дуу надад:

... Уг нь би танайд агсам тавихаар очсон юм,
Ухаант ардынхаа дуунд хүлээстэй суусаар чадсангүй ээ ...

Puujee - プージェー (2006)

2007-09-23T03:53:00.000-07:00

Өнөөдөр энэ Пүүжээ гэж киног үзлээ. Тэгээд сэтгэл дотор нэг л хачин болж орхих нь тэр. Дотор нэг том хар юм тээглэж, давчидаад байгаа ч юм шиг...

Нэгэн япон жуулчин Монголын талаар аялж явахдаа монгол үндэстэний ахуйн онцлог, нүүдэлчин зан заншил гээд нилээд сонирхож, энэ тэрийг камерийн дурандаа буулгасан ч хөдөөгийн малчин айлын 6 настай хэрсүү бор охин Пүүжээг онцлож энэхүү баримтат гэмээр кино дэлгэцэнд түүнийг мөнхлөж үлдээжээ. Мөн энэ кино нь олон улсын кино наадмуудаас Гран При шагнал эдэр ч авч.

Аралын Япон жуулчинд тал нутагт морь дэл дээр өссөн энэ бяцхан охин сургуульд ч ороход балчирдах ч, хөдөө хээр хонь мал бэлчээн хариулж маллах хүнд ажилд түүртэлгүй амьдрах нь хачирхмаар, гайхмаар ч санагдсан биз.

Энэ киноноос монголчууд бид өөрсдөө ч гэсэн тэр бүр анзаараад байдаггүй нэгэн зүйлийг харж чадна: Хар бага наснаас хагацал зовлон, байгалын зуд турхан гай гамшигийг үзэж, хөдөөгийн өдөр бүрийн хүнд хүчир, эцэс төгсгөлгүй ажилд нухлагдсан энэ жижигхэн охинд ч гэсэн ирээдүйгээ бодож мөрөөдөх, цаашлаад аралын их наран улсыг ч зорьж орчуулагч болох хүсэл ч байдаг юм байнаа гэж... Пүүжээтэй адил хүүхдүүд монголын хөдөө нутгаас зөндөө бий, бас зөндөө байсан ...

Гэвч тэр хүүхдүүдийн хэд нь Пүүжээ шиг 12 хон насандаа тэр л гэгээн мөрөөдлөө аваад эргэж ирэлгүйгээр одсон бол, бас одох бол ...

Энэ хүүхдүүд яагаад тэр мөрөөдөлдөө хүрч чадаагүй, бас чадахгүй байгаа юм болоо гэсэн бодол тээгээд энэ киног үзэж дуусгав ...

Puujee.info
Puujee - On-Air.mn Cinema

Багын дурсамж - 6

2007-08-15T05:27:00.000-07:00

(Хүн болох багаасаа хүлэг болох унаганаасаа. Манай ардын үг)

Багын дурсамж маань үргэлжилж байна шүү, хүмүүсээ наашаа гэчихжээ би :)
Яагаад ойрын хэдэн сард багын дурсамжаасаа бичээгүй вэ гэвэл тэгээд ойлгомжтой доо. Манай ICT салбарынхан ямагт зав чөлөөгөөр хомсхон "азгүй тавилан"-тайм хойно, ПС-ныхээ ард суувал тэгээд цаг хугацаа урсаад алга болно.
Зарим хүмүүс сайхан зохиол байна гээд ер нь бараг зохиолч болчихгүй гэсэн утгатай зүйл хэлээд байсан. Үгүй шүү, зохиосон зүйл огт байхгүй, бүгд л яг болж байсан түүх л дээ. Би ч биш ер нь тэр үеийн хүүхдүүд гэж нэг иймэрхүү л паянтай нүд нь гялалзаж, хөл нь хөөрсөн цоглог "пионерүүд" байсан биз ээ.

Сургуульд сайн дураараа орсон нь буюу би ч бас Филлиппок ш дээ
1-р цэцэрлэгт явдаг байсанг маань та бүхэн мэднэ дээ. Ахлах анги билүү, дунд ангид л байсан байх 6н настай байж л дээ. Ууганцэцэг гээд охин нэг өглөө учиргүй л хар сурагч форм, цав цагаан дэрэвгэр гэж жигтэйхэн паарчиг өмсчихсөн сууж байх юм. Гайхаад асуутал, сургуульд орж байгаа тэгээд гэрийнхэн нь ангийнхантай нь уулзуулж, одоо гаргаж өгөх үдэлт хийж байгаа гэнэ.. Нөгөө өмнө нь бараг нүдэнд өртдөггүй байсан Ууганцэцэг чинь мангар гоё харагдаад, одоогийнхоор бол маниусаасаа "тасраад" алга болно биз дээ, сурагч болно гэж хүний амьдралд том өөрчлөлт байхгүй юу. За тэгээд мань хүн бодлоо: Энэ сурлагадаа тааруухан Ууганаа сурагч болж чадаж байгаам чинь би болж болохнээ гэж.. Бас их барьцамтгай ч бодол юм шиг.. хэхэхэ
Орой нь гэртээ ирээд аав ээж хоёроос асуутал насаа болохоороо хойтон жил ор ухааны юм яриад нэг их авч хэлэлцэхгүй нээ намайг. За тэгээд онц сурлагатан эгчээ сургуулийн талаар сайн асууж аваад, зураг зурахад хэрэгтэй байна гэж бараг худал хэлээд тууш, дөрвөлжин шугамтай гээд хэдэн нимгэн дэвтэр олж аваад булан нь цоороод хэрэггүй болчихсон нэг шар цүнхэнд өнгийн хэдэн харандаатай хийгээд хав дарчихлаа.
Хажуу айлын Цэцэгээ эгч маань манайд орж ирж хуучлахдаа өөрийгөө шинэ анги дааж авч байгаагаа ярьж надад "сэдэл өгөх нь тэр".

За тэгээд хирдээ өөртөө бэлтгэл хангачихсан амьтан ангийнхандаа би сургуульд орлоо гээд гайхуулж ярив. Тэгээд маргааш өглөө нь гэрээсээ гарангуутаа цэцэрлэгээ өнгөрч шууд 1-р сургууль руу зүглэж байтал ангийн хүүхдүүд аав ээжээрээ хүргүүлж явж зам таараад над руу хаачих гэж байгаам бэ, цэцэрлэг энд байна ш дээ гээд л хашгирч байна шүү. Би ч : би сургуульдаа явж байнаа гэж хариу хашгираад тэдний гайхсан царайн дээр маадгар гэгч нь цааш алхах нь тэр ...

За тэгээд сургууль орж бөөн хүүхдүүд дунд холилдон бага ангиуд байдаг нэг давхар дунд орж явчихлаа. Сургуульд ямар орж үзсэн биш, дээр нь тэр үеийн сургуулиуд энд тэнд баахан зураг хөрөг өлгөчихсөн, цэвэрхэн гэж тоймгүй нэг л сүрдмээр, гайхмаар эд байсаныг ч хэлэх үү, нэг хэсэгтээ энэ тэрийг баахан сонирхож явтал бужигнаж байсан хүүхдүүд гэнэт алга болчихсоныг анзаарав. Хүнгүй коридорт ангиудыг 101-нээс нь эхлэж шагайгаад явж байтал коридор дуусахын алдад хажуу хөрш Цэцэгээ эгчийн ангийг оллоо. Намайг харснаа гайхаад ороод ир гээд дуудаж байна. Ороод очтол намайг анги дүүрэн гоё формтой хүүхдүүд дүрлийтэл ширтэж байх нь жоохон эвгүйцмээр юм. Цэцэгээ багш намайг сургуульд орох гээд өөрөө ирсэн гэж дуулаад эхлээд гайхснаа дараа нь миний цүнхийг уудлаад нөгөө хэрдээ бэлдсэн хэдийг хараад тачигнатал инээж байна шүү. Тэгээд аав ээж дээ хэлээгүй ирсэн гэж сонсоод за юу ч гэсэн тэр хойно очоод ном дэвтэрээ гаргаад сууж бай гээд гараад явчихлаа. Явангуут нь хажуу ширээний нэг хоёр нөхөр шууд шүлсдэж бөөрөнхийлсөн уудаг цаасыг над руу гуурсаар үлээж шоглодог байна шүү. Би ч мөчөөгөө өгөхгүй хариу гал нээж хирдээ хэд хэдэн нөхрийн духыг оноодохов гэж. Шинэ юм байж даруухан байгаагүйд нь дургүй нь хүрсэн бололтой нэг том биетэй шар нөхөр хүрч ирээд барилцаж аваад байтал гаднаас Цэцгээ багш, сургалтын эрхлэгчтэй орж ирж амь авраваа.

Ингээд бэлтгэл Г ангид дундаас нь орж хичээл хийсний дараа сурлагадаа сайн, биеээр ч том юм гээд сургуульд оруулахаар болсон юм даа. Дараа нь аав очиж бас уулзаад хүүхэд өөрөө сургуульд дурлаж байхад хориод яахав гэж шийдсэн гэсэн.

Сүүлд нь уран зохиол хичээлийн ном дээр яг над шиг Филлиппок гэдэг байхаа нэг хүүхэд сургуульд нас нь болоогүй байхад очиж орсон түүхийг уншаад надтай адилхан юм байна гээд инээд хүрч байсан даа.

Анхны хичээлийн шинэ жилийн нээлт
88 оны намар 1-р ангидаа орохоор болтол алдарт багш Жийжрагчаа шинэ анги авч байгаа. Дандаа 7 настай хүүхдүүдтэй, туршилтын тусгай шинэ ном сурах бичигтэй анги гээд тийшээ буюу 1а ангид оруулах болов.
9 сарын 1 ний өглөө болж ах, эгчтэйгээ хамт очтол нөгөө хэд ч ангийнхантайгаа нийлээд намайг тоохгүйнээ. Ахыгаа бараадсан болж явж хичээлийн шинэ жилийн нээлтийг анх удаа сонирхон амаа ангайлгав.
Сургуулийн үүдэнд бүх багш нар гарч ирээд бүх сурагчид П үсэг хэлбэртэй тойрч зогсоод үг хэлэхийг сонсов. Яг юу гээд байсныг бүү мэд, дараа нь харин нэг зүс таних охин гарч ирээд нэг хонх жингэнүүлэн сурагчдын өмнүүр тойрч гүйгээд дараа нь багш нарын өмнө очиж мөн в жингэнүүлэв. Дараа нь бүгд алгаа хэсэг ташиснаар нээлт дуусч бүгд хичээлдээ орцгоовоо. (Одоогийнхоор show tarav гэж хипхоп дууны нэр шиг :P )

Ангийнхаа хаалгыг анх алхсан нь
Ингээд дотогшоо ахтайгаа орж ангиа хайж явтал 101 ангид 1а гэсэн хаяг байна. Гэтэл яг орох гэтэл зүрх түгшээд орж чаддаггүй, үүдэн дээр нь очоод хаалгыг нь татаж зүрхэлдэггүй ээ. Хэхэ.. Тэгсэн чинь ахын ангийн хүүхэд гэнэт хаалга нээнгүүтээ намайг түлхээд пал хийтэл оруулж орхидог байгаа, тэгснээ пижигнэтэл зугтаж энэ тэр.. Баас их сахилгагүй нөхдүүдээ тэд нар гэж, арга ч үгүйм даа 3-р ангийнхан гэж халууд л байлгүй яахав.
Жийжээ багш тэд нарын араас ухас гэж гарснаа амандаа юм үглэн надаас хэнб чи гэжийнэ. Нэрээ хэлтэл аан за, яагаад хоцорч байна. Тэр арагшаа суу гэв.
Ингээд л хичээлдээ ороод анхны А үсгээ заалгаад, бүүр зориулалтын хичээнгүй бичгийн шинэ дэвтэр, цэнхэр хавтастай шинэ цагаан толгой номоо үзэв дээ.

Аматануудын анхны зодоон
Манай анги хэд хэдэн атамантай гэж байгаа.. Бүүр бэлтгэл ангид байхдаа тодруулчихсан хэрэг л дээ. Би гэж шинэков бол ямар ч аматан мөрдөс байхгүй шууд л энгийн байлдагч болдог юм байгаа биз дээ.. Хэхэхэ.
1-р атаман Лхагваа гээд биеэр жижиг ч, өрсөлдөгчөө үсдэж унагаад байяа гэтэл нь туг тугаар зулгаах арга техникийн онцлогтой ч хэрвээ шууд өдөхгүй л бол нам тайван нэгэн.
2-р атаман нь Золжаргал гээд одоо манай дотны маань найз болсон биерхүү, өндөр том зузаан хүүхэд.
3-р атаман нь Цэнд-Аюуш гээд маш зальжин, хэрүүлд дуртай, сахилгагүй биеэр гайгүй шар хүүхэд. Ширээн дээгүүр гүйгээд л байх нь тэр.

За тэгээд удалгүй л "сөргөлдөгч талууд өөрсдөө тодроод янз янзын хилийн маргаан зөрчилдөөн гарч улс орны гадаад байдал ноцтойгоор эргэж эхлэнэ дээ".
3-р атаман болсон нь:
Нэг өдөр Цэндээ ээлжит ширээн дээгүүр гүйх бэлтгэлээ хийж байгаад миний ном дэвтэр дээр халтар мөр татуулснаас хэрэг үүсэв. Би ч шууд ширээн дээгүүр гүйхээ болих хэрэгтэйг сануултал шууд элгэндээ өшиглүүлэх хариу авав. Аргагүй ш дээ. Атаманы өмнөөс аймшиггүйгээр хэн намайг сөргөлд гэсийн, дуугай л хар болсон ном дэвтрээ цэвэрлэх ёстой ш дээ. Хэхэ. Тэгэнгүүт нь шууд дээш үсрээд зангидсан гараараа шанаанд нь буулгаж орхитол нөгөөх чинь усан нүдэн гүнж болж зиндаа буурав. Ааяа, ингээд анги дотор кареер шууд өсч орхих нь тэр дээ.. Намайг тойрч л гүйлдэх ёстой бололгүй яахав.

2-р атаман болсон нь:
Нөгөө даварсан шинэков чинь атаманы мөрдөстэй болцийм чинь одоо 2 руу үсрэхийг бодолгүй яахав. Тэрийг ч мань Золоо гадарлалгүй ч яахав.
Ангийн охин Золоогийн хайртай орос заводын ганган харандааг санаандгүй унагатал 2 хуваагдаж орхих нь тэр. Золоо ч муухай хашхираад нөгөө охиныг алгадаж орхитол мэдээж нөгөө нь уйлж л орхино ш дээ. Охидуудад ямар атамануудтай адилхан зангидсан гар, хөвчирсөн хөмсөг байх биш хөөрхийс.. Тэгээд улаан пионер хүмүүжлийг Радуга номноос уншиж чадахгүй ч сонсож өссөн би яаж тэсэхэд, энэ завшааныг ашиглаад нөгөө охиныг өмөөрч Золоогийн ширээ руу Ж.Буш шиг "ардчилал шудрага ёсыг хамгаалахаар цэргээ оруулчихна" биз дээ.
Дайны ажиллагаа эхлээд 2, 3 дугаар эгнээний партуудын арын эгнээнд өрнөв. Хоёр талын ширээнд дээр хоёр гараараа тулаад бие биеэ рүүгээ хөлөөрөө хүчтэй хүчтэй ээлжилэн жийлцэв. Энэ нь бид хоёрт биш хажуугийн "хөрш улсын энгийн ардууд" ихээр "хэлмэгдсэн" тул самбарын өмнөх сумо дэмжээ шиг жижиг газарт олны нүдэнд дээр өрнөв.
Хоёул гараа зангидаад ээлжилэн бие биеэ рүүгээ довтлов. Гол нь цэцэрлэгтээ овоо аматан байсан ч юм уу, би гараа ондоо техникээр зангидсан маань тулаанд ялах "давуу технологи" болоо доо. Тэр нь гарын дунд хурууны ясархаг дунд үеийг бусдаас илүү гарган зангидах, тэрийгээ эрхий хурууныхаа үзүүрээр сайн тулах явдал байгаан. Тэгээд нүдээ аниад хоёр гараараа ээлжилэн саваад орж ирэх өрсөлдөгчийг нүдээ огт цавчлахгүй сайн хараад, жоохон тонгойн өөрийн толгойгоо зайлуулаад өрсөлдөгчийн саваад ирж байгаа хоёр гарны эргэлтийн хэмнэлд тааруулаад ганц баруун нударгаар духан дунд нь хэд хэд хатгаад өгсөн чинь үсэрч ирсэн эрчиндээ арагшаа савж унаад "дийлдэх нь" тэр дээ.
За үүнээс хойш охидууд над руу арай өөрөө хараад ч байсан уу гэвэл ёстой бүү мэд дээ гэсэн ... Хэхэхэ

1-р атаман болсон эсэх
За тэгээд нөгөө шинэков чинь харин "эдийн засагийн огцом үсрэлт" хийгээд "НҮБ"-ээр 2-р атаман мөн гээд зөвшөөрүүлчихсэн юм чинь одоо 1-р атаманы суудал "харагдаад" байлгүй яахав. Тоглосон юм даа. Би багадаа хэрэндээ таарсан хүмүүжилтэй өссөн хүүхэд байсан болохоор тийм зодоон цохион хийх сонирхол байгаагүйм. Зүгээр л, нударага гаргах шаардлага гарвал гаргачихдаг, гарахгүй бол гаргадаггүй тийм л хүүхэд байсийм.
Харин би Лхагваатай яагаад зодолдсоноо сайн мэддэггүй юм. Юунаас ч болсийм бүү мэд дээ. Одоо санахад өмнөх амжилтандаа "толгой эргээд" тэгсэн ч байж мэдэх цаадах чинь.
За тэгээд тулаан шууд самбарын өмнө ямар ч өмнөх үзүүлэх тоглолтгүйгээр маш хурдан өрнөв. Лхагваа гэнэт үсэрч орж ирээд миний муу хэдэн сөрөвгөрүүдээс хоёр гараараа гүн гэгч зуураад дотор муухай оргитол арагш гэдийлгэн татах нь тэр дээ.
Нөгөө Радуга номноос сонсож байхад ийм төрлийн техник нь шудрага бус гэсэн төрөлдөө байдаг гэж гадарладаг байсан болохоор ч тэрүү, ийм онцгүй "бактерлогийн зэвсэг" арга хэрэглэж байгаад нь дургүй шууд хүрч "адилхан бол адилхан" зарчим ёсоор бас гүн гэгч үсдэж аваад хэний хуйх "бөх материалаар" хийгдсэн, хэн их нулимсаа тэвчсэн, хэний гар хуруу удаан сарвайдгаа үзэж тарах нь тэр...
Тухайн үедээ энэ тулааны талаар манай ангийнхан дотроо хоёр хуваагдчихсан байсан юм даг. "Олон улсын тоймчдын" үзэж буйгаар тулааны дараа нэг хэсэг нь зулгаалгасан үсээ хараад миний нулимс гарч байхыг харсан гээд, нөгөөх хэсэг нь багш орж ирж бид хоёрын орооцолдоог гаргасны дараа Лхагваа чимээгүй, нууж уйлсан гэдэг байсан доо. Хэхэхэ
Тэгээд ер нь 1а анги чинь хоёр 1-р атамантай болцийм биш үү. Хүүхдүүд хөөрхөн ч байж дээ.

1а ангийн 1-р "дайн"
За тэгээд дэггүй Цэндээ, томоотой Золоо, шазруун Лхагваа бид нар хэдийгээр өөр ангийнханы өмнө "жижиг" наадаг байсан ч дотроо бас хоёр "фракц" болдог байж. Учир нь бусад ангийнхан дор хаяж 15н бандитай "атомын бөмбөгтэй" байхад манай анги 8н хөвгүүнтэй бас "цөмийн бөмбөггүй" болохоор аль болох "дипломат" аргаар гадаад харилцаагаа зохицуулахыг бодно л доо. Хуваагддаг хоёр фракц нь яагаад ч тэгж хуваагдаж байсныг нотолчих тийм ийм гэх баримт санахгүй байвч Ука, Тулгаа, Цэндээ, Түмээ гэсэн дэггүйчүүдийг фракц, Золоо болон би гээд гайгүй сурлагатан Орост төгссөн аавтангуудын фракц болж байсан байж мэднэ. Тэгээд олон удаагын хурцадмал байдлууд нийлээд нэг өдөр жижигхээн шалтгааны улмаас сургуулийн өмнөх 36 байрны саад дотор ил хүч тэнцвэргүй тулаан болов оо.
Золоо бид хоёр хоёулханаа, эсрэг талд нөгөө 4 байсан байхаа.
Тулааны эхлэлийг Золоо Цэндээ хоёр эхлэж, бусад нь ар ар талд нь янз янз өрөлт аваад нөөц хүчинд зогсов. Гол өрөлт нь хөлөө мөрний хэмжээтэй бага зэрэг алцайж зогсоод хоёр гараа зангидаж, нэг гараа элгэндээ, нөгөө гараа мөрнийхөө тэнд авах. :O
Золоо Цэндээгийн шанаанд хүчтэй цохилт өгч жагсаалаас гаргатал Тулгаа араас нь өшиглөж оров. Би ч Тулгаагийн хажуугаас давшилт хийтэл миний араас Ука бас өшиглөн оров. Ингээд Золоо бид хоёр өөрсдийн нурууны өндрийг ашиглан өрсөлдөгчдийг хол барьж тогтоогоод гэнэт довтлон нэг нэгээр нь жагсаалаас гаргах аргаар тулааваа.
Гэнэт ар тал "За хүүхдүүд, юу гээч нь болж байгаан" гэсэн том дуу сонсогдох чимээнээр цочин хартал харин манай аав ойртож явахыг харж магнай тэнийх нь тэр.
Ингээд Золоо бид хоёрыг салган авч гэр гэртээ харицгаасан доо.

Эрэгтэй хүүхдүүд хар багаасаа л гар зөрүүлэх нь угаас хүмүүний нэг ёсны жам биз. Бусад орны хүүхдүүд яг яадгийг мэдэхгүй ч монгол цус буцалж буй хүүхдүүдэд энэ нь 6-7 р ангид ортол тэр бүр арилж өгдөггүйг өөрийн биеэр туулсны хувьд хэлнэ л дээ. Тэгээд ч энэ наснаас хэтрээд ирэхээр сэдэлт улам гүнзгийрч бас нэг нэгнийгээ гэмтээх түвшинд очдог учир энэ наснаас дээших хүүхдүүдийн хувьд аюултай үзэгдэл юм. Харин бага насны хүүхдүүд хүч нь сул байдаг тул биед гэмтэл үзүүлэх явдал гардаггүй ба бас тэдний энэ авир нь өөрсдийн насныханы ертөнц, нийгмийн харилцаандаа байр сууриа олж авах оролдлого, тэмцэл юм гээд хэлчихэд буруудахгүй биз ээ.

Хүүхэд насныханд өөрсдийн ертөнц байдаг ба тэр нь томчуудын ертөнцөөс тэс өөр билээ.

Иргэний сэтгүүлзүй буюу Блогчдын арми нэгэнт хүчийг авчээ

2007-08-09T06:28:00.000-07:00

Анх блог гэдэг үгийг саяхан л сонсоод weblog төдий гэж ойлгоод энэ яахаараа гадаадад хүчийг авдаг билээ гэж гайхаж байсан цаг саяхан мэт… Гэвч өнөө цагт “Бөмбөрцөг хэлбэртэй дэлхий маань хүртэл хавтгай” болж орхисон цаг болохоор 4-дэгч засаглал гэдэгдэх хэвлэл мэдээлэл маань ч бас "хавтгай" биш болоод "бөөрөнхий" болчихсоныг анзаараагүй байж. Блогчдын арми буюу Иргэний сэтгүүлзүй нь аль нэгэн нэгдмэл эрх ашиг бүхий нам, фракц бүлэглэлийн “захиалгын” уламжлалт хэвлэл мэдээллийн хэрэгсэл шиг уншигч олны тархийг угаадаггүй, нэгэн хэвд баригддаггүй, төрөл жанарт баригддаггүй, захиалбал мөнгө нэхдэггүй, рекламаар бөмбөгддөггүй, уншигчдын хандлагыг тэр дор нь мэдэж болдог, нийтлэлийнхээ хүртээмжийнхээ талаар үнэн бодит статистик гаргадаг гээд ихээхэн олон давуу талтай ч хамгийн гол нь уншигчид (ард иргэдийн) өөрсдийн бичиж буй үзэж бодол нь нийтлэгддэг нь иргэний сэтгүүлзүйг ингэж хүчийг авахуулах гол хөдөлгүүр гэдэгт та бүхэн санал нийлэх биз ээ.

Өнөөдөр блог хост хийдэг 2-3 (blogger.com, bblog.mn, delhii.net, blog.mn) үндэсний сайт ажиллаж, тэдний тоймыг нийтлэдэг түүнээс ч олон вебсайтууд (blogportal.com, bugdeeree.mn, on-air.mn, oops.mn, origo.com, banjig.net гэх мэт) байна.
Таньд үзүүлчих яг нарийн судалгаа гарч, Монголд төдөн хүн блог бичдэг, өдөрт тэд төдөн бичлэг бичдэг, аль аль салбар давамгай байдалтай байна зэргийг нийтэд дэгээгүй ч уг блог хост хийдэг сайтууд тус бүрт энэ талаархи мэдээлэл бол бий. Тэдгээрийг жоохон анализ хийж, нэгтгэж дүгнэхэд л болчихно байх.

Гол нь одоо блогчдийн арми буюу иргэний сэтгүүлчид үй олноороо хангалттай хэмжээнд хүрч чаджээ. Харин хаана ямар хаяг дээр, хэн юуны талаар бичиж, нийтлэж буйг олоход хүндрэлтэй, замбараагүй болжээ.

Санал 1 - Блог коммунити, блог портал
Одоо үүнийг бүүр төгс болгох, сайтар нягтруулж өгөх, адил сонирхол зорилго бүхий блогчидийн хамтын ажиллагааг дэмжиж, хамтруулж өгөх тийм сайт, тийм зохион байгуулалт жоохон дутагдаж байгааг анзаарах боллоо. Эхний үед блогчид тус тусдаа бичдэг байсан бол одоо адил сонирхол бүхий нэгнийгээ олцгоон хамтарцгаах нь ихэсчээ. Тэдэнд адил имэйлтэй байх, front-page үүсгэх гэх мэт шаардлагыг ханагасан blog community site хэрэгтэй болж эхлэж байна. Мөн уншигчдад блогчдийн бичиж буй нийтлэлүүдийг ангилж, ялгаж, төрөлжүүлж цэгцлэж өгсөн тийм илүү сайн blog portal шаардлага ч ихэсч байна. Блог хост хийгч компаниуд энэ тал дээр анхаарна биз ээ.

Санал 2 - Цаасан хэвлэмэл блог тойм, блог бичлэгүүд
Мөн бас нэг зүйл нь блогчдийн шилдэг нийтлэл болон блогуудын тойм зэргийг уламжлалт буюу хэвлэмэл хэлбэрээр гарган тогтмол гарган нийт уншигчдад хүргэх шаардлагатай байгаа мэт санагдана. Манайд чинь зөвхөн онигоо л гардаг сонин, эсвэл зөвхөн нүцгэн охидуудын зураг хэдэн реклам дунд гардаг сэтгүүл хүртэл бий шүү. Тиймээс энэ нь нийт ашиг нь уншигчдад хэрэгтэй, ач холбогдол өндөртэй мөртөл бас ч үгүй ашигтай ч байж мэдэх “бизнес санаа” шүү гэж. Уншигчдад ч гэсэн хэрүүл шуугиан, дээрэм тонуул, улс төрчдийн хов жив, худал үнэн сүнс чөтгөрийн паян зэргээс хөндийрүүлэх ганц ч гэсэн сонин нэмэгдэж байвал, бүүр цаашлаад амбиц бүхий хэдхэн томоохон хэвлэлд өрсөлдөгч гарган өгч үйл ажиллагаа нь сайжруулах тустай болов уу гэж мөхөс би мунхаглав.

Уншигч та бүхэн энэ талаар нэгийг тунгааж үзнэ биз ээ. Өнөө үед үнэн бодит, шудрага үнэн зүйл, шинэчлэл дэвшилийн хомсдолд орсон цагт бидний улс орон, нийгмийн хөгжилд бага ч гэсэн нэмэр болох байх гэж бодно.

Сайн бүхэн дэлгэрэх болтугай!

Үндэсний үзэлтэй уриалга

2007-07-31T19:25:00.000-07:00

Сүүлийн үед хувийн үндэсний үзэл маань жоохон дэврээд байгаагаа ажиглах боллоо. Учир нь Youtube.com, On-Air.mn/video гэх мэт сайтууд дэхь буриад, өвөрмонгол, казак гэх мэт дуунуудад зарим монголчууд (халх) сэтгэгдэл бичсэнийг уншаад арай ч дээ гэсэн бодол өөрийн эрхгүй гарч ирж Орос, Хятад гүрнүүдэд хураагдан хумигдсан элэг нэгтнүүдийн талаарх нэгэн эмзэг ч гэмээр нарийнхан дотоод утасыг маань хөндөн хөндүүрлүүлэж орхих юм. Дэлхий дээр Монгол бүлгийн хэлээр ярьдаг нийтдээ 10 сая гаруй хүн байгаа гэсэн статистик бий. Монгол үндэстэнүүд нь дотроо халх, ойрад, барга, буриад, дөрвөд гээд дотроо нилээд олон угсаатанууд бий. Нарийн дэлгэрэнгүйг угсаатанзүйчидээс асуух эсвэл энэ талаарх ном товхимолоос уншиж болно биз. Гол нь зөвхөн түүхийн эгзэгтэй агшинд тусгаар улс болж чадсан Монгол улсад суугаа халх тэргүүтэнүүдийг л жинхэнэ Монгол, бусад нь хужаа, оросын эрлийз гэх монгол биш гэх үзлийг эсэргүүцмээр байна.
Бид туурга тусгаар Монгол улсад төрснийгөө, харьцангуй эрх чөлөөтэй байгаагаараа, халх аялгаар ярьдагаараа түрий барьж бусад элэг нэгтнүүдийгээ доош хийх үзэл санааг үнэртүүлэн явахыг хатуу цээрлэж явах хэрэгтэй байна, мөн ийм өчүүхэн үзэлтэн, санаатныг аль тааралдсан газарт сургаж, сэнхрүүлж ухааруулж байхыг жинхэнэ монгол хүний эрхэмлэж явах санаа, үйлс гэж үзэхийг хувийн зүгээс уриалмаар байна.

Дээр МҮОНТВ-ийн "Та хариулахгүй байсан ч болно" нэвтрүүлэгт хөгжмийн зохиолч Жанцанноров гуайн хэлж байсан шиг Өвөрмонголчууд болон Хятад хүмүүс бүгд муу биш юм, тэрбум гаруй хүнд хэдэн муу хүмүүс байх вэ, маш их байх нь ойлгомжтой. Гагц тэр хэсэг хүмүүсээр нийт цаад хүмүүсийг төлөөлүүлэн ойлгох нь буруу юм гэсэнтэй мөхөс би санал нэг байдаг юм. Нэг жишээ ярихад: Хэдэн жилийн өмнө Бээжинд ажилаар явж байхдаа тэндхийн нэгэн зочид буудалд наймаачин монголчуудад хэлмэрчилж, ачаа барааг зөөж өгч амьдрал ахуйгаа залгагч надтай нас чацуу Жаргал гэх залуутай танилцаад ярьж суухдаа энэ бүгдийг өөрийн биеэр мэдэрсэн юм. Бид хоёр аялгатай ч гэсэн хоорондоо түвэггүй хэл нэвтрэлцэж, нэгэн адил үндэстэн мөртөл хоёр тусгаар улсад суун, хоёр өөр нөхцөлд амьдран буйгаа мэдрэхэд сэтгэлд нэг л таагүй санагдсан сан. Чадал л байвал аль ч улс руу сурахаар явж чадах харьцангуй эрх чөлөөт орны иргэн нь би байхад, охин дүүгээ их сургуульд явуулаад өөрөө хар амьдралын мөрийг хөөгч Жаргалын тавиланг харин "азгүй ч гэмээр"...

Гэхдээ л бид нэгэн адил хэлээр яригч, нэгэн угсаатай ... Бид хоёрхон саяулаа бишээ... Бид нийтдээ 10 саяулаа ...

Элэг нэгтнүүдтэйгээ бид адилхан хүмүүс шүү дээ гэдгээ мэдрээд, бас түүхийн азгүй агшинд хэдэн хэсэг тасар татагдан хуваагдаж, бага үндэстэн гэж дээрэлхэгдэн, хэдэн зуун мянгаар тоологдох ах дүүсээ алуулан хэлмэгдсэн гашуун хувь тавиландаа харамсах сэтгэл төрөх нь сэтгэл дотор нилээд хөндүүр байдаг.

Би хааяа боддог: Хэрвээ бид алдсан газар нутгаа эргүүлэн авч чаддаггүй юмаа гэхэд энэ нутаг дээрх элэг нэгтнүүдээ дуудан авчирч, амьдрах газар ажиллах нөхцөл зэргээр нь хангавал 10 саяууланг маань багтаачих газар маань байна. Тэгвэл хүн цөөнөөс болж зах зээл үүсч чадахгүй байгаа маань арилаад хэдэн жилийн дараа илт хөгжиж чадах бусуу гэж.

Ийн бодсоны дараа өөр сөрөг бодол бас төрдөг: Цаг цагаараа байдаггүй. Энэ таслагдсан улсуудаа бид хэзээ нэгэн цагт газар нутагтайгаа эргүүлэн нэгтгэн Нармай Монгол улс дор нэгтгэгдэх болов уу гэж.. Тэгээд ч одоо цагт нөгөө Дэлхий хавтгай болж байгаам чинь бид сэтгэл зүрхээрээ л нэгтгээстэй байвал хил дээс, улс орны харъяалал хамаарахгүйгээр харилцан хамтран ажиллах боломжтой гэсэн бодол харанхуйд гэгээ тусах шиг санагддаг.

Жишээ нь л гэхэд Өвөрмонголчууд маань Цагаан сарын баяраараа Халхын ододыг урьж оролцуулдаг соёлын сайхан уламжлал тогтоод байгаа нь, бас Одон ТВ-г халхын хаанаас ч үзэх боломжтой нь гээд нилээд сайжирч буй тал байгаа ч бас чамлалттай хэвээр л байна.

За Өвөрмонгол ах дүүсийн хувьд ийм байлаа гэхэд хойд хөршийн харъяанд буй Халимаг, Тува, Буриадуудын хувь тавилан маш хэцүү байгаа байх. Автономит эрхийг нь устгаад газар нутаггүй болж байна гэж мэдээгээр гарах боллоо. Тэд ч нилээд тэмцэж байх шиг... Гэтэл хамгийн ихээр туслаж, хамгийн түрүүнд гараа сунгах ёстой тусгаар тогтносон халхууд нь чим чимээгүй... Хөмөрсөн тогоон дотроо Оюу толгой, Тавантолгой, улс төр, жагсаал цуглаан гээд л ... Гэтэл Казакстан улс яалаа, Назарбаев ерөнхийлөгч нь айлчилж ирэхдээ хамгийн чухал асуудал нь Монгол улс дахь казак угсаатнуудыг Казакстан улсад нэвтрэхэд нь Монгол улсаас саад болохгүй байхыг хүссэн шиг санагдах юм. Мөхөс би ямар улс төр судлаач, дипломатч биш юугаа мэдэхэв, харин мэдэж байгаа ганц зүйл маань монголчууд маань нэгдмээр байгааг, нэгдхийг хүсч байгааг, тэр талаар засгийн газар юу ч хийхгүй байгааг л мэдэж байна.

Эцэст нь хэлэхэд
Бид 2.8 саяуулаа биш, бид 10.5 саяуулаа!!! Бид таслагдсан монголчууд!!!

Яадаж газар нутгаараа нэгдэж чадахгүй байлаа гэхэд сэтгэл зүрхээрээ нэгдэхийг нийт монгол туурагтанууддаа, хөх толботнууддаа уриалмаар байна!

Хамгийн түрүүнд урлаг соёл, шинжлэх ухаанаараа нэгдэж, холбогдож, харилцмаар байна. Тийм нийтлэлийн бодлого, тийм сургууль, тийм сэтгэл зүрх гаргамаар байна.

Дэлхий даяарх Монголчууд фото дуранд буусан нь:

Харгиа буриад жаалууд, хөөрхөн

Буриад бүсгүй

Морьтон монголчуудын нэг

Буриад загвар өмсөгч

Өвөрмонголд. Дулаацах юмсан

Ирина Пантаева. Барууны нэрт загвар өмсөгч, кино жүжигчин

Өвөрмонгол киноны хэсэгээс

Хартар ч гэсэн хөөрхөн жаалууд.
Хөдөөний ч гэсэн цайлган шүү

Трансформерс ба Тэнгис кино театр

2007-07-25T07:00:00.000-07:00

Хэхэ.. Тэгэлгүй яахав энэ бол Трансформерс ..

Нээлтээ хийгээд удаагүй байгаа ч рэйтинг нь нэхх буурахгүй явсаар л байгаа кино. Түрүү 7 хоногт Тэнгис кино театрт очиж "тухтай гэгч" нь үзсэн л дээ

( За тухтай гэдэг нь анх удаа Тэнгис кино театрт саатал гарч байхтай таарав. Кино гарч байтал гэнэт дуу нь алга болоод дүрс нь уруугаа хараад ухарч гарч байх юм. Тийм киног зохиолуудаа тонгороож бичдэг байсан Леонардо Да Винчи л ойлгох байх, жирийн эгэл төрсөн мань мэт бол тэгээд тэр хальсаа дахиж засч ороотол нь л хүлээхээс өөр сонголт юу байхав. Тэгээд хэсэг байж байж цагаан хоолойгоор техникийн саатал гарсан тул 20 минутын дараа үзнэ үү гэж авав. 20 минут өнгөртөл дахин 15 минут хүлээнэ үү гэж сонирхолтой киноны амтанд ороод тэвчээр заан суугаа олны дургүйг хүргэж авна лээ. За мань мэт нь ч яахав гэхэд жуулчид бололтой урд эгнээнд суугаа хямдхан үнэтэй театрт "хямд" киног үзэж байгаа гадныханаас санаа зовж дууссан маань юүхэв. Нэгэнт Тэнгис театрыг муулсаных гүйцээж орхиё: 1-д Орчин үеийн театр байж онлайнаар билет захиалга хийхгүй юм. Заавал очиод оочерлоно. За онлайнаа байг, ядаж Visa, Master гээд картаар тооцоо хийж болдоггүй л юм байх даа. 2-т шинэ кино ирсэн эсэх, ямархуу кино байгаа эдэрийг нь муухан ч гэсэн сайтаас нь орж хардаг байсан, одоо бүүр таг.. Хийгдэж байгаа юм бол тэрийгээ дууссан хойно нь тавьж болдоггүйм байх даа.. Товчоор хэлэхэд Тэнгисын Маркетерууд нь яацийм бол ? )

За одоо киногоо ярья. Уншигч таньд баахан хов хүргэж орхисонд өршөөхтий, манайдаа л урдаа барьдаг ганц кино театр маань иймэрхүү хэрэглэгчдийн эрх ашгийг дээдлэж байгаад байнгын үзэгчийн хувьд жоохон уур хүрсэн хэхэ.

Анх энэ киноны трайлерийг нь үзэнгүүтээ л сэтгэл хөдлөөд өөрийн мэдэлгүй л "Би энэ киног үзнэ, би энэ киног үзнэ" гээд байсан гэсэн хажууд сууж байсан манай эхнэр бүүр гайхаад, дараа нь шоолоод ...
Дуу, дүрс болоод киноны хийц нь үнэхээр гайхамшигтай... Япон хүүхэлдэйгээр л гардаг байсан аварга том том робот, онгоц машин тэр бүү хэл танк нисдэг тэрэг болдог роботуудыг компьютер графикийн аргаар яаж жинхэнэ юм шиг амилуулж үзэгчдийн амыг ангайлгаж, алмайруулахыг энэ кино л үзүүлнэ дээ.
Киноын утга, зохиолын хувьд би лав сайн ухаагүй... Роботуудын амьдардаг гаригт сайн муу хоёр тал хоорондоо үзэлцээд нэг нь дийлсэн юм шиг байгаан.. Дараа нь тэдний амьдралыг үүсгэгч нэг жижиг ч болдог, том ч болдог кристалархуу шоо нь манай дэлхийд уначихсаныг киноны гол дүрийн залуугийн өвөө нь олж авсаныг л авах гэж баахан роботууд дэлхий дээр ирээд үзэж тарна...

За тэгээд хувиас зөвлөхөд уг киноны гол зохиомж эдэр нь нээх чухал биш, киноны хурдан өрнөл, гайхамшигтай дуу эффект, роботуудын хувиралт, аймшигт тулаан зэргийг үзэж кайф авагтун, энэ хурдан өрнөл тулаан дунд угаас юун тэр зохиол мохиолтой манатай болно доо...

Тэгээд киног үзэж дуусаад гарч ирэх үзэх юмсан гэсэн хүсэл аяандаа дарагдаж тайвшираад нэг сайхан болох вий, харин гудамжаар Форше ч юмуу, нэг тиймэрхүү 2 хаалгат спорт машин эдэрийг хараад энэ ямар робот болох бол гээд бодогдоод унана шүү гэж lol :D

StarCraft 2: Мөн ч удаан хүлээлээ дээ

2007-07-17T12:29:00.000-07:00

Өнөөдөр сонссон хамгийн сайхан мэдээ маань Elude-гээс Blizzard Entertainment компаниас гаргасан Starcraft тоглоомын цоо шинэ хувилбар Starcraft 2 хийгдэж буй, мөн 2008 онд худалдаанд гарна гэсэн явдал байлаа.

Анх 2, 3-р курст оюутан байхдаа Cyrix 233MHz, 24Mb RAM PC дээрээ суулгаж аваад нүдэж өгдөг байв шүү, Бүүр Pentium 133MHz, 16Mb RAM PC дээр ч торохгүй ажилладаг байсан. Тухайн ондоо оны шилдэг тоглоом шагнал авч байсан уг тоглоомоор одоо ч гэсэн хааяа тоглодог үнэнч фенүүд нь дэлхийгээр нэг байдаг шиг байгаа юм.

Сая 5 сард Солонгост очиж шинэ хувилбарынхаа танилцуулгыг хийсэн нь ч бас учиртай. Солонгост Старкрафт, Брүүдвар бараг үндэснийх нь кибер спорт болонгоо алдтал "од" болсон болохоор тэгсэн болов уу.

www.starcraft2.com сайтаас тоглолтын бичлэг, танилцуулга реклам зэргийг нь татаж авч үзээд үнэхээр дуу алдав. Хэдэн жил Warcraft-ыг завсаргүй хөгжүүлээд одоо л сэтгэл нь ханаж Starcraft-ыгаа шинэчлэхээр шийдсэн бололтой. Бараг 10 жил болсон болохоор одоо ч программчлал, технологи асар өндөр хөгжчихсөн тул энэ хоёрыг харьцуулаад харахад график дүрслэлийн хувьд асар их ялгаатай. Гэхдээ тухайн үед надад Starcraft-ыг гүйцэх тийм тоглоом байгаагүй юм.
(3р курстээ PC дээрээ 2 л юм хийдэг нь: 1-т нь VC++ 6.0 2-т нь Starcraft)
Тэр үедээ л Broodwar-ын график зураглал, дуу чимээ, зохиомж агуулга эдэр нь тасархай тасархай ...
Шинэ хувилбарыг өнөө цагийн хөгжилд тааруулаад бас л дуу алдахаар тасархай хийж байгаа юм байна.

Starcraft 2 Demo хувилбар нь одоо 8 сарын эхээр нийтэд хүрэх сургаар бушуухан л 8 сар гараасай гэж тэсвэр алдаж сууна даа. Харин нөхдүүд Демогоо хийхдээ сүлжээгээр холбогдож тоглодог болгочихоосой билээ. Тэгвэл 2008 он хүртэл демогоор ч болтугай холбогдож суухгүй юу гэж залбирч байна .. хэхэхэ

Одоо үүнээс хойш юун Counter-Strike Source ... Стратегийн тоглоомоо сэргээнээ.. Бодоод байсан чинь хэдэн жил тоглоогүй хаяачихсан байдаг байна.

Starcraft, Warcraft, Diablo эдэр гээд дандаа дэлхийн хэмжээнд тэргүүлэх тоглоом, уран бүтээл, гайхамшиг туурвидаг Blizzard-ынхан гайхамшигтай. Бид тийм хэмжээнд очдоггүймаа гэхэд дөхөж очдог болох юмсан гэж энэ завсарт бас бодогдох... Уул нь тоглоомын зах зээл гэж асар их багтаамжтай зах зээл шүү. Энэ Starcraft л гэхэд дэлхий даяар нийтдээ 8 сая хувь борлогдсон (бусад Diablo Warcraft эдэрийг тооцоогүй) гээд бод доо... Лайтай байгаа биз дээ...

За тэгээд эцэст нь хэлэхэд
Starcraft маань асар шинэ, асар сайжирч, шинэ өнгө төрхөө олоод дэлхий даяарх хэдэн зуун сая үнэнч фенүүдийнхээ олон жил цөхрөлтгүй хүлээсэн итгэл дунд Nuclear Launch Detected!!!

Joost Testing

2007-06-13T20:27:00.000-07:00

Дээр үед Joost Beta Tester -ээр бүртгүүлээд мартчихсан байсан саяхан Friends Edition татаж авна уу гээд имэйл ирсний дагуу суулгааж, ашиглаж үзлээ. Үнэхээр гайхалтай санагдлаа...

Жүүст нь P2PTV хэлбэрийн Desktop stand-alone application буюу компьютертаа суулгаад л нилээд өргөн сонголттой сувгуудаас VoD (Video-on-Demand) үзэх боломжтой юм.

KaZaA, Skype зэрэг peer-to-peer мангасууд болох Niklas Zennström, Janus Friis нар 2006 онд бизнес санаагаа олж 150 орчим программисттайгаар төслийг эхлүүлсэн гэнээ.

Технологийн хувьд дан OpenSource Software буюу нээлттэй эх бүхий технологи, программуудыг ашигласан байна. Серверүүд нь гэхэд л өнөөх л Ubuntu байна.

За тэгээд Видео дүрслэл болон кодчилолийн хувьд сүүлийн үед хүчийг авч байгаа MPEG-4 AVC (Advanced Video Codec) буюу H.264 кодекийн CoreAVC гэсэн commercial encoder ашигласан байна.

GUI хувьд XULRunner engine ашиглаж Mozilla Firefox, Songbird програмуудын адил XUL (XML User Interface Language) дээр бичигдсэн.

Видео тоглуулагчыг VLC программд FFmpeg decoder-т x264 кодек сан ашиглаж арын фон хэсэгт тусад нь layer хэлбэрээр байрлуулжээ.

За тэгээд сүүлийн хэдэн хоног зав л гарвал Жүүст орж хэдэн видео үздэг ажилтай боллоо. XUL ашиглаж XULRunner програм бүтээхэд cross-platform буюу аль ч үйлдлийн систем дээр ажиллах боломжтой хэдий ч жоохон удаан ажиллаж буй тал ажиглагдлаа. Ялангуяа RAM -ыг хэтэрхий их ашиглаж байна:

Энд миний 512Mb RAM бүхий XP SP2 систем дээр өнөөх л Firefox, Joost хоёр нийлээд бүүр Photoshop-оос илүү санах ойг эзэлж байгаа нь харагдаж байна. Дээр нь Songbird медиа тоглуулагчыг ачаалвал тэгээд би "дуусах нь тэр" :)

P2P -ын хувьд өөр адил төрлийн програмууд болох Хятад-АНУын хамтарсан TVUPlayer-ыг бодвол хамаагүй сайн ажиллаж байна лээ. Энэ программаар би хааяаа CCTV, NASA TV эдэрийг үздэг юм. Гэхдээ өдөр манай монголын сүлжээ ачаалал ихэсдэг тул оройхон тийшээ л peer-ээ олж үзэх боломжтой болдог.
Харин Жүүст 512Kb Down Stream байхад чөлөөтэй үзэж байна.

За Joost хэмээх нэгэн шинэ дуулианы талаар миний бодол нэг иймэрхүү байна даа. Уншигч та өөрөө туршаад үзнэ бизээ.

Mortal Kombat Trilogy

2007-06-11T21:50:00.000-07:00

За тэгэхээр 98 оны үед ид моодонд орж байсан SEGA -ны улаан фэнүүд минь наашаа суу... Хэдийгээр одоо SEGA terminal олдохоо байгаад мартчихсан ч гэсэн таньд компьютер байгаа л бол энэ тоглоомуудаа дахин тоглох боломж байгаа шүү... Удаан мартагдсан хуучин зүйл дахин шинэ зүйл болдогоо гэсэн үг би хэлэх дуртай.

Саяхан интэрнетээс Үхлийн тулаан киноны 3-р ангийг хийх гэж байгаа гэсэн мэдээлэл гэнэт олж хараад 10 жилийн ахлах ангийн "ужиг өвчин" маань дахин сэдэрч орхив. Тэгээд torrent-оос Mortal Kombat Trilogy гэсэн хувилбарыг олж аваад сүүлийн хэдэн өдөр зав л гарвал XXAABBZZ, Down Down Up X гээд халуурч өгч байна даа гэж хахаха

Хамгийн сүүлд Mortal Kombat: Annihilation гэсэн анги гарсанг нь фэнүүд нь сайн санаж байгаа биз дээ. Оросын ОРТ 1 сувгаар шөнө хүлээж сууж байгаад л үзэж байв гэж...

За тэгээд надаас энэ MK Trilogy (MKT)-ын PC installer болон XP SP2 Patch -ыг нь авахыг хүсвэл энд сэтгэгдэл дээр үлдээгээрэй. Имэйлээр чинь линк явууламз.
Хамгийн их таалагдсан нь MKT нь Windows XP дээр IPX сүлжээ протоколоор дамжуулаад тухайн сүлжээ дотроо 2-с 4 хүртэл тоглогч хоорондоо холбогдож тоглож болдог юм байна. Их сургуульд 1-2 курсын оюутан байхдаа хоорондоо нилээд тоглож байсан болохоор PC Keyboard дээр сайн тоглоод сурчихсан юм.

Энэ бол би. Human and Cybernetic Robot Smoke Ninja.

Би бүх л тоглогчоор сайн тоглодог ч гэсэн. Тэр үед энэ Smoke-р илүү сайн тоглодог байсан тул намайг хүүхдүүд Smoke2 гэдэг байсан юм. Дээрээс нь би саарал куртка, саарал үүргэвчтэй, саарал жинстэй яджийхад бас Rockie гээд саарал пүүз байнга өмсдөг байсныг ч хэлэх үү. 9-р ангид байхад даа мат, физик олимпиад болж 1-2р байранд орж шагналдаа 5+10,000төг авахад бусад хүүхдүүд хувцас хунар авах нь авч, архи уух нь ууж байхад би нөгөө хэдтэйгээ нийлчихсэн XXAABBZZ гээд л сууж байв гэж. Үеийн банди нар охидууд булаацалдаад улаан гараараа нармайгаа нээлцээд бужигнаж байхад мань хэдэн морталчид кибер тулаан хийгээд фаталити, бруталити хийж суудагсан даа...

Ойрдоо зарим нэг комби цохилтуудыг санаж эхлээд байгаа, харин fatality, brutality, animality энэ тэр бол байхгүй шүү, таг санааск хэхэ.

Одоогоор манай ажлынхан дотор намайг дийлчих тулаанч алга л байна. Хэрвээ уг тоглоомыг Midway компанийхан интернэтээр холбогдож тулалддаг Blizzard Battle.net шиг сүлжээ үүсгэвэл надаас өгсүүлээд байнгын хэрэглэгчид их олноор гарах байхдаа гэж бодож сууна.

За хэдэн зургууд сонирхуулая:

Мортал Комбатыг цаг үетэй нь хөл нийлүүлж 3D буюу орон зайн хэлбэрт оруулж хэд хэдэн цуврал гаргаснаас MK4 -ыг жоохон бужигнуулсан ч нэхх таалагдаагүй тэгэсгээд хаяасан. Харин сүүлд XBox, PS2 terminal дээр гарсан MK: Armageddon, MK: Shaolin Monks эдэрийн дизайн болон хөдөлгөөн эдэр нь их таалагдсан. Гэхдээ MK Armageddon фаталити эдэр нь арай л нүд халтирам аймаар болсон байна лээ...
Одоо тэгээд энэ тоглоомуудын XBox болон PS2 дээр CD/DVD -ны эрэлд гарсан. Хэрвээ уншигч таньд байвал ISO image -ыг нь аваад надад өгөөрэй. PC дээрээ Xbox/PS2 emulator суулгаж байгаад тоглож үзнэ дээ. Гэхдээ ер нь боломж гарвал нэг XBox терминал олж авъя гэж бодоод байгаа юм. (Хакедаж байхад ч XBox амар юм шиг байгаан)

За тэгээд XXAABBZZ

Танайд хоноё: 26-р дугаар

2007-05-30T19:32:00.000-07:00

Хүний хамгийн шавхагдашгүй баялаг-Дотоод сэтгэл, сэтгэлийн хат ба хайр энэрэл

Танайд хоноё гээд 1 нэвтрүүлэг гараад байгаа шүү дээ. Зарим хүмүүс Японы нэг нэвтрүүлгийг дуурайсан л гэх.. Гэхдээ уг нэвтрүүлэг нь хүмүүсийн амьжиргааны түвшин, амьдралын хэв маяг зэргийг харуулдаг болохоор үзэгч ихтэй болсон байна лээ.

26-р дугаар эхлээд гудамжинд хэд хэдэн хүмүүсээс танайд хоноё гээд явсан ч хүмүүс шууд зугтацгааж байх юм. (Надтай таарсан бол мэдээж би ч гэсэн зугтаж таараа :p )
Харин 2 хүүгээ дагуулсан нэг бүсгүйтэй таараад асуутал: -Манайх ч нэххх хүн хоноод байхаар айл биш ш дээ гэж байх юм. За энэ бол нэвтрүүлгийн эхлэл нь байлаа.

За олон юм нурших нь байна, гол ажилдаа ороё:
Элэгний серёз гээд хүнд өвчин тусч, элэг нь устаад тогоон шиг гэдэстэй болоход нь нөхөр нь өөр баян хүүхэнтэй сууж төрүүлж өсгөсөн 2 хүүтэй нь хаяад явсан ч сэтгэлийн хат, тэвчээр зуун амьдралаас өгч буй хэдхэн хоногийг үр хүүхдийнхээ төлөө гэж бодон өнгөрүүлж байгаа сэтгэл сайтай нэгэн бүсгүйн хэцүүхэн ч гэлээ бахархмаар амьдралын нэгэн өдрийг харууснаараа энэ нэвтрүүлэг одоо Монголд шуугиан тариад байгаа юм.

Ойрд ТВ үзээгүй байсан болохоор уг нэвтрүүлгийг on-air.mn TV архиваас сая үзээд сэтгэл хөдлөөд энэхүү ядмаг бичлэгийг бичиж сууна.

Тунгалаг бүсгүй ингэж ярьж байна лээ:
...-Ядуу хүн гэхээр хүмүүс халтар ноорхой хүн гэж боддог. Хүн ядуу байлаа ч гэсэн ганц ширхэг саван олддог л байхгүй юу. Тиймээс би гэр орноо цэвэр байлгаж, хүүхдүүдээ ч гэсэн цэвэрхэн хувцас хунартай явуулахыг хичээдэг. Гэхдээ өвчтэй болохоор хамаагүй хөдөлж чаддаггүй юм. Ядраад толгой эргээд уначих гээд байдаг...

...-Би заримдаа боддог. Ингэж хүнд өвчин тусч ийм байдалд орсон нь цаанаасаа намайг амьдралыг, амьдралын үнэ цэнийг мэд, тань гэж бурхан нэг захиа шидсэн ч юм гэж санагддаг...

...-Өнөөдөр би хүнд дараа болж, өөрийн амьдралаа хүнд нялзаахыг хүсдэггүй. Биеэ даагаад сайхан амьдарч үзье. Үхэх байсан ч гэсэн хамаагүй. 2 хүүдээ үзэгдэх хугацаадаа л сайхан амьдарна...

...-Хэдийгээр ийм болсон ч гэлээ би хүүхдүүдээ хүн шиг хүмүүжүүлээд л үлдээнэ. Хүн үзэх ёстой зовонгоо үзээд л, туулах замаа туулаад л өсөг дээ. Миний дүү нар нэг нэгээр авч өсгөж өгье гэдэг боловч би хамтад нь асрамжийн газарт өгсөн нь дээр байх гэж боддог...

...-Би хадам ээждээ хэлсэн л дээ. Танай хүү чинь амьдралдаа алдаад байх шиг байнаа. Би хэлснээс та хэлсэн нь дээр болов уу гэсэн л дээ. Тэгтэл урдаас миний охин үхэхээр бол санаа зоволтгүй дээ, тэр цаадах хүүхэн нь боломжтой юм байна лээ, 2 хүүг чинь тарган цатгалан өсгөөд өгөх байлгүй дээ гэж хэлсэн. Тэгээд би ямархуу ухамсартай хүмүүс бэ гээд бодсон л доо...

...-Өнөөдөр би зүгээр л сэтгэлээ уудлаад ярьмаар санагдсан. Тэгээд ийм боломж таарна гэж бодоогүй л дээ...

...-Хүн их цөхрөөд, их гомдоод ирэхээр нулимс хүртэл хатдаг юм шиг санагдсан. Урьд нь их уярамтгай уйламтгай байж байгаад дараа нь би яагаад гэж бодохоор нулимс хүртэл сүүлдээ хайран санагдсан...

Том хүүгээс хөтлөгч Алтаншагай том болоод ямар хүн болохыг асуувал эмч болно гэв. Яагаад эмч болох юм бэ гэтэл өвчтэй хүмүүсийг эдгээдэг эмч болно гэж байв. Хэрсүү л хүүхэд юм.

Эцэст нь энэ бүсгүйн амьдрал, үзэл бодлийг нь бодоод тунгааж байхад хүн бүрт бурханаас заяасан хэдхээн баялаг байдагаас энэ бүсгүйд үр хүүхэд гэсэн баялаг байвч эрүүл мэнд гэдэг нилээд үнэтэй баялаг нь алга болчихжээ. Гэвч уг бүсгүйд хамгийн үгүйрч үл хоосрох баялаг болох дотоод сэтгэл, сэтгэлийн тэнхээ, хайр энэрэл үлдэж, түүнийг бас олж авч дээ.
Энэ бүсгүйн яриаг сонсож байхад дээр Оогоогийн блогоос уншиж байсан "өлсч ундаасавч хоол гуйхгүй, улдаж ядравч унаа гуйхгүй" гэдэг үг санаанд орж байлаа. Тунгалаг эгч бол ядуу хүн бишээ, харин ч тэр "баян" гэж занхаалаад хүний нөхрийг салгаж суудаг босс хүүхний дэргэд хамаагүй "баян", шавхагдашгүй баялагтай хүн юмаа гэж хэлмээр байна.

За тэгээд сэтгэл санаа үймрээд хэдэн өгүүлбэр маань хэдэн тийшээ салаад явчих шиг боллоо. Нэвтрүүлэг гарсны маргааш нь уг Тунгалаг бүсгүйд туслахаар маш олон хүн гарч ирээд Голомт банк дээр хандивийн данс нээсэн нь 10сая гарчихлаа гэж байсан одоо ч нилээд өсч буй байх. Уг бүсгүйг Германд элэг шилжүүлэх мэс засалд оруулахад 90 гаруй сая төгрөг хэрэгтэй байгаа гэсээн.

Уг Голомт банкны дансыг энд бичлээ:
1711021650

Нэвтрүүлгийг үзэх холбоосыг энд бичлээ:
1. Танайд хоноё 26р дугаар
2. Хандивын үйл ажиллагаа

Мессеж дуудлага худалдаа

2007-05-27T20:22:00.000-07:00

Сүүлийн үед та бүхэн ажигласан бол бүхий л зүйл дээр тусгай дугаарын мессеж харагдах болсон. Арга ч үгүй биз дээ. Монголд яг одоогийн байдлаар хамгийн их тархацтайд тооцогдох нь яах ч аргагүй гар утас мөнөөс мөн болохоор түүнийг ч бас төлбөрийн зарим хэлбэрт тохируулан ашиглах боллоо.

Саяхан манай ажил дээр нэгэн өндөр бор залуу орж ирээд нэгэн жижигхээн тооцоолол хийх вебсайт болон бас бус зүйл хийж өгөхийг хүсэв. Санааг нь сонсоход тэр залуу их сонин шийдэлтэй хөөрхөөн гэгчийн бизнес санаа олчихжээ.

Тэр нь ямар нэгэн бараа, бүтээгдэхүүнийг олон түмэнд нээлттэйгээр дуудлагаар худалдах бөгөөд гол онцлог нь ганцаархнаа хамгийн бага санал буюу үнэ өгсөнд нь өгнө. Өөрөөр хэлбэл бусад нэг ч хүн санал болгоогүй, хамгийн бага үнэ өгөөд л авчихна. Сая хамгийн анхны дуудлага худалдаандаа бол Nokia N93 гар утасыг дуудлагад оруулж байна лээ. Үүний зах зээлийн үнэ нь 850 мян. төг.

Ялагчийг тодруулах аргачлал нь:
--Oroltsogch--Une--
--22 -- 10T
--932 -- 1T
--1 -- 900T

гэх мэт. Дээрхээс харахад 1төг хамгийн бага санал мөн боловч нийт 932 хүн санал өгсөнөөр ялагч болохгүй харин 900 төг санал өгсөн хүн 850 мян. төгрөгний үнэтэй утас хожих юм байна.
Үнийн саналаа илгээх дээ маш хялбархан Mobicom: 541145 Skytel: 155145 Unitel: 141515 гэсэн дугаар руу үнийн тоогоо мессежээр илгээхэд л болох юм. Мөн нэг хүн хэдэн ч үнийн санал илгээж болно гэж байгаа.

Хөөрхөн сэтгэсэн байгаа биз. Сүүлийн үед зарим залуус маань энэ мэтчилэн техникийн хөгжил бололцоо зэргийг олж хараад толгойгоо ажиллуулж чадаж байгаа нь сайшаалтай байна шүү.

Дуудлага худалдаа/Хонжворт сугалаа шинэ хэлбэрээр дахин хүч авахнээ дээ..

Маш ховор утас зарна

2007-05-13T23:40:00.000-07:00

Тэгэхээр уншигчид дунд маань НуА (Нууц Амраг) -тай хүн байвал яг таньд таарах нэг утас зармаар байна шүү гэж..
Учир юу вэ гэвэл би саяхан TEDY төвөөс нэг Nokia 2100 авсан чинь Missed Calls, Dailed Calls, Received Calls цэс доторхи бүх дугаарууд нь янз бүрийн хаа хамаагүй тоо, дугаар болоод өөрчилөгдчихөөд надад ихээхэн төвөг учруулж байна л даа. Тэгээд энэ талаар хүмүүс сонирхуулсан чинь наадах чинь уул нь "хэрэгтэй" хүндээ "хэрэгтэй эд" байна гээд ийм санаа санал болгосон юмаа. Дашрамд хэлэхэд нэг НуА тай хүн нуа-гийнхаа утасыг хадгалахадаа нэр дээр нь утасны дугаар болгож хадгалчихдаг нэг тийм аргатай байсан гэж байсан хэхэ..

За тэгэхээр нэг ийм сонин ч юм шиг, ховор ч юм шиг утасыг нэг их үнэрхэхгүй зүгээр л авсан үнээр нь өгчихнө шүү гэж..

(Хошигнол биш шүү.. Яг ийм хэцүүхэн эд байна шүү, TEDY -д буцаая гэхээр нөгөөдүүл бөөн хэрүүл маргаан үүсгээд хавьтаахгүй шинжтэй. Угаасаа ч TEDY -ын утасын ченжүүд жоохон нахаал юм байна лээ)

Казиног номхотгосон нь

2007-04-22T04:45:00.000-07:00

Уг номыг найзаасаа авснаасаа хойш уншиж амжихгүй хэд хоног цүнхлэж явсны эцэст өчигдөр Бямба гараг таарсных барьж аваад уншиж дуусгаваа.

Ойрд уран зохиолын ном уншилгүй их удсаныг ч хэлэх үү, дээр нь монголын үргэлжилсэн үгийн зохиолууд ч нүдний гэм болсоныг ч хэлэх үү 4-5 цагын дотор нэг амьсгаагаар уншаад дуусгачихав. Манай эхнэр: -Ямар хурдан уншдагым гээд гайхаж л байна лээ. Тэр яахав, өөрт төрсөн сэтгэгдэлээ бичиж орхиё. Тэгэхгүй бол блог дээрээ бичмээр юм зөндөө байв ч за зав гарахаараа тухтай бичье гээд хойшлуулаад байхаар худлаа юм.
Анх уг номыг дэлгүүрт харчихаад миний сонирхдоггүй сэдэв байна гээд аваагүй юм. Сүүлд нэг найз маань үүнийг унших хэрэгтэй. Их дажгүй ном гэхээр нь түүнээс авч уншсан л даа.

Америкт амьдардаг нэгэн монгол залуу хэрхэн америкийн казинод уусч, түүнд ялагдаж, ялж буй талаар өгүүлдэг. Эхлээд эгэл жирийнээр аж төрж байсан залууг, түүний найз нь казинод оруулж анхны тоглолтоосоо багагүй мөнгө хожсноосоо болоод мань хүн ийм хялбарханаар ихээхэн мөнгө олж болох юм байна хэмээн ажилаасаа гарч тоглоомчин болж хувирна. Эхэндээ нилээд мөнгө хожиж амьдрал ахуй нь дээшлэн бүүр Сан Францискод Францын дуурь хүртэл үзэж, хамгийн том дээдсийн зочид буудалд хүртэл тухалж амжих боловч эцэстээ хэд хэд том алдаж, хоосорч орхино. Ингээд мань хүн хамгийн сүүлчийн 2000$ гэрийнхээ данснаас хулгай хийн авч гараад алдсан мөнгөө өсгөхөөр гэрээсээ зугтан гарч гудамжны золбин амьдралаар амьдарч эхлэдэг.
За тэгээд товчхондоо иймэрхүү хүний алдаж онох, ухаарч сэхээрэх, найз нөхөрлөл зэрэг бүхий л үйл явдал гардаг. Зохиолын хийцийн хувьд уг залуугийн зөн совин бүхий зүүд, хүүхэд насны амьдрал, бас бага зэргийн буддизмийн гүн ухааны чанартай шигтгээ эдэр нь өрнийн ахуй соёл, түүний эсрэг зэрэгцүүлээд дорнын амьдрах ухаан, сургааль зэргийг харьцуулж өгсөн зэрэг нь сонирхолтой, басхүү авууштай зүйл ихтэй байсан.

Гол нь уг зохиол хэдийгээр Казиног номхотгосон нь гэсэн сүржин нэртэй боловч гол утга санаа нь өнөөгийн мөнгө байвал бүхнийг ч хийж болно гэж үздэг барууны маягын сэтгэлгээг хөндөөд огт хоосноос мөнгө болон амжилт чадвар үл гарах нь үнэн хийгээд хүн зөвхөн сайн санаа сэдэл дээр тулгуурлан өөрийгөө болон юмс үзэгдлийн мөн чанар, цаад агуулгыг танин мэдэж, басхүү өөрийн чин хүсэл, зорилго төлөвлөгөө зэргээр бататган нягтруулж өөрийн бие сэтгэл бүгдийг бүрэн дайчилж гэмээ нь сайн сайханд хүрэх боломжтой гэсэн өнөө л миний дээр зөндөө дурдаж ярьдаг зүйлтэй холбогдож байна лээ.

Сүүлийн үед би ер нь буддизм руу их халтиран орж, буддийн гүн ухаан гэдэг салбарыг ихэд сонирхох боллоо шүү. Мөн уг ном дээр орчлон хорвоогийн орчил, юмс үзэгдлийн холбоо нь гариг эрхсийн нөлөөнөөс үлэмж хамааралтай гэж үздэг зурхайн ухааныг басхүү их дурдсан байсан. Жишээ нь: есөн зоос хаяж мэргэ төлөг буулгаж үзэх болон тухайн гариг эрхсийн таатай болон таагүй нөлөөллийг харж байж тоглоомонд оролцох зэргээр дурдсан байсан.

Хүмүүн өөрийгөө болон юмс үзэгдэлийн цаад нарийн учирийг танин мэдэж, аливааг сайнаар үйлдэхэд гол нь болохоос казино ч байна уу, ямар нэгэн бизнесс ч байна уу тухайн юуг хийж буй нь онцын хамаагүй бөгөөд гол нь зөвөөр эсвэл буруугаар түүнийг үйлдэж буйгаас нь хамаг үр дүн нь хамаарна гэсэн нэгээхэн бодлийг маань давхар уг ном батлаж өгсөнийг дурдая.

За тэгээд уг номыг нэг уншаад та өөрөө нэгийг тунгаана бизээ. Мөхөс би энд зөвхөн өөрийн өчүүхэн бодлийг ядмаглан бичиглэвээ гэж...

Бидэнд Кино санал болгоорой!

2007-04-21T20:34:00.000-07:00

Зиак, энэ сард нилээд ажил амжуулж авлаа. Хамгийн том нь гэвэл Хулан Пикчирс ХХК гээд Хулан Системс ХХК-ын дэргэд кино орчуулга хийн ТВ8 телевизэд нийлүүлэх дагуул маягийн шинэ газар байгуулсан маань байлаа.

Анх UBS ТВ-ээс эхлэж байсан байсан Ялгуун студийн (Focus кино мэдээллийн хөтөлбөр, Миеэгомбо гэхээр та бүхэн андахгүй байх) тоног төхөөрөмж, кино сан зэргийг худалдан авч хуучин үйл ажиллагааг нь үргэлжлүүлж, мөн нэмж нилээд зүйл хийхээр төлөвлөлөө.

On-Air.mn вебсайтад ч басхүү дэлхийн шилдэг сайн гэгдэх кинонуудаас ТВ үзэгчиддээ болон интернэт хэрэглэгчиддээ хүргэх боломжтой боллоо. Өмнө нь үзэгчдээс тийм киног гаргаж өгөөч гэсэн хүсэлт их ирдэг байсан боловч манайх хажуудаа ийм кино орчуулга, дуу оруулалтын студигүй байсан тул тэр бүр боломжгүй байсан юм.

Иймээс кино сонирхогч, амтархан үзэгч та бүхэн бидэнтэй хамтран ажиллахыг урьж байна. Сайн кино мэдээллийн нэвтрүүлэг, шилдэг киног эх хэлнээ хөрвүүлж үзэгчдийн хүртээл болгоход маань дэмжиж туслаарай!

Гарах кинонуудын жагсаалтад :
-My Sassy Girl (Korea)
-Windstruck (Korea)
-Taxi 4 (France)
-Beat (Korea)
-The Wind That Shakes The Barley (France)
-Resident Evil 1, 2 (USA)

гэх мэт кинонууд сонгогдоод байгаа. Тиймээс та бүхэн үзэхийг хүсч буй кинонуудаа миний erkhemee.m at gmail dot com мэйл хаяг руу санал болгох буй эсвэл энд сэтгэгдэлд бичиж үлдээгээрэй.